part 12
#هيجاء-القنط-الهباريين
بقلم:-زينب بنت الزعيم
التصويت والتعليق
•••••••••••••
انه جربت مُر الحياة
جربت مُر الكهوه
وتريد ما اتحمل مرورتك
صدكني بلريش
(بقلمي)
••••••••••••
واكفين وكدامنه جد عبد الله يرزلنه ويعاتبنه
:-منو سمح الكم تطلعوهن، ولو صاير شي بـ هيڨ مو هسه يكولون مني الصوج مادرت بالي عليهن
هيڤ:-عادي عمو اني افهمهم
:-لااا متفهميهم متعرفين افكارهم شنوو
هيڤ:-اني الوكعت متأذيت انتَ شبيك
عبد الله:-اسفين جدو مانكررهه
:-لاااا لااا ولكمم كرروهه حتى هاي روسكم اكسرهه والله
هِلن:-هسه انتَ شبيك،علمود الاحصنه تعبن، اني اكول لجدي يشتريلك ثلاث تعويض
:-اااسسستغغففررر الللله يااربيي اخذ روحييي
هيڤ:-تره حيرتنه لا تريد احصنه، لا تريد نركبهن عليمن جايبهن لعد
عبد الله:-اكرر اسفي جدو ومايتكرر امشن لغرفتجن امشن
هِلن:-هوه راس البله، وطلع منهه مثل الشعره من العجين
هيڤ:-امشي ننام شوي
هِلن:-امشي
ـ صعدنه لفوك وبس دخلنه للغرفه سحبتني، واردفت
:-نسوي مقلب
:-لااا عيب غير ضيوف
:-لعد لو ضيوف شلون يرزلنه، معليج اني افكر بس عاونيني
:-اوكِ، اريد انام
:-انطمري عسى طمر متشبع نوووم ياللله
:-اوووي
ـ خليت راسي بس مانمت افكر شعجب نذير ما اتصل بيَّ حتى بكر ما اتصل، شلت تلفوني واتصلت على نذير بسرعه رد
نذير:-الوو
:-هاا الو
نذير:-شلونج، شلون السفره خوما تعبتي بلطياره
:-الحمد لله، لا بس شويه صيحت وبلكوه يله سكتوني
نذير:-وفضحتينه!!؟
هِلن:-Yes غير اول مره
نذير:-وهسه انتن وين؟
هِلن:-يم ابن عم جدي، وحفيدهم اسمه عبد الله اخو الهدام يصير
نذير:-اخو الهدام؟
:-اي والله هوه كال الي بلسانه
نذير:-عوفينه خوما تعبانه
:-كُلش هلكانه،جيت انام اتصلت بيكم لان ماذكرتوني، بكر وين؟
نذير:-مصخن خطيه
:-صدُك، وهسه هوه يمك؟
نذير:-لا ببيتهم
:-اتصل عليَّ لو عيب؟
نذير:-كيفج هوه مو عيب، بلعكس كلش حلوه هسه يشوفهه منج
:-اوكِ
نذير:-ديله عيني روحي اتصلي عليَّ خطيه
:-اوكِ باي، سلملنه على الكل
نذير:-الله يسلمج انتِ هم سلميلنه
ـ اتصلت بعده على بكر خطيه بلكوه يله يحجي بس سلمت عليَّ وسديته لان تعبان
ماغمضت عيني لحد ما صاحولي للعشه ونزلت وجدهم مفور من سالفة الاحصنه، كعدت وياهم ومن شفت شكله دخلت شفايفي لداخل حلكي امنع الضحكه
وعبد الله وهيڤ من شافوني ابتسمو وقلدو حركتي
أنت تقرأ
هيجاء القنط"الهباريين"
Научная фантастикаوسط ضجيج الفرح الحزين وبين ثنايا الفقر والـ غنا وحين زحام الخطايا وِلد ليكون ذا سلطه ذا جبروت في وسط قلبهُ المتحجر هناك ضوء ضئيل محتجب، خفيف، لامع اي يعني هناك أمل للرجوع الى الصواب وِلدت لتكون المفضله لتكون الحسنه عند النضر في وجهها يوجد اطمأنان...
