هيجاء القنط"الهباريين"

part 21

هيجاء-القنط-الهباريين
بقلم:-زينب بنت الزعيم
التصويت والتعليق

••••••••••
وصلت لمرحله!!
حتى بشهكتي اشرغ
يجيس التعب حيلي
واكولن اهخخ
انه اسمر ذاك الدمه حار
بس برد من جاس ردك تعبي
-بقلمي-

•••••••••••

ركضت ركض مصاير تقريباً صارت بلـ10 الا ربع يله دخلت البستان فتحت فلاش تلفوني وضويت بي، بسرعه صار كدامي مهيمن وعاط عيطه حتى الغاط بنومته صحه

بحيث مجتبى وقاسم اجوي يتراكضون واني كاعده على الارض خربانه ضحك

مهيمن:-يييممه
:-اهخخخ والله جنت محتاجه هيج اضحك، اهخ يمه ضحك خير ربي
مجتبى:-ادرييي جنيه شجاابج وحدج
:-مرتك دكت عليّ مشتاقتلي واجيت
قاسم:-ببيتنه يم امي
:-نذير هنا؟
مجتبى:-اي بس يروح اكله ياخذج ويا
:-ديله لعد اني اروح

ـ كمت دخلت عليهن جانن بنات خالتي هيفاء ونُها موجودات وهيڤ ورحمه هم يم خالتي ورايه حجيت بسرعه

:-انييي اجيت

ـ سلمن عليّ وبعدين اكلت رزاله وحتى هيڤ ضربتني على ضهري، وعاد رحت كعدت يمهن

هيڤ:-شطلعج بذيج الضهريه
:-هضمووني داده، ولج لو شايفه ذاك التجمع الا تدكين وتلطمين وستوين اكثر من سوايتي
رايه:-دنجبي ميت الف طريقه اكو وانتِ ركضتي على هاي

نجاة:-ولج ليش خاله ليش ادري مافكرتي بيهم والله حالهم يكسر الكلب، الجكاره ماوكعت من ايديهم وفرو المحافظه فر بيش طالبتهم ييمه

هِلن:-خاله اني اخواني لو يهتمولي جان درو وين اروح ووين اجي مو عايفيني على رأي جدي

رحمه:-مو بس اخوتج ولج والله زلمنه كلهم بس بليل نشوفهم وحق الحق

هِلن:-انتو وحد عنّي
نجاة:-هذه الكاتبه ربج هِلن وهاي السالفه اذا تنعاد بعد لتعتبرين عندج خاله

هِلن:-لا والله بعد ماعيدهه ابد شنو عاقله مخبله اعيدهه

هيڤ:-عوفونه من هاي، ليش ما اجيتي بلسبعه مالتي؟!

هِلن:-خليهه سكته احسن هيڤ ماريد اتذكر
هيڤ:-لووو غيري جان وليتي بس بعيني هِلن
هِلن:-انجبي لا اطيح حظج، صدك شنو ممفكرين تخلفون
نجاة:-بضحك:-ييمه لساهم عرسان تره والله كريم لاحكين على شلعان الكلب

رايه:-اووييي حماااس حلوين الجهال الصغار لحد عمر سنتين بس الباقي لا مكروهين
رحمه:-امممم شفهم ولج من كلامج؟
هيفاء:-اي والله شنو تكرهين ابني؟
رايه:-شلون اكرهم ذول بيهم ريحتكم بس ضبوهم شوي والله من يبجون يطيحون حضي