هيجاء القنط"الهباريين"

part 11

part 11

هيجاء-القنط-الهباريين
بقلم:-زينب بنت الزعيم
التصويت والتعليق

•••••••••••
نهرك جان عالي
واني تنيت
تنيت ينزل حتى اعبر
بس ضلت بخاطري كلمه
"ليش هجرت"؟
(بقلمي)
•••••••••••

هيڤ:-بإبتسامة:-هلو
:-اهلاً، شلونج
هيڤ:-الحمد لله ابو
:-ابو هيڤ

ـ باوعتلي متوتره غمضت عيونهه على كيفهه، افتهمت واني جاوبته

هِلن:-شكراً ابو هيڤ عذبناك ويانه
:-عذابكم راحه ولو تدلل هيڤ
هِلن:-شكراً

ـ هز راسه متفهم عافنه وراح، التفتت عليَّ وكمشت ايديه وعصرتهن حيل، واردفت بتوتر

:-محمد
:-هذه محمد؟
:-اي
:-ابو هيڤ
:-شسوي هِلن كلبي كام يدك
:-لا هيڤ لا الرجال متزوج
:-حنيت
:-ووول متزووج عنده بنيه
:-اههخخخ هِلن، تعكر مزاجي
:-اسكتي، وخليني بضيمي

ـ عفتهه تراجع حساباتهه وباوعت على المناضر الخلابه، خضار، وأنهر، خضار الزرع وزراك الأنهر ناطي منضر جميل جداً
ومن شفت هاي المناضر اتذكرت موقف صار، واردفت واني اباوع على المناضر

هِلن:-هيڤ
:-همم
هِلن:-اتذكرت شغله
:-وهيَّ

هِلن:-مره جنت بعمر 14 سنه هيج جنت اراسل صديقتي ببيت جدو
جان تدزلي صور مال طياره وكالت اني راح اسافر واني كمت جمعتلج البنات وكتلهن
وعود هيَّ تحاجيني وهيَّ بلطياره، ليش مو اجه عم سعيد وكلت اله، وكال

سعيد:-انتن لما عاقلات وين اكو شبكه والطياره طايره

هيڤ:-هههههه امداج
:-شمدريني اني قابل مسافره قبل، لا وفوك القهر اتباهه
هيڤ:-عادي مجنتي تدرين
:-بس تفشلت
هيڤ:-عادي يول

ـ رجعت انضاري للشباك مال الطياره ومادري بروحي من غفيت
كعدت على صوت هيڤ تدفر بيَّ

:-بنعس:-شكووو
هيڤ:-راح نوصل
:-ايي واذا وصلنه قابل هيَّ باب الشرجي

هيڤ:-ووجع كومي حضري روحج جهرتج ماتتباوع ولا تناشف رتبي خلقتج راح يستقبلونه معارف جدي

:-اهووو يعني شوكت نصير احرار والله العظيم لعبت روحي اريد اطلع واطب براحتي
هيڤ:-وصلتي تره هوه غده يمهم ونطلع للحريه ونحضر حفلات عاد لعبت روحي
:-ههههه والله ممصدكه عبالك جنه بسجن
هيڤ:-اي والله واخيراً

ـ باوعت شويه للشاشه الموجوده كدامي على فلم انكليزي حتى اتقن هاي اللغه
وصدك ربع ساعه ووصلنه وجان الهبوط اصعب من الاقلاع دمي نشف