#هيجاء-القنط-الهباريين
بقلم:-زينب بنت الزعيم
التصويت والتعليق
••••••••
هلي لو بيدي ماحبكم
هلي وعثرات دربي كلها منكم
هلي چا يمته انه ارتاح
لا جانه الفجر ولا شفنه شمسكم
-بقلمي-
•••••••
هِلن:-اريد اروح بس اتردد خاف نذير ياخذهه بغير قصد، ولا اني الاكدر اكعد واسكت
وعلى الحادثه مر يومين، اسمع الاخبار من رايه وهيڤ
رايه:-يمعوده هاي الضهريه غير الواحد ينام، احنه خطارنه هسه يله يجون عدهم صبحيه
هِلن:-معقوله ولا وحده من الجناين وياج
رايه:-والله رحمه وهيڤ خطيه جهالهن وراهن يتعايطون
هِلن:-خلي يتحملن هلـ اسبوع شيسون
رايه:-اشوو انتِ ماكو ما اجيتي
هِلن:-يمعوده خاف اجي ونذير وبكر ياخذوهه بغير قصد والله اغوط بملابسي
رايه:-اممم مو عينهم علـ باب
هِلن:-انجبي، شبيدي اني قابل هاا شبيدي
رايه:-كلشي بيدج بس انتِ عوبه
هِلن:-عوبه انتِ، بعدين والله كاتله روحي بس نذير هبابه ينتر بيَّ من يوم الحادثه لهسه
رايه:-هذه شبي اخوج، كون يمي الا اجعصه تجعص
هِلن:-شسويله
رايه:-اني اكول لأمي تعزمج
هِلن:-كلهم يدرون؟
رايه:-اووو بليل من يضوج بطاريج يضحكو
هِلن:-بإبتسامة:-عزه
رايه:-والله اكثر المرات ضايج من وضعه يجي مهيمن يكله فلانه سألت عليك ويضل مبتسم ساعات امي تكله لو ادري هيج اسحلهه واجيبهه يمك هيَّ واخوانهه
هِلن:-احس عيب
رايه:-لا بس هو أمان حبه مفضوح، كلش يبين على عيونه وعلى احواله
هِلن:-بتنهيده:-الله كريم حبيبه، يحلهه الحلال
رايه:-اشو اخذني الواهس، لتنسين كولي لأخيج بسرعه تعالي بليل احسن لأن جناينه راح يطلعن لخطوبه عود بمكان امي
هِلن:-دشوف والله الله كريم
رايه:-ديله ننتضرج
هِلن:-اوك، سلميلنه
رايه:-الله يسلمج حبيبتي
ـ سديته منهه وكعدت، شسوي بله اني اوضاعي تسمحلي اخطي هيج خطوه
زين واذا رحت وكلت لـ نذير، خاف يتبره مني، بس عيب شنو اروح اكله والله لو اموت
للعصر دخل ضايج وروحه بطارف خشمه وينتر، كلبي لزمني وخفت منه
طب سبح وطلع وهو بس يذب حسرات ويتأفأف
هِلن:-جوعان اصبلك؟
:-تؤ اريد انطمر، الباب تنقفل وممنوع تفتحيهه انتِ اذا تندك
هِلن:-ماشي
ـ دخل نام واني قفلت البوب ودزيت مسج لـ رايه وسديت التلفون
ضليت افتر شسوي، ضايجه البيت نضيف يلمع والاكل محد جوعان ضليت صافنه بلتلفزيون تالي طلعت قناة مطلعين توم وجيري بس حديثه حلوه كعدت اباوع حلقه وره حلقه
لحد ما أذن اذان المغرب كمت صليت ورجعت افتر وافتر لحد ما مشه الوقت ورحت نمت
أنت تقرأ
هيجاء القنط"الهباريين"
Science Fictionوسط ضجيج الفرح الحزين وبين ثنايا الفقر والـ غنا وحين زحام الخطايا وِلد ليكون ذا سلطه ذا جبروت في وسط قلبهُ المتحجر هناك ضوء ضئيل محتجب، خفيف، لامع اي يعني هناك أمل للرجوع الى الصواب وِلدت لتكون المفضله لتكون الحسنه عند النضر في وجهها يوجد اطمأنان...
