هيجاء القنط"الهباريين"

part 30

#هيجاء-القنط-الهباريين
بقلم:-زينب بنت الزعيم
التصويت والتعليق

••••••••••••
غصيت من ذاك الحجي
وكلبي همّاك
حجيكم حيل اذه الروح
يابعد هذه وهذاك

-بقلمي-
••••••••••

ـ ضلام دامس، اصوات مرعبه، صوت خطواتي الوحيد الي اعرفه

طلعت وحدي وعفتهم بعد حديثنه واتفاقنه، لكيت علبة مال معجون بلشارع
كمت اضرب بيهه مثل الطوبه، حيل متأذيه من حجيهم يعني ليش اخواني صارو هيج ماعدهم غيره عليّ، ليش شسويت بحياتي

الطريق جداً طويل بس استرجعت ذكرياتي وي هيڤ بحفلات عرس نُها
مره ابتسم ومره اطنكر ومره عيوني تدمع وهيج لما وصلت للفرع مال بيت جدي الفخم، مثل ما تركته اضويته تارسه الشارع والهدوء عام بلمنطقه

شافني احد الحراس فـ فتح الباب لما وصلت، دخلت جوه والحراس متفاجئين من برودي، بسرعه عيوني دمعت من تذكرت مواقفي وي امي وعائلتي وهيج كدرت ادبر اول خطوه

جان البيت فارغ اخذت مزهريه وكسرتهه وعلى الصوت طلعت بيبي وسيناء

الجده:-بإستغراب:-هِلن؟
هِلن:-بخنكه:-جدو وين؟
الجد:-جوه، غساان هاي هِلن هناا

ـ طلع جدي مستعجل عبالك ممصدك، بس شافني اشرلي اروحله
واني كبل ركضت حضنته وبچيت، ايده تمسد على راسي بهدوء والبيت سكن، حرفياً بس صوت شهكاتي بلصاله

مشه بيَّ لغرفته وضل حاضني لحد ما هدئت شوي، وخر راسي من صدره، واردف

:-نذير؟
هِلن:-بشهيك:-اي
:-اهدئي اني اله هذه الـ****
هِلن:-مايحبني جدو لا هو ولا بكر
:-فدوه الج يروحون خلي يولون والله اطيح حضهم ذول الادبسزيه تمرعنو بس اني الهم

الجده:-كومي امي كومي فوك غرفتج نفس ماهيه روحي ارتاحي
هِلن:-جدو خوما يجون خوالي؟
الجد:-لعيونج خطوه مايخطون، اني لو ماشايلين الشغل اباوع بخلقهم الزفره
هِلن:- ديله لعد تصبحون على خير
:-وانتِ من اهل الخير

ـ عفتهم وكمت صعدت فوك لغرفتي، وصدك جانت نفس ما هيَّ، كعدت على السرير وكلشي انعاد شريط حياتي صار كدامي

ماحسيت على روحي شوكت نمت، كعدت على صوت جدي الفرحان

الجد:-كومي بابا كومي تريكي
:-بنعس:-ماريد
الجد:-لا شلون كومي ميصير تضل معدتج فارغه
:-جدووو
الجد:-كومي ولج رميح هم هنا تعالي بسرعه
:-هسه اجي