هيجاء القنط"الهباريين"

part 40

هيجاء-القنط-الهباريين
بقلم:-زينب بنت الزعيم
التصويت والتعليق

••••••••••••
تجي نكعد كدام صوبتنه
ونشربك چاي حار الي بكد برودك
ليش ياتالي انتضاري
وتعب، وسنين، وقهر، واشواك
حزن كلبي بغيابك ومن برودك

-بقلمي-
••••••••••••
اليوم يوم بس الله يستر منه، الجو مو اجواء عرس وخطبه اجواء متوتره جداً، رحت الصبح لبيت خالتي حتى أچيك واجس النبض مثل مايكولون كعدت بلصاله
مهيمن كدامي كاعد وخالتي متبين فرحتها خوفاً من عمي

مهيمن:-شنييي غير عرس وبيت بي فرح
ابو همام:-اسكت مهيمن، الله لا يرضه عليكم لان اني ماراضي عليكم
مهيمن:-شتريد الله يسوي بيَّ بعد، اشو مكابلك وكاعد مكسّر
نجاة:-سوده بوجهي يمه والله مكانك وركصك خالي يمه حبيبي
مهيمن:-لتبچين ولتحجين هيج لساني مامتت يمه ضميهن هم يله يكفنج لفاتحتي

ابو همام:-اييييي حتى تكمل السبحه عليَّ خاف اني ماعايز قهر وضيم

مهيمن:-والله انتَ اكثر واحد بينه متونس، يابه عرس ابنك ميتكرر افرحله مثل مافرحت للبقيه

ابو همام:-هو شبقه وشخله حتى افرحله شبقه كولولي

مهيمن:-هاي هيه بيدك شي؟ لا لتحسسه بشي خطيه هو هم يريد يشوفكم مكيفين وفرحانين اله فكو النونه تره والله العضيم اسويها واكلب فرحكم عزه واني مهيمن اخو لـ 8 ومو من ضهر ابويه اذا ماسويتها

ـ بلش عمي يعد ويسفط على مهيمن، وهو ما أهتم مشه بلكرسي وحده وطلع من البيت للطرمه
كمت فتحت غُرفة رايه لكيتها شاده شال على خصرها ولابسه سماعات وتهز

ابتسمت عليها اجتي عليّ جرتني وفلت السماعات وضلت على صوت التلفون
ركصت وياها شويه وطلعتها سحل من الغرفه حتى ننضف البيت لان خوات عمي على جيه

رايه:-يابه شبيك كوم شو خلي نركص
ابو همام:-وخري مني رايه

رايه:-ياااابه والله العظيم اذا زعل آمين وحز خاطره منك والله اني هم اتزاعل وياك، اشو اني مكيفه

ابو همام:-قابل ماريده يتزوج بس ماسمعتي خالج شيريد وشنو شروطه

رايه:-واحنه شعلينه اشو آمين وقابل هو يوديلها انتَ اخلص منهم وزوجهم حتى نرتاح

ابو همام:-راح اطلع اكمل اعزم العالم

رايه:-أجر السماعه الي أجرناها بخطبة أمان ماتنسه موو

ابو همام:-لااا ما أنسه
رايه:-متفوت للبيت اذا مجايبها
ابو همام:-بخزره:-شنو؟
رايه:-راح اكوي القاط مالتك حبيبي روح الله وياك