هيجاء القنط"الهباريين"

part 20

هيجاء-القنط-الهباريين
بقلم:-زينب بنت الزعيم
التصويت والتعليق

••••••••••
شايف حزن يعكوب ونوحه وبجيته
هيج اني حالي عليك من ما اجيته
-بقلمي-
•••••••••

بحلقت عيوني بشده حتى حسيت عيني راح تطلع من محجرهه، بلعت ريكي وعيني دمعت لا ارادي، هزيت راسي رافضه

اول مره بحياتي اشوف هلكدر سيارات متجمعه بمكان واحد
بكل جهه من هذه البيت الجبير يوجد اقل شي 15 سياره سوده ومضلـله وعاليات

هِلن:-شنو من عزيمة غده هااي، ما انزل لو اموت
:-اظن هاي وليمة كل الحبايب
هِلن:-ومنين حبايب شو واحد حاقد على الثاني اكثر من القبله
:-اي والله بس شلون قابل تضلين كاعده
هِلن:-هسه اتصل على جدو، والله استحي انزل

ـ اتصلت عليّ وبلغته احنه بره حتى يطلع الي، دقايق وطلع جدو بقاطه الرسمي ورافع خشمه ومتباهي بروحه
نزلت ونزل قبلي حبيب، اتقدم جدو علينه

هِلن:-جدووو هاي حشود مو عزيمة غده صغيره
:-نصهن بنات امشي وياي
هِلن:-استحي جدو والله استحي ماااريد
:-اششش امشي يله، حبيب لتجي بليل اني اجيبهن واجي
هِلن:-بجزع:-جدووو
:-وجعع
هِلن:-بيبي جوه؟
:-اي لعد وين تروح، امشي جوه

ـ اخذت نفس عميييق كفيت شعري لوره ومشيت وراه واني اباوع على المكان وشكد ضخم حتى اكبر من بيتنه
منطقتهم هادئه، وحتى همَ رغم حشد جبير جايين هنا من الاقارب بس هادئين عبالك نايمين

دخلت ويّ جدو للصاله الي حرفيا صدمتني بكبرهه والناس الي مرتبين ومنضمين على كعده وحده، هزيت راسي وانتبهت الهم موجهين نضراتهم علينه، ابتسمت بتوتر واردفت

:-االسلام عليكم

ـ ردو عليّ وبعدهه رجعو يسولفون

الجد:-فوتي لذيج الغرفه تلكين بيبيتج بيهه
:-جدو حباب اريد ارجع
الجد:-اششششش

ـ كلبي حسني راح يصير شي، دخلت لهاي الغرفه لكيت بيبي وسط تجمع مال نسوان انتبهت عليّ واشرتلي اروح الهه

الجده:-بإبتسامة:-حفيدتي هِلن

ـ كلهن سلمن عليّ وهنه مبتسمات لا طايرات، كعدت وسكتت بعدهه بنص ساعه او برمشة عين البيت فرغ
ضلو بس اهل البيت الي هو اخو جدو واخوان جدو وواحد يصير ابن عم جدي بس لسه صغير