هيجاء القنط"الهباريين"

part 19

هيجاء-القنط-الهباريين
بقلم:-زينب بنت الزعيم
التصويت والتعليق

••••••••••
وطلع كل هذه وهم
ارسم بكحلي ضلمة هلأيام
بين الراح والما راح
ضل جرحي مفتوح ومترس آلام
-بقلمي-
••••••••••

هِلن:-نذير
:-هاا عيني
هِلن:-وينك؟!!
:-خير شكو
هِلن:-انتَ طالع تتونس واني هنا هبابهم يشككون بيَّ ويتهموني!!!
:-هيوو شكو تصيحين، منو همَ
هِلن:-خالو مجد الضهر راقبني من جنت احجي وي عبد الله ورايح كايل لجدي بينهم علاقه
:-ومن شوكت تحجين ويا انتِ، أصلاً من شوكت تحجي وي ولد هِلن

هِلن:-صديق صدكني وتذكرته وحجينه الضهر لأن ضايجه وهم اخذوهه على هذه القصد
:-اجيت هِلن اجيت

ـ سد الاتصال واني كعدت انتضره، ربع ساعه وسمعت صوتهم ضليت بمكاني هواي يله دخل للغرفه وطبكهه حيل وبدأ بيَّ

نذير:-هِلن من شوكت تلغين ويه زلم حاجيني
:-صديق شبيك

نذير:-مووو ثوبنه ولجج هيج سواللف مو مالتنه ولجج بس انتضريني ادبر روحي اخذج وأهج للكبوور التاخذني وتخلصني

:-شعليّ اني

نذير:-من هسه حجي وي زلم ماكو، وهذه رسول ممنوع منعاً باتاً تحجين ويا حتى لو سلام واذا سألج كوليله نذير مايرضه، حتى رمح على كد السلام والأسئله ممنوع، ولتجبريني افتش تلفونج خلينه حبايب هِلن وثقتي بيج عميه

:-ماسويت شي همَ
نذير:-ادريي همَ والله ادري، ناس متخاف الله، يبلون ياهو اليطلع بوجههم، لذالك احنه شنسوي ياحزرج؟ نتجنبهم عوفيهم اعتقيهم ريحي بالي لتخليني اربع وعشرين ساعه بالي يمج هِلن

:-ماشي لتصيح
نذير:-هاي هيَّ هِلن كلامي ما اعيده خووش
:-خوش

ـ هز راسه وطلع درت وجهي ماريد دموعي ينزلن كلش اخذت على خاطري
حتى على جدو الطفل اذا يجي يكله شي يصدكه مو عاد خوالي وهو يثق بيهم ومعمي على عيونه

من يومهه ورجع كلشي طبيعي الا اني!!
صرت اطلع واطب والبس واكشخ ما اهتم لأحد وحتى جدي ما اهتم اله حتلو يصيح عليّ وحتى مرات يتجاوز بس اعوفه

بيوم السبعه مال هيڤ اكيد انعزمت بس ما الي خلك اروح اشتريت هديه قبل يوم ودزيتهه وي بيبي من راحت الهه

******

كل يوم ويّ مجتبى عندي يسوه سنه من سنيني وي بيت جدي
ماحسسني بغير احساس الامان والسند والحب هذه الشخص لمني واحتواني