part 9
هيجاء-القنط-الهباريين
بقلم:-زينب بنت الزعيم
التصويت والتعليق
••••••••••••
حبيب قلبي قد نام
ولم يعد ليفتح اجفانهُ
هل تركني لأواجه
القدر وحدي ام؟!
سيعود ليحاربهم لأجلي؟!؟
-بقلمي-
••••••••••••
أمان:-جدي اني اطلب منك ايد هِلن على سنة الله ورسوله
ـ حرفياً الكل شهك، واني مدري شلون سديت حلكي بآخر لحضه وماطلعت صوت
الجد:-بشك:-امممم متأكد؟
:-اكيد
خليل:-ننطيهه، كبع واخذ
ـ ضرب العكازه بلأرض، واردف بعصبيه
الجد:-اننييي الاقرر هنا
مهيمن:-واني وياك اخوي خوش رجال والله العظيم صح هوه شويه وكيح بس جرة اذن ويتعدل معليك بي
همام:-بخزره:-مهيمن!!
مجتبى:-صدك خلي نكبع وناخذ احنه اهل مابيناتنه دك وركص واعراس
بكر:-هووب هوووب شبيك، صدُك تحجي انتَ أمان
أمان:-يشرفني اناسبكم
بكر:-شبيك اخاف تعبان يول
أمان:-لا والله بكامل قواي العقليه
بكر:-محد ينطي رأيه الا يرجع نذير
الجد:-هوه هيج
هيڤ:-يول واخيراً عرس
ـ خلت ايدهه على حلكهه وذبت هلهوله صركعت البيت تصركع
الجده:-ببسس شبيج مشايفه
هيڤ:-من هسه بيت وحد، ويوميه تجينه
الجد:-انلصمي هيڤ
هيڤ:-ونطلع سوه وكلشي سوه خوش لو لا
أمان:-بإبتسامة:-خوش
هيڨ:-بضحك:-والله تقبل بيك يمي خليهه
همام:-يله مادام هِلن متأذت احنه هم نرجع
مهيمن:-بتثائب:-اي والله ارجع بلكي احلم بشكول حلوه
همام:-سلمولنه على عروستنه، تصبحون على خير
ـ طلعو واني من الصدمه ضليت واكفه بمكاني، اجتي هيڤ تريد تصعد طايره
بس شافتني سحلتني وياهه للغرفه وكامت تكمز من الفرح وممصدكه
هِلن:-انتِ من كل عقلج
:-اي ليش لا، أمان خوش ولد ومرتب وحباب وجميل وانيق شتريدين اكثر
هِلن:-مادري احس مو هوه الشخص المناسب الي
:-هوه انتِ منو متحملج والله العظيم غير حباب وهسه تشوفين شلون يدللج
هِلن:-اني طامسه بلمشاكل واخواني ثلاثه مادري بأراضيهم وين، ونذير مورط روحه بمصيبه اكبر من روسنه وتريديني اتزوج
هيڤ:-اكعدي خلي احجي
:-ممنوع تحاولين تقنعيني
هيڤ:-خل الغي عاد، اكعدييي دكعدي
ـ كعدت على سريرهه وهيه تربعت كدامي وشلهت رداناتهه عبالك كاعده على ثريد
هيڤ:-يمكن اول مره تشوفيني احجي بجديه، بس انتِ هسه شلون الثكل او الخوفه على كلب نذير يعني مايكدر يتحرك اي تحرك بسبب خوفه عليج صح
أنت تقرأ
هيجاء القنط"الهباريين"
Ficção Científicaوسط ضجيج الفرح الحزين وبين ثنايا الفقر والـ غنا وحين زحام الخطايا وِلد ليكون ذا سلطه ذا جبروت في وسط قلبهُ المتحجر هناك ضوء ضئيل محتجب، خفيف، لامع اي يعني هناك أمل للرجوع الى الصواب وِلدت لتكون المفضله لتكون الحسنه عند النضر في وجهها يوجد اطمأنان...
