شيماء بدات تفقد الامل وتعصبات جلسات غير كتسمع في فطوم اللي كدير مجهود باش تكون كلاص بزز وماتحشمش براسها..بدات تهضر العربية مللي تقباتها فسوب نيسواز ومع الدهشةبدات تخربق وقررات تهضر الدارجة وتنوض وحتى هوا بدا كيجاوبها بالدارجة مللي مابقاتش كترد عليه لا ب وي. لاب بنو ..عاد رتاحت شيماء وسمعاتو قاليها شنو كديري فحياتك قالت ليه كنقرا القانون فلافاك
قاليها مزيان .. قاليها العام الاول ديالك واللخر
قالت ليه الوسطاني
تنهدات شيماء وشدات بين عينيها ساكتة وقاليها ساكنة يمكن فالجامعة
قالت ليه لا ساكنة انا وشيماء .. ماعجباتنيش الجامعة ..مولفة بيتي بوحدي
قاليها بصح حسن ليك..شحال فعمرك افاطمة الزهراء
قالت ليه عشرين عام
قاليها كتباني تبارك الله كبيرة على الاج ديالك
ضحكات قالت ليه اه سبحان الله
بقا كيضحك ويهضر هوا وياها وقاليها شكون البنت اللي كانت معاك الصباح فل. Uir
قالت ليه فين ؟؟
قاليها البنت اللي جيتي معاهت الصباح
قالت ليه ااه صاحبتي شيماء.. مالها ؟
قاليها بانت ليا معصبة مابغاتش حتى توقف معانا
قالت ليه اه حيت مزروبين غادي نسافرو
صغرات شيماء حجبانها كتسنط قاليها بصح غتسافرو؟ فين غتسافرو
قالت ليه لطايلاند
قاليها طايلاند؟. والقراية ديالكم ؟
قالت ليه لا حيت كنا غنسافرو هاد الصيف كان الحجز غالي ودابا رخاص
شدات شيماء وجهها قالت ليها اوييلي على الحجز اويلي
لحسن الحظ هضر معاه النادل مع ديك الجملة ديال الحجر وعيطات ليها شيماء قالت ليها البيي ماشي الحجز البقرة
حطات تيليفون قالت ليه قلت ليك كنا غنسافرو وكان البيي طالع ودابا هبط قلنا نمشيو واحد سيمانة
تنهدات شيماء قالت ليها الحمد لله ماقالت ليه واحد الاسبووع..يتبورضو عليك السبوعة
قاليها مزيان .. غتمشي غير نتي وصاحبتك
قالت ليه اه غيرانا وياها
قاليها وقتاش غتسافرو
قالت ليه غدا الصباح
حل عينيه قال ليها غدااا
دوماج كنا نمشو انسومبل
تبسمات قالت ايوا مرة اخرى ان شاء الله
كملو العشا على التعارف كما ديما وخلاتها شيماء مللي حسات بيها تعودات على الوضع وحيدات الدهشة وقطعات وتكات كتسناها حتى رجعات للدار
مع الدخلة جراتها قالت ليها فيك ريحة الكارو
فطوم: شعلت واحد وانا جايا وكنت بوحدي
شيماء:اجي جلسي عاودي ليا
فطوم: قلت ليه مسافرين غدا طايلاند انا ونتي ياك هانيا
شيماء: مزيان خليه باش ميقولش ميتة على صاحبو وكنبكي عليه ..
جمعو وطواو مكاين مايتعاود..طاحو نعسو والصباح صبحو فالمطار بلا ميودعو يسرى حيت اصلا ماباتتش فالدار ..جرو الشنط وطلعو فالطيارة بزنز كلاص ..فاش شافوها فالورقة ماصدقوش اما ملي جلسو ماهداوش من التصاور ..مكاين غير هاك بالاك
ماوصلو حتى طابو بالجلاس حتى قالو هادي والتوبة واش نعاودو نشدو الطريق للطايلاند. لقاو الشيفور كيتسناهم بسيارة فاخرة ركبو فيها ومشاو للاوتيل ..لقاو الاحباب جالسين فصالة الاستقبال على كيسان القهوى كيتسناوهم
كانو قصار ومكربزين وعندوهم كويديمات كوحل وواحد منهم ضهرو مقوس وباينة عليهم سواعدة من البعيد ..كيبانو مبهدلين .
قالت ليها فطوم هما هادو؟
ضحكات شيماء قالت ليها هما هادو ..بتيبان سخون ههه
بداو كيضحو ومشاو سلمو وجلسو قلبوها كلام خليجي..صاحب محمد عجباتو فطوم وبانت على وجهه وجلس يشعل ليها فالكارو ويقاد ليها ..اما شيماء هضرتها هي محمد غير على القرايا وشنو دارت وكيفاش جات .
ناضو معاهم يشوفو الغرف فين يجلسو وطلعو فالاسانسور كيهضرو بيناتهم ويضحكو
قالت ليها فطوم هاد لقصورية هادي قداش غيكون الميكرو عندهم
وراتها شيماء صبعها الصغير قالت ليها محمد قد هاد الصبع ..لاخر باينة غيكون بحالو واصلا ماعندهمش الجهد بلا متخلعي
فطوم: لالا باينة على كمامرهم باغين المتعة وصافي وعلى قد الحال مساكن
شيماء: عنداااك تمشي تنعسي بلا واقي ..ديما الواقي..مافي واقي مافي نوم
فطوم: اوييلي واش انا عاد غتوريني.. جبت معايا جميع النكهات احبي..
شيماء: الى قد على نكهة وحدة مقالها حد لحد..يالاه تهلاي هاحنا وصلنا اشوفك بعدين
دخلات للغرفة وسدات الباب كضحك وضارت عندو قالت ليه وحشتيني
قاليها وهوا كيخلط ليها الدارجة بالخليجية
لالا تقولي لي باقا بكر
ضحكات قالت ليه نتا عارف ليش انا كندير هادشي..غير على الدراسة..وواعدتك عمرني نخرج ..صافي منين يعني غنجيبهاد التغيير
تنهد قاليها خليني افض هادي البكرة واعطيكي حقها ايش قلتي
قالت ليه خليني افكر وارد عليك ..اصلا مياخدهاش احسن منك
ردات الريدو وبدات العمل ويالاه سالات رسلات ليها فطوم مسج قالت ليها خلصنا شو انتي باقي مساليتيش؟
تكات شيماء على كرشها مغطية كتكتب بدفارها الطوال قالت ليها كي طلع الشغل
فطوم: جلبانة حبيبتي فضرف دقيقة..الله يكثر من امثاله هههه
شيماء: قلت ليك دغيا راه على قد الحال غير كيديرو الخاطر للبلية مساكن… انا قلت ليه بنت نعست سطحي تفكع مسكين قالي نفضها قلت ليه خليني نفكر.. غنرجع للمغرب نمشي نفكر عند طبيبة ترقعها ليا وخليه يفضها بديك جلبانة اللي عندو
فطوم: ههههه نوضي جريه نهبطو لتحت
شيماء: قالي ديري لي مسج غندير ليه مسج بغا ينعس..ديري تا نتي لداك لكربوز مسج خليه ينعس ويالاه نهبط غير انا وياك
فطوم: بلاتي بلاتي انس كيصوني ليا فالواتساب
شيماء: عنداك تفضحينا ولا تعطيه شي عنوان ن٠ق٠ت٠ل٠ك
فطوم: لا بلاتي نشوف شنو بغا ونرد عليك
حطات شيماء تيليفون وناضت لاحت شعرها اللور كتسوط جرات واحد البينوار لبساتو وهزات واحد القرعة وناضت طلعات ليه على مؤخرته وجلسات كدهن ليه ضهرو وتماسي حتى بدا كيشخر ..خلاتو هاكاك ومشات لواحد البانيو مدور مصنوع من الخشب كلاسيكي ودخلات فيه استحمت وغسلات شعرها وشلات وخرجات لبسات بيكيني وكاش مايو وطلقات شعرها دهناتو بكريمة وخرجات هبطات لقاعة الاستقبال جلسات دارت رجل على رجل وشعلات كارو كتسنا في فطوم تهبط
داز حداها واحد سعودي مشيتو عوجة وراسو حمر زارع الشعر وقصير القامة وكرشو خارجة مدلية..جرب حضو ضحك معاها وحتى هي معطلاتوش تبسمات ليه وقرب عندها قاليها كيفك
قالت ليه تمام الحمد لله ونتا
قاليها الحمد لله ..ممكن اخد رقمك
عطاتو ليه ديك الساعة رقم الواتساب وشارت ليه بيدها مشا وبقات كتسنا فطوم حتى نزلات لابسة بيكيني وكاش وكانت عندها مؤخرة واقفة وصدر واقف بحال شيماء وناضو غاديين كيهزو ويحطو فيهم وفين ما كان شي سعودي تما تبعهم
شيماء: شنو قاليك انس شنو بغا؟
فطوم: كيسول كي وصلنا قلت ليه مزيان
قالي شنو كديرو قلت ليه تكينا نرتاحو شوية ..صافي قالي رسلي لي صورك ونتي فتايلاند
شيماء: بقاي تردي البال لطريقتك فالهضرة معاه ..ديك ابعتك وترسل ليك وماشي وتمام حيديهم غادي تشوهينا وتا هوا غير لي باغي فيك غا حاجتو..باني كلاص اصاحبتي فهضرتك عيشي الدور شوية غيعجبك الحال نساي عليالخرا وعيشي شوية البورجوازية واخا مزورة المهم غتستمتعي شوية وتحسي بهرمون اسعادة طلع
مشاو للمسبح تشبحو كيعومو وكانو بحال حوريات البحر بداك الشعر طويل والفورمة حوتة ..جلسات شيماء جنب لابيسين جامعة رجليها اكس موقفاهم فجلسة انثوية وشعرها الاسود كيشطب الارض والريح كيديه وحداها صندالتها محطوطة ..كانت لابسة مايو احمر بحال لون دم وفيه فرافر كبار جهة الصدو وحاطة نضارات كوحل كبار وكلوس فشفاها وجنبها كاس مشروب صغير محطوط فالارض حداها
جلسات جنبها فطوم كانت دايرة دفيرات صغار جامعة بيهم القصة وطالقة شعرها كله من اللور ولابسة بيكيني قطعة وحدة عكس شيماء اللي فيه جوج قطع مفصولين .كان فالابيض وفيه خيوط من الضهر ونضارات شميسة ..جلسات القرفصاء على اصابع رجليها وراها وشدات ليها فكتافها بتبسيمة والاخرى طاوية رجليها معنقاهم بيد واليد لخرى متكية بيها على الارض.. عطات لواحد النادل تيليفون صورهم فوضعية فنية كيوت كيبانو زوينة ورد ليه تيليفون
طلات عليها فطوم قالت ليها فين اللي نسيفط ليه هادي ولا هادي
شيماء: ماتسيفطيش ليه ط*ر*م* عريانة غطيها بشيلعيبة مهم مايشوفهاش لاهوا لا صاحبو
فطوم: وعلاش حنا دايرين هاد الفيلم كامل!! راه بيسين هادا
شيماء: ديكولاص الخرا ..يشوفك فبيسين ماشي هي تسيفطها ليه..غطي لينا ت٠ر٠م٠ ينا وتشوفي كي غيشوفها غيفهم مابغيناش يشوف قزازبنا واخا جالسين..فرق بين عادي وبين فولكيغ الزمر شحال قدي نشرح ليك غتسوطيني
سدات ليها فطوم فمها قالت ليها: صافي صافي صافي سكتي شوية..هاكا مزيانة؟ غطيتهم بالورد
شيماء: هاكا ااه وخا غيضربو منا بالعين نرجعو من هنا مساليين
رسلاتها لانس ورسل ليها مسج قاليها شهيتينا فشي تسافيرة والله ..دوماج ماكناش عارفين
ضحكات وكتبات ليه. ايوا مرة اخرى حتى انا ماكنتش كنعرفك ..
انس: صاحبتك ماقالتهاش لصاحبي واخا هي ديجا كتعرفو
عضات فطوم شنايفها قرات المسج على شيماء اللي هزات راسها من الماء ومسحات يديها بالزربة قالت ليها اري داك تيليفون نكمد ليه
شداتو قالت ليه مابيناتهم والو داكشي علاش مقالت ليه والو
رد عليها قاليها لا بيناتهم هي ماصدقاتش
ردات عليه: ماشي ماصدقاتش ماعندهاش مع اللي كيعاود الاسرار لصحابو
خرجات فطوم عينيها قالت ليها ويلي والله ماتسيفطيها
نترات شيماء تيليفون قالت ليها والله تا يقراها
ندبات فطوم وبقات مقردة فوق راسها ولخرى فالماء قالت ليها ناري راه كتكتبي بسميتي
شيماء: يعاود لمخو مالو اش غيعطيك كاع
رد عليها كتب ليها لا والله معاود ليا شي حاجة غير ستنتجت وصافي
ردات عليه: استنتاجك فمحله ..
رد عليها : ماشي مشكل المهم ماتخليش اللي وقع بين صاحبتك وصاحبي يأثر على لاغولاسيون انطخ نو
ردات عليه: لالا اصلا ماوقع والو تعثرو فالدرجة اللولة ودابا كل واحد شد طريقو وتنسا ..واخا مكانش شي حاجة اللي تستاهل كاع هاد الحساسية مي احسن من الاول توضحات الامور ومكانوش اصلا غيتفاهمو حيت كل واحد وعقليتو
قاليها لا كانو غيتفاهو كن تنازلو شوية
بقات شيماء ساكتة لاحضات طريقة الكتابة تبدلات وبدات الفرونسي كتعمق وشكات يكون هوا اللي كيكتب حيت اصلا مكانش لاش يطول فموضوع ما عندو بيه حتى غرض.
بقات كتفكر مطولا وبغات فطوم تاخد تليفون لاكن شيماء قالت ليها بلاتي يازيد اللي كيكتب ماشي صاحبو
فطوم: باش عرفتيها؟
شيماء: ماشي نفس الكتبة انا عارفة يازيد كي كيهضر..مابغاتش تسرطلو الهزة اللي هزيتو وطلقتو
فطوم اشنو قاليك نشوف
شيماء: مغتفهمي والو راه قلت ليك تبدلات مكيعرف يعبر ما تاوزة بالعربية غا خليك تا نعاود ليك
حسات براسها بدات كتسخن واخا واقفة فالماء وقلبها كيضرب بالجهد وهي كتراسل معاه بطريقة غير مباشرة وحتى الافكار تخربقو ليها رجعات كتعطل وتفكر شنو تكتب ..قالت ليه
هوا تسرع غلط معاها حتى قبل مايعرفها كي دايرة وحكم عليها ومابغاش حتى يهضر
قاليها فاش غلط معاها ؟ هي اللي غلطات هوا ماغلطش
قالت ليه حيت صاحبك عادي تجي منو وانا صاحبتي وعارفاها كي دايرة ..ومزال حتى مابداو مزال مابان والو تصرف معاها بحال الى كيعرفها عام
قاليها يقدر حيت بعد المرات كترتاح لشي واحد كتحس براسك كتعرفو من شحال هادي وكتبغي تسول فيه وهادي حاجة زوينة ماشي خايبة.. خصوصا الى كان لواحد بوحدو بعيد على عائلتو عادي جدا نسولو فيه ونشوفو مالو علاش غبر
قالت ليه اه بصح ولاكن ماشي غير عيطات ليه قاليها بسلامة ختي..الله يعز الاخوة
قاليها لحضة غضب وكدوز
قالت ليه هوا قاليها بسلامة اختي شنو كيتسنا تقوليه .. صافي اصلا نسات هادشي كامل ..راه اصلا مكان بيناتهم والو ماعندهمش علاش يتقلقو بجوج واخا هي مامقلقة ما والو كتقولي ماديريش فبالك داكشي اللي وقع بيني وبين يازيد خرجي الى بغيتي ونساي اصلا مادايراش فبالي وكن بغات تبدا مع شي واحد كن بدات مي مامستاعداش ومابغات حتى شي علاقة خارج الصداقة والاخوة حيت غنرجعو غنبداو لقرايا نيشان مابقاتش كتفكر نهائيا فشي ارتباط
جاها الرد معطل ولاحت تيليفون لفطوم قالت ليها شدي تيليفونك .. يازيد باينة لاح تيليفون لانس ماعرف مايقول وقالي الله يهدي ماخلق
ناضت طلعات تشمس وكتفكر فكلام يازيد ..ماعرفاتش واش باغيها وباغي يصلح الوضع اللي باينة ندم عليه وعلى ديك القطعة اللي دار ليها ولا باغي يرد اعتباره مباشرة فاش تنازل ..بقات كتخمم حتى نزلو لحوالا بحوج جلسو معاهم وشافها محمد ماشي هاديك وحط يدو على كتفها كيدير ليها مسج قاليها مالكي؟ تغير لونك
قالت ليه الدورة قرييبة تجيني كتغيرلي مزاجي
طبطب على ضهرها قاليها ان شاء الله ماتجيكي في هاد الاسبوع
تنهدات وبقات ساكتة دوزات ديك لعشية وهي كتراجع كلام يازيد ..تغدات وتعشات وعقلها كله مع يازيد كتفكر اينا طريق تشد .. واش تنازل ولا تبقا على كلمتها ..وصلات العشية والليل وسهرو مجموعين وحاولو ما امكن يسكروهم وداكشي اللي وقع ..سكروهم وداوهم ينعسو ومنعو ديك الليلة ..لغد ليه كذلك ..بقاو مرة يطبقو مرة يسلتو حتى كملات السيمانة وجمعو حوايجهم وخداو حساب الاسبوع ورجعو فالطيارة مبرونزيات نيشان للدار .
غير وصلو قالت شيماء لفطوم
خليني نمشي انا للدار انا اللولة عاد اجي نتي لعشية على وديت يسرى
نفخات فطوم قالت ليها واش مك؟ وابزااف على هاد الحساب تعاود لمخها وحنا مالنا
طبطبات عليها شيماء وهي غادية قالت ليها وصافي ساوي ساوي يالاه
رجعات للدار جارة الشنطة لقات يسرى جالسة كتشيش بوحدها وتفرج فتلفازة داك الصباح وسلمات عليها وبداو كيتبادلو اطاراف الحديث على شنو داز..حطات شيماء حوايجها يتصبنو وردات الباقي فبلاكارها ستفاتو وحطاتو وشافت الدفة ديال يسرى كتقيا وكلشي مشتت وعيطات ليها كتنكر باش تجمع حوايجها وسمعاتها الهضرة على الروينة ومشات طاحت نعسات ديك العشية كلها
فيقها تيليفون حمزة الشيفور هاد المرة جايب معاه اكرامية وعيا فيها تخرج لاكن رفضات قالت ليه عاد جيت من السفر ماقادراش ..
بقا كيحاول فالاخر خلاها رجعات نعسات حتى لقات فطوم عند راسها كتفيقها وضحك قالت ليها نوضي نوضي جبتليك بلان
ناضت كتحك عينها قالت ليها اشمن بلان
فطوم: انس عيط ليا قلت ليه وصلنا الصباح قالي ضاروري نتشاوفو هاد الليلة. قلت ليه واخا قالي خارج انا وصحابي جيبي معاك صاحبتك
قلت ليه انا نشوف واش تبغي
قالي غير حاولي معاها راه خارجين معايا الدراري صحابي..نوضي نوجدو راسنا
قالت ليها شيماء مغنمشيش غيكون يازيد يقول جاياعلى قبلو
فطوم: مزيان ..ضربي شي حطا مضايراش انا بغيتو يشوفك وتعفري عليه
انا غنقوليهم جات بزز
بقات فطوم كتزنزن ليها حدا راسها حتى قناعتها..كانت شيماء كتسنا غير اللي يجرها باش تمشي وتهز راسها بكبرياء قدام يزيد ..ونيت تشوف كليكتهم كيف دايرة
مشات ضرباتها بتدويشة ولحمها مبروزني زادت دهاناتو بهايلايت سائل رجع كيبري نشفات شعرها ولواتو ليها فطوم بلبابيليز كامل وطلقاتو ليها وناضت شيماء صاوبات ليها شعرها سامبل كما بغاتو ومشات جبدات عرام ديال لكساوي كتقيس وتحط.. ماعشقات غير اللون الابيض مع البرونزاج جاها كلاس بزاف وكانت كسوة سامبل من زارا اقل مايقال عنها رائعة ، توب ايلاستيك واقف وزوين لاسقة حتى للفخاد والقصة كلاسيكية ..الصدر قلب وسميطات بيضين مع الاكتاف طالعين من تحت البيطان والفتحة فالجنب فالفخاد ..لبسات معاه صباط عالي دان اييض مثلت من القدام وعالي العلو ديال المغنيات ..وهزات صاك صغير ملون فيه اللون الازرق والابيض والارونج
دارت سنسلة بيضا فالعنق رقيقة قصيرة وخاتم ابيض وودن مسطرة كلها بالحوالق بيضين وودن فيها غير حلقة وحدة بيضا ..ساعة يدوية وماحطاتش فوندوتان ..دارت بلاشر فالخدود وهايلايت ومشطات حواجيها الكوكل وايلاينر وكلوس وجبدات الشفار بماسكارا جات بحال مانكات الاشهارات دمايبيلين .اللي شافها يقول اير مارلين مونرو بديك الفورمة واخا هي زايدة مفاتن والشعر طويل حلاتو كامل وتعطرات مزيان وضارت شافت ففطوم اللي قالت ليها حلي بلاكار نوريك لاكلاص . كسوة حمرا مغلوقة ناعمة توب الحرير وعكار احمر ومكياج بحال شيماء والشعر سامبل والصباط كحل مع صاكو واكسسوار خفاف تماما كما شيماء.. وقفات كتقاد صدرها قالت ليها حتى الى كانو جايبين بنات نطيحو عليهم البق.. ناااري شوفيكي دايرين اصاحبتي دابا ماشي ضايعين..شوفي الفورمة شوفي الكتاف كي واقفين والوقفة والوجه والدقن كي محدد بلا تجميل بلا خرا ..تفو كنمرض فاش كنشوف راسي ضايعة يالا يالاه
أنت تقرأ
شرف للبيع
Teen Fictionسلام عليكم الوريدات صفا بخير جيتكم بقصة جديدة و واعرة كتهضر على ظاهرة لي نتااشرات و لي هي الفسادة بطريقة طريفة و الواقع دياز بزاف البنات لي فرضات عليهم الحياة ايخرجو من ضارهم ❤️ هي العذراء لي تباعت من اجل الفلوس 😌💸 وهو الامبراطور لي تلاقاها و...
