ضحكو على الحال وفاجاو شوية وباش مايبقاش الحال فيسرى قالت ليها فطوم راه حتى شيماء كرمهاااا ليك واحد الطبيب بواحد ل٠ح٠٠و٠٠ حتى خرجات ليها لوالدة قالت ليها عتقيني ههه...بلا مايبقا فيك الحال
شافت فيها شيماء كضحك قالت ليها باااز اختي. وجهك صحيح
فطوم :كنهضر معاك بصح اختي يسرى راه النهار كله وهي مسهطة ..ماعرفت باش ح٠٠٠و٠٠ها تقولي ح٠و٠٠٠ها بمدلك شوفي شحال ديال الدويات خرجات ليها الطبيبة
قالت ليها يسرى اوييلي واش بصح
تنهدات شيماء قالت ليها بصح اختي بلا مايبقا فيك الحال
فطوم: نوضي طلقي رشاشة كمدي عضيماتك بما بارد ودهني بشي بومادة
ناضت يسرى دارت لي قالت ليها فطوم وبقات شيماء كتشوف فتيليفون قالت ليها هادي هي حضي مع تيليفون غادي نعيط ليك!! يكون كيتسناني نعيط ليه زعما
فطوم :الى مشيتي ختى درتيها غنعرفك ماشي شيماء اللي كنعرف..رصاي دابا نقلقل ليك السوق غدا..راه عيط ليا انس قبيلة فاش كنتي ناعسة قالي نتلاقاو نديرو كافي قلت ليه حتى لغدا
هزات شيماء عينيها فدهشة قالت ليها عيط ليك!!
شافت فتيليفونها فليزابيل ديالها وتنهدات بأسى
فطوم:الى مابغيتيش نتلاقا بيه منتلاقاش بيه اصلا عندي زايد ناقص
حركات راسها بالنفي قالت ليها لالا داكشي ماعندو حتى علاقة بيا.. بغيتي تلاقايه تلاقايه دابا صافي مابقا مايتخبا
فطوم:لالا مغاديش نخليه يعيق بيا وبشنو كندير..اصلا غدا الى جاني شي بلان والله منعقل عليه ..خليه لاوقات الفراغ
شيماء:نتي تعرفي
يأسات شيماء وكمداتها وبقا فيها الحال علاش نهار كله ماسول..بقا عندها امل بالليل كتقول يسالي الخدمة يعيط ..تكات والبرودة داخلة مع السرجم والبرد بدا يتحرك هبطو الكواش يتغطاو بيهم وكل وحدة طاحت نعسات ..الليل كامل وشيماء كتعاود الاحداث فالبواط وكيفاش كان كيقرب منها وكان كيهضر معاها ويحمر فيها ويترجل وحتى العلاقة الحميمية اللي كان معاها فيها تقول عمره شاف البنات والبنات عليه غير مكجكجين ..بقات كتخايل وتنهد حتى عيات ونعسات
صبح الحال وصبحات الشتا خيط من السماء.. فصل الشتاء والجو برد وبردات الاجراح شوية وتأقلمات مع الوقت..وكما حلفات ماتعيط وكمداتها فصمت وفات .
استمرت الحياة رغم الضروف رغم الالام والمعنات ..برودية الشتاء بردات شوية على جروح شيماء اللي تعايشات معاه وحتى انتضارها طال حتى انصاهر ..ماعيط ماسول وبقات فودنها غير ديك الكلمة ديال حضي مع تيليفونك غنعيط ليك..بقات حاضية معاه ثلت شهور كاملة حتى مللات وشفقات على حالها بنفسها وجمعات ماتبقا من كرامتها وانساحبات فصمت ..فهدوء..بلا ضجيج وبلا اي محاولة ..قلبات وجهها جهة قرايتها وكان عندها امل شي نهار تشوفو فالمدرسة ولا يجي مع شي واحد لاكن ما بانش ليه الاثار ..انغلقت على راسها وحتى لخروج ماخرجاتش .اما فطوم كانو مواعيدها مع انس كتكرر ديما ..كيخرجو ..كيسهرو ..كينعسو ..حتى انهم سافرو بجوج وديما تيليفونات بيناتهم ..لاكن فطوم كانت مشاعرها اتجاه انس مافايتاش الاعجاب والمتعة وداك الجو اللي عايش فيه واللي عاجبها وكتبغي تعيش معاه فيه..كليكيتو المحيط ديالو الاماكن اللي كيكون فيها ..كانت شيماء ديما كتسول على يازيد واش كيخرج معاهم كانت كتجيب ليها خبارو بلا ..وحتى شيماء كانت رافضة رفض قاطع انها تسول انس عليه ولا نجبد سميتو ولاسمية شيماء قدامو ..كانت قاطعة على فطوم تسولو حيت واضح السؤال وعلامن لانه ماعندها علاش تسولو على صاحبو وهي فعلاقة مع انس..فكانت غتكون باينة شكون اللي كيسأل فالاصل وكانت واضحة غادي يقولها لصاحبو ويقوليه سولات عليك فلانة .هادا علاش انساحبات من الساحة بلا متخلي اثار او حتى ريحتها كدور تما وكمداتها فقلبها وفمعدتها تكميدة حارة .
يوم السبت من ايام الله الشتوية بعد مرور ثلاتة اشهر والحياة غادية..فاقت معطلة هي والبنات على اتصال محجوب
الو حبي..ليك وحشاااااا احبي..
شيماء:امم ..
محجوب:نوضي احبي راه جات الايام الزينة
شيماء:شكون جا
قاليها النوامة حبي..جا ابن الشيخ اللي كنت قلت ليك غيجي
قالت ليه ياك قلتي ليا غيجي الشهر جاي ديييك المرة
قاليها ايوا ماتلاش جاي راه امير هادا واش حساب ليك بحالي ق٠٠٠ويويد غيقول ليك انا جاي يجي كيطير يديك تخدمي
قالت ليه صافي المهم غنجي انا وفطوم..مافيا اللي يجلس رسمية امحجوب حيت عندي لقرايا ..قاليها انا منجي عندك تا تخرجي فلعشية اصلا مكاينش رسميات مجابش معاه البنات .
شيماء:ايوا هاكاك..باش نعرف تا انا نرجع بحالي نقرا ديك الساعة الى بغيتي نرجع نرجع هانيا غير دير فبالك مغنجلسش فمارتينيز بحال ديما وفوق ما بدات لعزلة نجي..فطوم تقدر تجلس هانيا ماعندهاش مشكل
محجوب: صافي يالاه وجدي راسك ديك الستة ندور عليكم
قطعات وناضت قالتها للبنات وحتى يسرى وناضو خرجو بداو تحضيرات كالعادة .كل وحدة هزات صاكها الصغير فيه كسوتها وصباطها الطالون ونزلات شيماء لابسة سورفيت كحلة وجاكيط موطارد جديد يلاه شراتها وفطوم ويسرى العبايات والشيلان والبلاغي وطلعو فالكاط كاط شي فوق شي مع قوم ديال البنات مشاو لمارتينيز..كالعادة الفيشطا والحالة نايضة ..الشوافرية والقيامة دخلت شيماء مع البنات دايرة القب لقات تما الشلحة وماشافتش جهتها مشات نيشان وبقات فطوم وراها كتسلم عليها وتهضر معاها .
طلعو بحالهم بحال البنات يلبسو ونزلو كان مع الوفد واحد خليجي هاد المرة هوا اللي عزل ودازو قدامو البنات وحدة مور وحدة ..دازت يسرى هي اللولة لاكن ماتقبلاتش ورجعات اللور كتنفخ معصبة ودارت فطوم لابسة واحد الكسوة طويلة محلولة من الوسط والشعر مدلي تلوات كضحك قاليها انتي ودازت مع البنات مشات جلسات ووراها شيماء دازت لابسة واحد الطالون قدو قد السخط وكسوة لاسقة معرية من الصدر حتى للسرة بفرقة طويلة وكلها دونتيل بيضاء على اللخم ولابسة معاها سترينغ ابيض باين قدو قداش والسوتيان بيضين والشعر محلول بلا مكياج بلا حتى حركة طالع ليها الدم تقول دايزة مسخرة مشات جلسات على يد الكنبي حدا فطوم قاليها هاي الحلوة شو اسمك
قالت ليه شيوم
قاليها تعالي جنبي
مشات جلسات حداه قاليها منو هادا اللي زعلك
قاليها محجوب من بعيد ضحكي مالكي
ضحكات بزز وكلشي كيشوف فيها حيت معروفين بنات حبوبات مرتينيز الباطرونات اللي ديما واخدين الدور لكبير.
سالات العزلة ومشاو فالباص للنوامة من جديد..فحص وتحاليل ودخلو للسهرة كالعادة ..الوفد والامير وكاشي هاد المرة كان حاضر وجالسين والبنات كيقربو كل وحدة باغا طلع معاه ..كالعادة الاغاني الخليجية والرقص والفلوس فالسما..كانت شيماء جالسة هي وفطوم كيشربو ويحرشو بالبنات حتى تسمعات فالارجاء ...بصوت رجالي غليض
هاااااي هيييييييي...
وهزات شيماء يديها فالسما قالت ليها نارييي حيدي نوض
ناضو اغلب البنات كلهم مع البدية ديال ديك الغنية وبداو ..
ياغيرة يا عباس..يا غالي يا نومااااس ..
كانت اغنية من اغاني الرقص اللي كيشطحو عليه فصف طويل بحال الديكة لاكن رقصة خاصة و والتحضير بالشعر وبداو البنات هاك بالاك كلهم دارو صف طويل مشادين كيبانو الطالونات اشكال انواع كيلعبو فحركات منتضمة ..بدات شيماء كتشالي بشعرها بطريقة دائرية من قلبها وداروها الوسط بوحدها وناضت فطوم حتى هي دخلات بين البنات وبقاو كيشطحو وينقزو وشيماء مكتبانش بوجهها حطات ركابيها على الارض ويد على صدرها ويد كضرب بيها الارض فكل مرة تلوح بشعرها ويدور فالهوا مع ريتم الاغنية ..ناض واحد من داك الوفد اللي جالس مع الامير هز واحد الكابوس طويل مربع عامر دولاد ودخل الوسط بدا يطرقو على شيماء حتى تغطات الارض بالفلوس وكانت رقصة جد ممتعة عجبات الامير وناض براسو دخل الوسط شتت عليها الفلوس ورجع بحالو جلس عزلها من بين البنات كلهم قال للخليجي اللي عزلهم فمارتينيز يطلعها ليه وناض مشا خلاو الوفد جالس.
سالات الاغنية وهزات شيماء راسها وقفات وشدات فيها فطوم لقاتها عرقانة كتقطر وشافت فيها شيماء بابتسامة وعينيها معسلين قاليت ليها كنبغيييييه اختي
جراتها فطوم جلساتها قالت ليها سكرتي..كملات الباهية
جلساتها بغات تحيد ليها الكاس لاكن شرباتو شيماء وقالت ليها عيطي ليه ...قولي ليه علاش مشيتي وخليتيني..علاش درتي كاااع هادشي ومشيتي
عطاتها فطوم الماء قالت ليها واخا واخا دابا نعيط ليه شربي شربي
جا عندها واحد من الوفد يطلعها لاكن لقاها سكرانة وتبسم قاليها صحة وهنا ضيعتي عليك الطلعة
قالت ليه فطوم اطلع مكانها!
قاليها لا لامير طلبها هي
قالت ليه فطوم ما يصير تطلع بهاد الحالة غتعمل شي فضيحة
قاليها لالا خلاص خليها تصحصح اذا صحصحت
دار الامير بناقص مالي طلعات سكرانة وتفاديا للمشاكل مكيطلعوش البنات السكرانات هادشي علاش كل وحدة كتشرب وتقسيس باش مضيعش عليها الطلعة .
تكات شيماء على كتف فطوم فالقنت ديالهم وبدات كتبكي عليها والاخيرة كتمسح ليها وجهها ودعي فيه
الله يحرق جد بوه الكلب هادا اللي يدير فيك هاد الحالة ..عند بالي صافي نسيتيه.
شافت فيها شيماء قالت ليه كنموووت عليه افطوم..
فطوم :والله يعطيه الموت
سالات السهرة وتسناوها باش تسحا وطلع عند امير وبقات فطوم كتحايل عليهم حتى طلعوها بلاصة شيماء عند الامير..وبقات شيماء مع البنات متكية كتعاود لوحدة وحتى هاديك نيت كان قلبها طايب جلسات تعاود على حب قلبها .
سالات السهرة وخرجو وخرجات شيماء كتمايل ولانهم ماشي رسميات فكان الباص كيتسناهم فالباب ردهم كلهم لمارتينيز ودخلو لقاو البنات ناعسين كل وحدة فين منشورة تقول العرس..البيوت كلشي عامر ولتحت عامر شي كيحزق شي كيشخر
البنات ديال السهرة مشاو جلسو فوق واحد الكنابي طويل وشيماء مشات كترد وتقيا حتى سخفات ورجعات جلسات مع البنات لاحت طالونها وطلبات قهوة كحلة تفيقها شوية..جا عندهم المحجوب كيدور راسو قاليها عرفتي كن ماطلعات فطوم بلاصتك ..كن سخطت عليك اشيوم ..واش هرب ليك جا الامير حتى لبين يديك وضيعتيه..ناري كن طلعات شي وحدة اخرى من غير بناتي
قالت ليه ايوا الحمد لله كلات عليا فطوم الله يعز الصحبة
جبد الفلوس كيدور على البنات كيخلصهم وجلس بين شيماء وبنت اخرى لاح يديه وراهم وتلفت عند شيماء قاليها مالكي نتي هاد المرة سكرتي
قالت ليه عطيني بريكة
عطاها بريكة شعلات وقالت ليه ماحسابنيش غنسكر
قاليها كيفرنس يخلي لي الزين اللي يتعزل بين الالوفات ..عطيني منك غا شي عشرة نولي امير
قالت ليه كضحك وصوتها مبحبح عشرة يسكرو بحالي دير فاييت
مسح على شعرها قاليها لالالا غا هادا شي حوووب تلوا عليك
قالت ليه. ز٠٠ب اخويا محجوب هدا ...لهلا يوريك اشنو وقع ليا ..طحت مع واحد ولد لحرام كان غيقتلني
قاليها واايلي !! حواي هادا ولا اش!!
قالت ليه لا مغريبي
قاليها. بعدي من المغاربة اش باغا بيهم ..لحوالة معاهم العيشة و المبهبن ينطح مبهبن لاش سماوهم الحوالا من بكري..مايعدبك ما ميمحنك غا وحيحيد ويدور يتكا مسيكين
قالت ليه هادي والتوبة
قاليها المغربي على خمسين يدرهم يسهرك تا لفجر يقلب ليك الراس لتحت ورجلين لفوق ماتخرجي من عندو تا ي٠٠٠ك ٠٠٠وا دالعام
بداو البنات كيضحكو وهي كتحرك ليه راسها قالت ليه الله ماكدبتي.. وتزيد تشري دوا من عندك
قاليها ق٠٠٠ة والدفال من عندك
كملو السهرة بالجموع. وختموها نعسو كل وحدة فين تسوطات حتى صبح الحال .
ناضو الصباح كاع البنات كل وحدة وهمها وفاش مشطونة
كانت واحد الطبلة قدها قداش الوسط فيها الفطور ديال البنات مشات شيماء جلسات جابت ليهت مرى كبيرة براد داتاي سخون قالت ليها
نسخن ليك مسمينة ابنتي
قالت ليها شيماء عطيني شي كاس دالقهوة اخالتي راسي غيطرطق
جابت ليها المرى اللي كتحن فالبنات تما عكس الخدامات لخرين القهوة شرباتها و كلات شوية ومشات رجعات ثاني. للتجمعات وشي خارج شي داخل وفالعشية بدات العزلة من جديد ونفس الريتم تلاقات مع فطومة فالسهرة وجلسو كيتجمعو قالت ليها صافي جلست رسمية هنا ..قالت ليها شيماء اه عرفت..انا مابغيتش نطلع مع الامير غير باش منجلس رسمية
مزال ماكملاتها جا عندها الوفد اللي عزلهم قبل ماتسكر وبلا ماينزل الامير قاليها تجي معاه
شافت فيها فطوم قالت ليها ضريف غا سيري ههه
ناضت شيماء طلعات خلات السهرة لقاتو جالس كيتعشا مع الوفد لفوق وسلمات عليه وجلسات حداه تعشات معاه..بقا كيسولها على اسمها شنو كدير شحال فعمرها ..تصدم فاش قالت ليه كنقرا هندسة الطيران والفضاء وعجبو الجموع معاها بدا كيهضر معاها فرنسي لقاها طيارة وهضر معاها انجليزي لقاها معلمة وبدات كتعاود ليه على نمط الدراسة وشنو كيقراو وشحال كتخلص ..شاف فالوفد ديالو بابتسامة معجب ليها وقاليها مشاء الله عليك .. لما تخلصي دراستك انا راح ساعدك بس خلصي دراستك مشا الله عليكي
طبطب على ضهرها وناض ناضت معاه دخلات للبيت فرحانة من الجملة لاخيرة وتشجيعه ليها واخا كان خويب فوجهه ورقيق وقصير ماهمهاش المهم غادي يساعدها ..تسد عليهم الباب وقضات معاه الليلة كانت خفيفة ضريفة كما عاودات ليها فطوم والصباح خرجات من عندو وهوا ناعس نزلات لقات الوفد عطاها واحد البطاقة كيسميوها البطاقة الذهبية قاليها احتافضي بيها حتى تخلصي دراستك
شداتها وعينيها غيغرو بالفرحة وحتى هم الجلسة عندهم نساتو ودوزات السيمانة كلها معاهم ورجعات بحالها للدار لاكن فطوم بقات فالفيلا مارتينيز حيت كانت خرجة اخرى وبغات تبقا اما شيماء كانت تابعاها الدراسة ..مشات لبوسطة حطات ديك لكارطة مع اوراقها المهمين باش مايتسرقو ليها ما يضيعو كما مولفة تخبي اي حاجة مهمة .رجعات للدار حطات تيليفون يتشارجا ولقات يسرى يالاه دخلات قالت ليها راه لقيت دار للرهن..حتى تشوفوها
جبدات شيماء مية دولار عطاتها ليها قالت ليها سيري شوفي بنتك ودوزي معاها البوناني وشري ليها شي حاجة فرحيها
عنقاتها يسرى قالت ليها الله يسهل عليك كما ديما مفكراني ومعاوناني الله يعطيك ما كتمناي اختي شيماء
عنقاتها شيماء قالت ليها مادوزناش قليل ايسرى راه ماحاس بالمزود غير اللي مخبوط فيه
يسرى:مغنمشي حتى نجمع معاكم الرحيل ونرحلو عاد نمشي حتى انا عرفتي موحشاااها قداش
سمعات تيليفونها شعل راسو من بعد ماشد الشارج وبدا كيصوني..مشات كتجري تشوف شكون لقات نمرة مغايرة وفتحات الخط ..
شيماء: الو
انس: شيماء صافا ختي معاك انس
ضرب قلبها بالجهد تقول خلعة الباك هادي قالت ليه انس صافا
ضحك قاليها صافا ختي شيماء كي دايرة مع الجامعة كلشي بيخير
قالت ليه صافا الحمد لله ميغسي
قاليها ومالكي شحال هادي ماشفناك غبرتي
قالت ليه اه حيت الامتحانات والقرايا راك عارف
قاليها ايوا الله يسهل عليك ..بغيت اختي غير نسولك على فاطمة الزهراء..سيمانة وتيليفونها طافي وكنصوني ليها والو ..صونيت ليك لبراح لقيت تيليفونك طافي واش واقعة شي حاجة
قالت ليه الصراحة ماعرفتش حيت انا رحلت وخليت ليها الدار تكمل فيها الشهر حتى تساليه وتلحق عليها ماعرفتش الصراحة ومع الامتاحانات تشغلت راك عارف
قاليها ااه ..وماتقدريش تمشي عندها تشوفي مالها
قالت ليه راه خليت معاها ماماها جات تجلس معاها ديك الايام ..راك عارف ماماها جايا بغات تبقا معاها شوية
قاليها واخا ختي شيماء شكرا ..سمحي ليا
قالت ليه مكاين حتى مشكل بسلامة
غير قطع كتبات مسج ديك الساعة لفطوم باش تقراه فاش يشعل تيليفون
أنت تقرأ
شرف للبيع
Roman pour Adolescentsسلام عليكم الوريدات صفا بخير جيتكم بقصة جديدة و واعرة كتهضر على ظاهرة لي نتااشرات و لي هي الفسادة بطريقة طريفة و الواقع دياز بزاف البنات لي فرضات عليهم الحياة ايخرجو من ضارهم ❤️ هي العذراء لي تباعت من اجل الفلوس 😌💸 وهو الامبراطور لي تلاقاها و...
