شرف للبيع

chapitre 38 The End🤰🏻✨

ابواب جديدة تحلات فوجه شيماء ..دخلات لعالم واخا بعيد عليها وماعندها عليه حتى فكرة لاكن كلها طاقة اجابية وحماس وداخلة ليه بتحدي وقوة ودعم معنوي من جهة يازيد..واخا شافت راسها مكتنتميش ليه لاكن هزات كتفها بلا مبالات وقالت
وعلاش لا مالهم هادوك اللي تما حسن مني!! قاريين ؟. قارية حتى انا ؟ مطورين ؟ غنتعلم حتى انا !! باش فايتييني؟ الى عندي انا ماضي هما راه عندهم حاضر وحاضر خانز وكلهم لابسين اقنعة الطبقة البرجوازية النضيفة..اما انا داخلة بوجه مكشوف وماشافني حد اشنو كنت كندير ماعندي ادلة ..الى جات غير على ورقة وملف نألف عليهم قصص وملفات ..اما هما دايرينها وبالتسجيل من الفوق. لحسن حضي كانو تيليفونات كيتمنعو فدخول اي سهرة وماعند حتى واحد باش يهددني ولا ينشرني يتفرج فيا كلشي.
رمات الماضي هاد المرة وهزات راسها لاعلى ..الماضي اللى مابقاش كيأثر عليها واخا كتفكرو وتذكر شنو دوزات ولا شنو داز عليها مكيتحرك فيها حتى احساس وماعندها حتى شي تخوف..الراجل اللي تخاف منو يعرف راه عارف وطمس القضية ..وعائلتو اللي تخاف يسيقو الخبار حتى هما جبدو الضوسي ورجعو سدوه على وجه الصمعة وكونها ولات مرت الولد وزوقات الواجهة ودخلات لعالم بصورة زوينة ونقية .
ضحكات فاتي وهزات راسها فالسما قالت ليها
تخياااالي كن دابا تزوجنا شي مكرررد..كن راه يصبح علينا ويمسي علينا بالمعيور ومو تقولها للحومة كلها
ضحكات شيماء حتى شبعات وقالت ليها
ايوا الحمد لله بعدا هزينا راسنا شفنا لفوق ..واخا لفوق راه كتااااار منا حنا فين نبانو ومولفييين بهادشي داكشي علاش جاهم عادي
فاتي: ياختييييييااااي الناس ولاو يبانو فتلفازة
شيماء:هههه ايوا كي جيتك ؟!
فاتي: لالا ماعندي منقول
حطات فاتي يدها على كرش شيماء اللي مكركبة وقالت ليها
وهاانتي غنولد انا ونتي فعام واحد..
شيماء: بردتي دابا فاش جاتك البنت؟
فاتي: اويييلي ماشتينيش فالبييبي شاور كيفاش نقزت اصاحبتي كنت غنتقلب..ونتي فوقاش ديري لينا حفلة دالجنس
شيماء: بلاتي ندوز واحد الجلسة راه كنوجد ليها ..عاد ديك الساعة نديرو هاد الحفلة
فاتي: كوراه يازيد فرحاان
شيماء: هييه!! هوا غير فرحان!! غيطير ..نهار درت تيست ولقيت راسي حاملة مشيت فيقتو من النعاس ناض جمع الوقفة جلس قالي اري نشوف
عطيتو تيست بقا غير كيشوف فيا ..عنقني كان غيقتلني
فاتي: ياختي كاع مايحساب ليا هوا هاكا داير
رن تيليفون لشيماء وردت قائلة
الوو:
سكينة: ختي شيماء صافا ؟!!
شيماء: الحمد لله اش كاين؟
شكينة: ختي الى بغيتي خلينا نرجعو للدار فبوعزة تقهرنا .. والله ماتسمعي صداعنا
شيماء: نسيتو شنو درتو ليا اخر مرة ..هاد المرة باغين تشوهوني كلشي الناس يقولو عليا خواتات مؤدب دايرين حالة
سكينة: هاكي ها حنان بغات تهضر معاك
شيماء: اريها
حنان : ختي شيماء الله يخفضك ماتنسايناش..اللسان راه مافيه عضم راه عايشين فواحد الحالة لا الاه الا الله ..مسك عليك الله فكينا معاك ولا سفطينا شي قرينة مانرجعوش حنا كاع لهاد المغرب
شيماء: انا غنعطيكم الدار والمصروف غيوصلكم ..ولاكن تشوهوني مع الناس راه والله منعقل عليكم
حنان: صافي اختي الله يحفضك..لما ضبري لينا فشي خرجة حنا كاع نتهناو من هاد القنتش
شيماء: وا تا لتما ويحن الله
قطعات كتنهد وفاتي كتشوف فيها قالت ليها
كن غا سيفطتيهم لبرا اصاحبتي..حسن مايبقاو يتمشكرو هنا
شيماء: بغاو يمشيو الامارات باش يشهروني تما
فاتي: سيفطيهم غا لتركيا ..خليهم يمشيو والله تا يتنقاو ..شحال من شمكارة خرجات لبرا وتنقات
شيماء: باش غيهضرو فهاد تركيا بزيزوار؟
فاتي: وا سيفطيهم تانتي..ولا خليهم يمشيو لامارات وهني مخك مالهم هادوك اللي مشاو حسن منهم
شيماء: غنقطع ليهم لتركيا يمشيو يتحاكو معا الزمان ..خليهم يتكعدو ويعولو على على راسهم شحال غنبقا ليهم انا كنصرف عليهم
فاتي: حسن .. خليهم يمشيو يضبرو على راسهم يتزوجو تما خواتاتك ماتخافيش عليهم قادين
شيماء تا نشوف اش ندير معاهم .