شرف للبيع

chapitre 13😡

بدات شيماء كضحك بوحدها وتلفت عندها كيخرج الطموبيل من بلاصتها قال ليها شنو كيضحكك؟
هزات عينيها فيه معسلين قالت ليه والو عض على شفاهه كيشوف فيها كضحك وشد الطريق والشارع خاوي فنصاص الليل..قالت ليه غتوصلني للدار
هز رجلو ليسرى حدا السرجم سايق برجل وحدة قاليها غنمشي.  لحقو على انس وصاحبتك
قالت ليه ببرائة على اساس  معارفاش فين مشا انس وفطوم
علاش فين مشاو
يازيد:مشاو لهرهورة
شد ليها فيدها قاليها قويصحة مع راسك
قالت ليه نتا اللي سبقتي العيب
سد ليها فمها قاليها صافي نساي صافي..غنبداو من الاول
سكتات وتكات راسها كتشوف جهة الزاج ..جرها عنقها تكاها على صدرو وميل راسو على راسها كيشوف فالطريق قاليها  كي دوزتو السفر للطايلاند
قالت ليه عادي.. جاني النعاس
سدات عينيها وهزات راسها خشاتو فعنقه وهي فالاساس كتقلب على القرب  وقلبها كيزدح بغا يسكت ..حك لحيتو مع حنكها قاليها نعسي  وباسها فنيفها وكمل الطريق لفيلا فهرهورة ..
جبد تيليكوموند حل بيه الباب لكبير ودخل السيارة لمكانها ونزل نزلها معاه شد ليها فيدها وهضر مع العساس اللي كان واقف  تما على طموبيلة انس اللي بقات برا و دخل للفيلا كانت اضائتها شاعلة  ..قالت ليه فين انس وفاطمة الزهراء؟
جرها وراه وضار عندها شدها من خصرها قاليها غتكون لفوق..يالاه نطلعو
باسها فنيفها وطلعات معاه كتقرقب بصباطها فالدروج حتى لممر الغرف حل ليها باب  بيت النعاس كبير ومفرش ودخل لاح السوارت فوق واحد الرف وتلفت عندها جرها من يديها حطهم على خصره وقرب عندها بعد ليها الشعر على عنقها ..قالت ليه علاش جبتيني لهنا
باسها فعنقها قاليها بغيت نجلس معاك شوية
باسها فعنقها بوسة خلاتها دوب وميلات عنقها وهوا كيبوس كتافها بلهفة وطالع بشوية ختى لشافيفها وجرها بسنانو حتى قالت ليه اح
تكاها على السرير  وكمل على صدايف القميجة حيدها  حلها وحيدها كاملة لاحها تعرا عليها بقات حالة فمها  فداك الجسد  الرياضي  وحطات يدها على دراعه فوق واحد الوشم  عليه  كتابة فيها اربع سطور بالانجليزية قاليها وهوا كيبوس شفافها
شنو بان ليك
ميلات راسها بغات تقرا ودورها بنيفو من نيفها قاليها من بعد.
شيئا فشيئا بدا كيجردها من ملابسها وهي مستمتعة بكل لمسة وبكل قبلة تقول عمرها فحياتها  مارسات الجنس.استسلمات كليا  لاول مرة فحياتها ماترفضش شي حركة او تقول لا
صبح الحال صبحات ناعسة حداه معنقاه وغير حلات عينيها ووعات براسها هزات عينها جا نيشان  فداك الوشم اللي على دراعه وصغرات عينيها كتقرا  " فتىً فتن في فاتن فتاه"
ضرب قلبها بحال المدفع  وتبدا اللون فوجهها..حكات عينها وغطات صدرها جرات تيليفون ديالها صورات داك الوشم اللي على يده وناضت جلسات كتشوف قدامها وتتذكر ليلة امس..رجع معاها الندم الشديد وندمات حتى غرغرو عينيها واخا كانت ليلة ممتعة لاكن  بقدر ما كانت زوينة وممتعة   وحركات المشاعر لاقصى لحدود  كان الندم عليها شديد بزاف
حطات يديها على وجهها وهبطات راسها كتلوم نفسها حتى حسات بيدو على ضهرها قاليها
شيماء ..مالكي احبيبة
جرها  على صدرو عنقها  وهز ليها راسها باسها قاليها مالكي؟؟
تبسمات بزز قالت ليه والو..تعطلت  ليوم كان خاصني نكون فالقسم
عنقها باسها فعنقها وحك ليها راسها بيدو قاليها يالاه نوصلك
حركات راسها بالايجاب وابتسامة وناضت لبسات حوايجها ولبس حتى هوا حوايجو وجرها من خصرها عنقها بقا كيشوف فتعابير وجهها وضرب ليها نيفها بصبعو كيسول مالها بعينيه. تبسمات قالت ليه والو وخرجات من البيت كتسمع صوت فطوم لتحت كضحك هي وانس ونزلات عندها لقاتها شاعلة كارو كضحك وناضت طفاتو ديك الساعة وشافت فيه و فشيماء وهي راشقة ليها.
نزل يازيد معاهم قال لانس وهوا كيشوف فالساعة ..توصلهم؟ انا عندي شي حاجة خصني نقضيها
شافت فيه شيماء وزدح قلبها بالجهد وشافت كيفاش صبح كيتصرف..تبسم ليها وجرها من خصرها باسها في فمها وقاليها ردي بالك مع تيليفون غادي نعيط ليك
رجعات تبسمات قالت  يمكن بصح عندو شي عملية ولا شي شغل ومدام كيأكد عليها يعيط فراه مهتم واخا خدا منها شنو بغا ..حركات راسها بالايجاب وخرجات شادة ففطوم ركبو مع انس ومشاو رجعو للدار ودعوه وطلعو كيهضرو فالدروج
ضارت فطوم شافت شيماء كتبكي وهي تعبس قالت ليها اويلي مالكي؟!! علاش كتبكي شنو وقع!!
نترات شيماء يدها ومسحات عينيها قالت ليها خليني ..
سبقاتها للدار وخلات الباب والدنيا كدور بيها وراسها كيضرها لقات الشيشة مقلوبة والروينة وبالفقضة والغدايد عيطات ليسرى ماخلات فيها غير اللي نسات بالغوات والهضرة جابتها كطير دخلات كتجري قبل متقطع وهي تنوض  فالدار حتى سمعوهم الجيران
جراتها فطوم للبيت سدات عليها ومشات يسرى كتشطب وتجمع داكشي في حين  بدات فطوم كتهدن فشيماء قالت ليها صافي ماوقع والو هاهي غتجمعو..مالكي علاش هادشي كامل قولي لي شنو وقع
هبطات شيماء راسها على وجهها كتبكي حتى تقطع فيها النفس  وفطوم كتعنقها وتسكتها ندمات حتى هي على ديك الخرجة وديك الليلة اللي جراتها فيها معاها ..عيات تهدن فيها فاللخر نترات شيماء يديها ومشات هزات فوطة ولاتخوس ودخلات للحمام كتبكي وسدات عليها
تعطلات فالحمام وفطوم كل شوية تمشي دق عليها ..اما يسرى مافهمات والو كل شوية تسول مالها ..خرجات من الحمام وجهها احمر  لابسة بينوار وعينيها حومر شبعات بكا ومزال صدرها كيتنخصص.مشات ساكتة لبسات سورفيت بتيشورط كحلة والشورط ديالها قصير وصنادلة دنايك كحلة رطبة وجمعات شعرها الفازك بالزربة لواتو وفطوم جالسة دايرة يدها على خدها وكتشوف فيها  فصمت خايفة تهضر معاها وطليها.
حطات واقي شمسي على وجهها وهزات نضاضرها وسوارتها وتمات خارجة مع الباب ..تبعاتها فطوم  بالبيجامة والبانطوفة كتجري فالدروج قالت ليها تسناي..تسناي نمشي معاك
مشات لسقات فيها غادية حداها وساكتة حتى دخلات الصيدلية ووقفات طلبات نوع من حبات  مانع الحمل ديال  وحدة وقالت ليها فطوم علاش بغيتيها ؟؟
سكتات شيماء حتى خداتها وخرجات لبرا وضارت عندها  كتنخصص قالت ليها انا من نهار بديت فق٠٠٠وب ما لاح فيا شي حمار ولا  عطيت كلشي فدقة وحدة .. جيت فنهار حليت رجلي ليه خوا حتى شبع وفاللخر مسيفطني مع صاحبو..تبعتك افطوم انا اللي خاصني قتلة
شدات ليها فطوم فيدها قالت ليها وصافي مالكي على حالتك..ديري بحالي ضربيها فسطاش..صافي عشنا وعشتو ..نتي كن ماكنتيش حاطاه فقلبك ماكنتيش كاع ديري هاد الحالة
شدات شيماء قرعة دالماء حلات ديك الحبة  شرباتها وقالت ليها كتنهج ..والللله كن ماكنت شاربة ومحششة لا مشيت معاه .. نتي عارفة لحشيش كي داير عارفاه كيسخن ..ماكنتيش كاع تمشي وتخليني بوحدي والله حشومة عليك..عولت عليك وقلتها ليك شحال من مرة قلت ايك كنترخا كنسيح حضي معايا..خصوصا وهوا معايا بوحدنا . علاش مشيتي وخليتيني
بقات فطوم ساكتة والضيم والندم طايحين عليها مالقات ماتقول فاللخر قالت ليها عندك الحق انا السبب..الصراحة ماكنتش كاع نمشي ونخليك بوحدك
قالت ليها شيماء وهي كتبكي نتي عارفاني مخلطة الزمر كامل..والله حتى حشومة عليك افطوم  مابغيتش كاع يوقع هادشي ..مانقدر حتى نساه المرض صافي
عنقاتها فطوم وزيراتها عليها قالت ليها سمحي ليا  الله يحن عليك..انا عارفة راسي درتها قد راسي..
مسحات شيماء نيفها ساكتة مالقات ماتقول لفطوم وهي كتطلب السماحة فاللخر تنهدات بتعب قالت ليها صافي  اللي عطا الله عطاه..باين البلان كلشي تورق
هبطات فطوم راسها بأسى وشدات فيدها دخلاتها لواحد المحلابة قالت ليها اجي نفطرو اجي..اجي نساي شنو وقع والله تا نسيك فهادشي  كنواعدك ..والله ماتبقاي عاقلة عليه هاني فين قلتها ليك ..انا حاسة بيك وعارفة كيفاش غندير نسيك فيه
جلسات فالمحلبة  شدات راسها قالت ليها ماعندو منين يدوز
شدات ليها فطوم فيدها وقالت ليها والله تا تفطري..مالو شكون يكون اصلا..ونتي اصلا مالكي غتزوجي بيه؟
حركات شيماء راسها بالنفي قالت ليها لاالا مكاين زواج..ولاكن مابغيتش نتجرح
فطوم: ايوا صافي عتابريها ندوة ودازت.. هانا مشيت مع انس مالو كلاني..يعاودها لمو  واخا زوين واخا ماعرفت كي داير..مالنا حنا اول مرة ندوخو ..كن بغيينا كوراحنا من تيتيز لتيتيز..ماتعمريش راسك بيه الى حس بيك مجروحة ولا عندك مشاعر تجاهه عاااد مغيزيد يمرضك فحياتك..شوفي انا  كي بيخير .انس عارفني مكنبغيه مكنزمر ليه صبح الصباح كيقوليا عنداك تسافري..عنداك تمشي..عنداك ديري..ماعرفتو باغي يتصاحب معايا نيشان ولا غير هضرة ..ويعاودها راسو اصلا من هنا لفوق كما كندير مع انس غديري مع يازيد من غير النعاس..حيت انا اختي عجبني انس باااقي الى طولنا غنزيد معاه شي ضريبات
صغرات شيماء عينيها قالت ليها وا باااز ياختي
فطوم :المهم  دابا غتصرفي بحالي.. حيت انا مكنحب مكنزمر
شيماء: شوفي شنو كاتب فدراعه
حلات الصور وراتها وشرحاتها ليها بالعربية قالت ليها شوفي اصاحبتي شنو كاتب ..فتى فتن في فاتن فتاه ..شوفي الاصلية  ديالها فيها فتاة فتاه ..هوا غيرها دار بلاصتها فاتن..يعني طايح فشي وحدة فجهة اخراااا وعندو حياة اخرااا وعايش الحب ويعلم الله كي داير فتعامله مع هاد فاتن وانا جالس عليا ماعندي حتى وحدة فحياتي  وطيحني فيه..خلاني كنتشروط ونبكي  وتنازلت ونعست معاه …عليها السيد ماقالي لا حبيبة لا كبيدة لا والو..مقالي حتى كلمة طاح عمى كان باغي غير حاجتو ..كلشي باين افطوم
فطوم:مقال والو فاش مالقاكش بنت
ضحكات شيماء بسخرية ونيفها حمر قالت ليها وااالو..ماقالي حتى حاجة ..انا كنت واعية والله منعس معاه..وحتى كن نعست معاه نعدبو  نخرجها منها..انا خليتو قلبني كما بغا وكان عاجبني الحال السيد مولف عارف العجب  قلبني كما موالف يقلب البنات حتى كيطيحو فيه..
فطوم :ايوا عرفتي اش ديري..صافي خلصنا ..خلصت الحفلة ..  الى كانو البنات مدلولات تابعينو ..نتي متعيطيش ليه ..واخا نعستو ..انا متأكدة غتكوني خليتي بصمتك 
ضحكات شيماء بسخرية قالت ليها بصمتي !! فاش هاد بصمتي الله. يهديك..قولي هوا اللي خلا بصمتو اما البنات عطاهم الله اي وحدة تحل ليه ويقلبها كما دار ليا
فطوم:ولاكن نتي باقا مزيرة مكتنعسيش بزاف مرة فالقرن ..غايكون حس بيها راه طبيب
شيماء: غير كتخربقي راه من غدا طيح معاه عزبة وتقوليه نتا بغيتك تفتح ويعيش الزيار..هادشي غير خوا الخوا..انا صافي درتها لراسي غرقت راسي
فطوم: ماغرقتيش..غترجعي تقراي وديها فقرايتك وضربيه بشي بوكوص باش تنسايه..واخا متكونيش باغياه على الاقل تنسايه باش متبقايش مريضة: اك اللهم واحد ينسيك فيه وماتعاوديش معاه نفس الغلط ولا هوا نيت تبقاي ديما كتفكريها وتمرضي راسك هادا هوا الحل..دابا ماتعاويش تعيطي ليه والى عيط غتهضري عادي..اصلا صوتك زوين دابا يتوحش يسمعو ويعيط ولا يتشهى شي ليلة اخرى وديك الساعة خليه يصوني ويقلب عليك المهم ماتبعيش كي دارو اخرين
شيماء: راه باااينة افطوم بغا حاجتو وداها
فطوم:وموراها باغي يجرجرك باش يخرجك من عقلو ويرتاح منك..باينة كان معدب من جيهتك دابا شدك وغيبغي يجرك  يمرمدك باش ماتبقايش ساطعة ليه فعينيه ومعلق معاه ..كيقلب على راحتو باغي يرتاح منك ..ماتعطيهش فرصة خليه
ماتبيني ليه لا فرحانة لا فكعانة  قتلي مهم المشاعر قدامو
شيماء: مغنعيطش ليه غير كوني هانية والله واخا نموت ..انا قلت ليك كن كنت واعية مانطيحش معاه .دابا فاش كمدها ليا عاد مغادي نشدها فقلبي اكثر  والله لابيل ديالي لا طلعات ليه
نقبات مع فطوم شوية وهي كل مرة تشد فكرشها  حتى نتباهات ليها فطوم قالت ليها مالكي من الصباح شادة فكرشك
شيماء:كضرني عاطاني لحريق وحتى كدام رجلي مقادراش نوقف عليهم
فطوم:ياكما طاحت ليك الوالدة
شيماء: ماعرفتش غادي والحال كيتزاد عليا ..غير كنتحرك  كنحس بيها ..غنمشي عند طبيبة
فطوم:عادي راه حيت باينة كتقلبي
شيماء:كيخلعني هادشي ..غنمشي نشوف مالي مكنقدرش  نسكت على هادشي
ناضت بزز وقالت لفطوم شتي .. تراد عليا الحال
شدات ليها فطوم فيدها وقالت ليها يالاه نديك يالاه غير بشوية
خرجاتها من تما كتمشى بشوية حتى للطموبيل ومشات عيطات على يسرى من السرجم لاحت ليها عباية وبلغة لبساتهم وطلعات فطموبيل لقات شيماء كتعطس بزاف
شيماء: اوييلي ويلي مقادة حتى نعطس
فطوم: هاحنا غنمشيو عند طبيبة تعطيك شي دوا
مشات داتها للطبيبة ديالها وجلسو وصلات نوبتهم ودخلات معاه للبيرو . دخلات شيماء لغرفة الفحص نعسات وبدات الطبيبة تقلبها وشيماء كتقرا تعابيرها وهي كانها كتألم بلاصتها
شيماء:مالي شنو عندي
طبيبة:عندك التهاب..طبتي اشيماء فم الوالدة واكل الدق وملتاهب هوا اللي كيعطيك هاد لحريق..والوالدة طايحة ليك ..مالكي عمركي وصلتي لهادشي زعما راكي محافضة على راسك اش هادشي درتي فراسك
بقات شيماء ساكتة مالقات ماتقول وجبدات الطبيبة واحد الانبوب قحصاتها بيه كان فيه الدم وقالت ليها هانتي هادشي غير من الالتهاب..راك واخا مابقيتيش بنت مزالة مزيرة ماشي ديال هادشي دقة وحدة بغيتي تخرجي على راسك
حشمات شيماء من كلام الطبيبة ديالها اللي متبعة معاها وقالت ليها اخر مرة غنعاود هاد الايلاج
الطبيبة:ايوا تكايسي على راسك..الله يهديك
دارت ليها مساج لكرشها  وكتخاصم عليها
الطبيبة:طايحة ليك بزاف رجعي للدار هزي رجليك وتغطاي من البرد حتى ترجع بلاصتها
شيماء:واخا
خرجات ليها ادوية ومساحيق وقويلبات تنضيف وبدات تشرح ليها بالفرنسية كيفاش ديرليهم ووصاتها تهلا فراسها حيت طبيبة ديالها عارفة قصتها وكتحييها على قرايتها وتقافتها وكدعمها توصل وبيناتهم علاقة زوينة  وحتى زيارات شيماء على صحتها عندها  كتكرر بزاف من خوفها على داتها
مشات شرات الدوا ورجعات للدار فشلانة دارت داكشي اللي قالت ليها الطبيبة ونعسات ترتاح
كمداتها وشبعات نعاس رتاحت من الهم والغم وعداب الدنيا ..اما فطوم جلسات تركنات شادة تيليفون ويسرى قدام المرايا مع المغرب كتوجد راسها تخرج ..لبسات وتقادات وخرجات وبقات فطوم كتلعب فتيليفون حتى صونا ليها انس ..انس اللي ماتوقعاتش ابدا يتاصل بيها وهوا يالاه كان معاها لبارح فتحات الخط كضحك مع الو قالت ليه مالك حلمتي بيا
قاليها كيضحك بحال داكشي..اش كديري؟
قالت ليه  كندير  القيلولة
بدا كيضحك قاليها كتسالي معايا بهضرتك ..
قالت ليه كضحك ايوا ضحك بصحتك
قاليها:مساليا نخرجو نديرو شي كافي
شافت فشيماء اللي ناعسة بأسى ورجعات ضارت قالت ليه الصراحة مشغولة ماعندي كي ندير
قاليها ياك غير فالدار
قالت ليه غير الدار وصافي ..
قاليها وفاش تسالي شغلك عيطي ليا صافي؟ نتسناك؟
قالت ليه لالا بلا متسناني خليها لغدا فلعشية..بصح راه ماعندي كي ندير
قاليها علاش شنو عندك
قالت ليه  مشغولة وصافي غادي نرحلو كنجمع الحوايج انا والبنات
قاليها ااه اوك ..مهم غدا ضاروري نشوفك
قالت ليه صافي واخا
انس:يالاه تهلاي فراسك
فطوم:بسلامة
قطعات معاه وناضت طلات على تيليفون شيماء كتشوف واش صونا ليها ولا سول فيها مالقات حتى ابيل من غير نوامر الشوافرية اللي مزاحمين على شيماء
تنهدات وناضت عمرات واحد البراد د اتاي حطاتو ومشات شرات الكومير والفرماج ورجعات بحالها لقات شيماء فاقت جالسة بلاصتها شادة تيليفون
شيماء:ماعيطش…هادي هي ردي البال غادي نعيط..ماخلا حتى مسج
فطوم:وصافي قلنا ليك نساي نساااي واخا صعيبة نساي..اري داك تيليفون كيزيد يمرضك
خدات ليها تيليفون دارتو فجيبها وجلسو قالت ليها كي بقيتي شوية
شيماء : فاتني داك الوجع الحمد لله
صونا ليها تيليفون سمعاتو فجيب فطوم وبغاتو تجرو بالزربة وقلبها دار داف بالجهد
جبداتو فطوم تشوف شكون لقات نمرة ديسرى
تنهدات شيماء بخيبة امل وفتحات الخط دارت مكبر الصوت وحطاتو حداها تسمع وتشرب اتاي
قالت ليها : الو يسرى
جاوباتها يسرى بصوت فيه الموت قالت ليها عتقييين…عتقيييني اشيماءغنمووت ..
تخلعو بجوجات حطو الكيسان قالت ليها مالكي فين نتي شنو واقع
يسرى: عتقيييني غنموت اختي شيماء غنموت ..اجي عندي انا فالمنزه
بدات شيماء كتسولها فين البلاصة حتى عرفاتها وناضو بجوج كيجريو نسات الوجع ونسان كرشها لبسات صندالتها دنايك بحال ديال الدرادي وبداك السورفيت اللي قيلات فيها الصباح خرجات ومعاها فطوم كتعقد سيور السروال سورفيت فالدروج وصندالها فيدها تابعاها
نزلو للطموبيل مشاو كيطيرو عند يسرى ويقلبو على العمارة حتى لقاوها ونزلو كيجريو بتراميهم كتيتهزوا دخلو لقاوها جالسة فالدروج متكية على الحيط سخفانة حداها قرعة دالماء ووجها احمر ويديها حومر وحالتها حالة تقول طحناتها مولينيكس
تخلعو فاش شافوها هاكاك وهي كتنين فشلانة ونوضوها بزز شادينها طلعوها للطموبيل اللور وجلسات. حداها شيماء كتشربها الماء وتكمد ليها الطريق كلها حتى الدار ودخلوها  مع الباب وهوا كيتزدح مع الحيط بالزحام
حطوها وسط الدار فين كانت ناعسة شيماء وحيدو ليها صندالتها وحوايجها لقاوها كلها مشرطة بالعصا ..كيزيدو يحيدو ليها وكيزيدو يتصدمو ..خلاوها بسليب وسوتيان وضهرها مجلد ومؤخرتها اكثر ودايرة بالدم وبداو كيولولو وجابو الثلج كيكمدو ليها وعتقوها وردو فيها الروح عاد توكضات وقالت ليهم فشلانة كتنين
قتلني بالعصا الله يعطيه  الكرض..قتلني
فطوم: اويلي شكون هادا
شيماء:واش شي سادي ؟
يسرى بتعب :ماعرفت ديلمو اختي شنو هادا ..جبد واحد السوط وربطني وبقا عليا هاك بالاك ..كنت غنموت اختي شيماء كنت غنموووت
شيماء: اويييلي هادا راه سادي هادا علاش كتمشي مع منوالا
يسرى:مانويتهاش اختي مابايناش عليييه اااه
عضات فطوم شنايفها عيات تصبر فاللخر دارت باق بالضحك وبالدموع وشيماء كتشوف فيها بغيض قالت ليها علاش كضحكي نتي واش هادشي كيضحك؟!!!
شدات فطوم وجهها كتموت بالضحك قالت ليها ناري ميمكنش..ناري غنموت …. ناري قلبي…
يسرى بتعب: ضحكي اختي ضحكي
شيماء:راه غنضرب مك
رجعات فطوم اللور تكات على لحيط كتشوف فيهم وضحك قالت ليها والله مالخاطري…كتبانو ليا بجوج ههههههه ناري غايسكت ليا القلب..وحدة شرشمها يازيد سيفطها داوا خرجات ليها الطبيبة خنشة دوا و لخرى سلخها  السادي خرج فيها السادية …
طاحت كتبكي بالضحك وشيماء كتشوف. فيها  بدات كضحك وتعصرات بالضحك حتى دمعو عينيها وفشلات ويسرى كتشوف فيهم وتقوليهم ضحكووو ضحكووو
تنهدات شيماء قالت ليها غاسكتي نتي الضحك فيا انا وياك
هزات فطوم راسها كتموت بالضحك والدموع كيتلاقاو قالت ليها نااااري كتر الهم كيضحك