خرجات فطوم وبقات شيماء فالدر كتراجع دروسها ويسرى جالسة كتشيش ..ناضت وقفات عليها ودارت يد على يد وقالت
دابا نتي اختي شيماء كليتي قتلة ومشيتي ليها برجليك ..
هزات شيماء راسها بقات غير كتشوف وتسنا اش بغات تقول وكملات يسرى كلامها وقالت
هادشي كامل باش مينشرش تصاورك ياك !! وكن خليتيه نيت ينشرهم ولا يعاود لمخو
شيماء بقات غير كتشوف فيها وقالت
واش عارفة شنو كتقولي ولا غير كتخراي!! تقدري نتي تشوفي تصاورك مشوهين
يسرى: وانتي اصلا ماعندك لا اب لا ام زعما اللي نقولو تشوهيههم ولا تخافي من هاد الشوهة !.. وكاع الى سولك. شي واحد قولي ليه فوطوشب
ردت شيماء قالت ليها واخا اجي نصورك ونصور ليك ترمتك و بزازلك ونتي كتقلبي فوق ناموسية مع شي واحد ونسيفطهم ليك ..بلا منشرهم غير نسيفطهم ليك نشوف باش اتحسي!!!
تنهدات يسرى قالت ليها الصراحك صعيبة ولاكن شحال من وحدة صوروها فيديو ولاحوها ودابا صافي نساو
استغربات شيماء من تفكير يسرى وقالت ليها
سولتي هاد الوحدة واش عايشة عادي؟؟ واش كتخرج عادي واش تزوجات واش ولدات واش مخايفاش ولادها يكبرو يشوفوها وعائلة راجلها مثلا يشوفوها كت٠٠٠٠ وراجلها نيت واش قادر يعيش معاها وهي الفيديو ديالها منشور!! واش خدامة واش كتلاقا بناس فالخدمة !! واش كيحتارموها واش مكيتبعوهاش ي٠٠٠ ها..واش هي براسها قادرة تدخل وتشوف داك الفيديو !! وباها واش مانتاحرش ومها واش متسطاتش!! سوليهت اختي عفاك واش بيخير ومرتاحة الى كانت مرتاحة فحياتها هانيا ديك الساعة نشر تصاوري بيدي ..
تنهدات يسرى قالت ليها بصح ..الله يستر ..الا الشوهة ..ديري ومشافك حد ماشي هي كولشي يتفرج فيك
شيماء: بدلي هاد الموضوع اختي انا اصلا مكنقدرش نهضر فيه بقا ليا غير تصاوري يتنشرو ..نشري تصاورك نتي الى عندك عادية ..وفاش تكبر بنتك ويجيو يوريوها تصاور مها قولي ليها الفيديو فايك ..نتي كدبي وهي خليها تعيش فالجحيم ..اللي جا يقولها اجي تشوفي مك شوفي واش غتكبر بحالها بحال الناس واش تقدر تخرج عند الناس بسببك…عقليتك ديال الخرا هي اللي خلاتني نخرج من دارنا وبنتك غيجي وتحد النهار غتخرج بسببك ودير هادشي اللي كديري نتي ..انا بغيت غير نفهم !!! عاجبكم الكلاخ و الوسخ والخنز والفقر اللي عايشين فيه لا نتي لا داك با وديك مي ..كاع المصايب ديال الدنيا والدين تلقايهم عند المكردين هادا غتاصب بنتو هادي قتلات راجلها هادي هارب عليها الراجل هادا. ٠٠٠ مو !!! هادا قتل باه هادا قتل ولادو !! بااز والله تا باز .. بنادم اش عندو من غير صمعتو قدام الناس باش يقدير يعيش !! نتوما كتبقاو مامسوقينش ماشي شغلكم ماهامكم والو تا كيصدق باك نايض ليك ولا خوك ولا واحد يقتل لاخر ولا شي انتحار جماعي.. تفو على حياة على طبقة خرجت منها تفوووو الزلط والمجاعة والكلاخ وزيد الكواريت ديال العالم تا هما
قلبات شيماء وجهها كدور فدوك الدفاتر وخلات يسرى رجعات لشيشتها ..ناضت شيماء كتقلب على واحد الورقة فداك البيت وتجبد فالركاني والورقة اللي طاحت فيدها تحلها حتى طاحت فواحد الجوا عند بالها فيه اوراقها حيت حتى وحدة فالبنات ماعندها الاوراق من غير كارط ناسيونال وباسبور ..لقات شي اوراق فداك الجوا وحلاتو كتحل ورقة بورقة وتقرا حتى تصدمات صدمة العمر وكانت ثاني تسرفية ليها فالدنيا ..
خرجات من البيت شادة داك الجوا وديك الورقة ومشات عند يسرى قالت ليها دافعة تسبيق عشرة دالمليون فالسكن اقتصادي ايسرى!!!
ناضت يسرى تصدمات رجع وجهها اصفر خذات ليها داك الجوا وقالت ليها بارتباك
لالالا هاددا ماشي ديالي
بقات شيماء كتشوف فيها مصدومة قالت ليها ماشي ديالك !! انا هزاك وموكلاك والدرهم مابقيتيش كتحطيه !! وقلتي ليا غادي تمشي تشوفي بنتك ونتي مشيتي تكاتبتي !! العقد يالاه دو جوغ دابا عندو علامن كضحكي واش كضحكي عليا!
تنهدات يسرى وقالت ليها الصراحة خفت نقولها ليك ..انا ضربت على الفلوس من عند مي وهي اللي عطاتني التسبيق باش نشريو الدار اما انا منين غيجيوني
بقات شيماء غير كتشوف فيها مصدومة قالت ليها منين يجيوك باش تشري دار!!! راه باينة منين جاوك مك غتعطيك تسبيق تشري دار بسميتك بوحدك وخوك لا !! واش انا كنبان ليك حمارة!! انا مجلساك معايا والريال اللي طاح فيدي كنطرقو وفوق هادشي معاوناك على بنتك ونتي كتجمعي وديري تحت منك ومشيتي دفعتي فالدار !!! دايراني قنطرة !! هادا هوا الخير وهادي هي الصحبة!!!
عقدات يسرى حجبناها قالت ليك اشمن خييير درتي فيا مالكي جالسة كتقولي ليا الخير ما لخير شاريا ليا رونج !!
كحزات شيماء من الطريق قالت ليها خرجي عطيني بالتيساع ..تحركي
خرجات يسرى عينيها وفمها زرق بالكارو قالت ليها شوفي ..ديك عياقتك بلااااا مديريها عليا سمعتي… واه غنشد مك نطوي واحيدي من طريق ولا غنقتل لق٠ح٠ب٠٠ة مك
دفعاتها لسقاتها مع الحيط ودازت مشات للبيت كتجمع حوايجها ومشات شيماء وقفات عليها خايفة تهز ليها شي حاجة ..
بقات يسرى كتجمع وبزازلها مدلين وكتسب من تخصار الهضرة غير من السمطة لتحت ..اما شيماء بقات ساكتة كتسناها غير تخرج ليها من تما ..هزات ليها يسرى ساعتها الغالية قالت ليها هادي تا هي غنديها ليك سمعتي ..وهادو تا هما وتقربي نشرك مك يالا ت٠ق٠٠و٠دي
مشات شيماء بغات تاخد ساعتها وشداتها يسرى من شعرها وكانت قوى منها دفعاتها وخدات ليها كساوي السهرة ديالها تاهما وكشطاتها من حوايجها وريحتها وسدات البليزة ووقفات قالت ليها غنوري لمك. ٠٠٠ق٠حاب شكايسواو ..صبرت ليك بزاااف ولاكن دابا انا غنوريك
هزات يسرى تيليفون كتهضر وشيماء واقفة كتشوف فيها وخايفة منها كتسناها غير تخرج تعطيها التيساع
يسرى: خالد..دوز عليا دوز ديني انا كنتسناك ..يالاه متعطلش
قطعات ومشات طارت ليها على الكتب والدفاتر شركاتهم كلهم وبدات تجر فالريدوات طيحاتهم ومشات للكوزينة قلباتها وهرسات الكيسان وهزات واحد الزاجة .شافتها شيماء هزات الزاج وهربات لبرا كتغوت والبيبان كيتزدحو..الناس دغيا خرجو من الغوتة اللولى كلشي طل وكلشي خرج وخرجات واحد الجارة اللي بحالها كاينين فكل عمارة ..مقدم العمارة واخبار الصباح وجريدة المساء والخيط الابيض اللي يفصل والخيط لكحلال لي يلاقي..هي والتيار ديما معاكسين. الى كان الصدع تفك وتصالح والى كانت الهدنة تنوض تلاقي السلوكة المهم خدامة ماعندهاش الوقت وديما خارجة دايعة وديما جالسة مع العيالات اللي يبيعو النعناع والربيع والخبز فدار الدرب وديما مخشية فشي دار مع الجيران اما العراسات والمناسبات هي مولات الجوا اللي يدق على الديور ويجمع فلوس الزرورة ويقيد السميات .. ونهار تسيق وتجر الماء مع الكولوار تخرج وسط العمارة تهز يديها وتبقا عليهم
يا المسخييييين يا المكلكيييين يا المعفونين..
وتبدا هاك بلاك حتى تنشف الارض وترجع بحالها تحزم راسها ودورو بالحامض وتكا . اما بنتها الى طلعات ليها فراسها تخرجها تلعب فديك الساحة باش تنعس شوية. والى ما كانتش بنتها مع البز دالعمارة وسمعاتهم كيلعبو تخرج ليهم تشركهم هما وواليديهم وتجلس عليهم بالمعيور ولا تشرك ليهم الكورة وتبقا عليهم
تولدو وطلقو اللي عندو شي يشدو الله يحرق جد باباكم الكلب ..واللائحة عريضة تشمل اشهى انواع العبارات واعدب الكلام الخاص بالعشية ورا العاصر
تدخلات الضاوية بيناتهم تشوف اش واقع ودخلات لديك الدار كتقول
اش كاين اش واقع
خرجات يسرى جارة باليزتها كي البقرة والضاوية كتر منها مع ذلك دفعاتها زعزعاتها وخرجات كتسب وتخسر الهضرة وكلشي حشمان
يسرى: رااه عا ق٠٠ح٠ دسواعدة هادي كضل ت٠٠حوى٠
خلاتها شيماء مجاوباتهاش وبقات مخبية ورا ديك الضاوية ويسرى غادية وكتسد الساعة فيدها وباينة عليها من لبعيد اش كتسوا غير من داك الفصالة وداك الفم ودوك الدفار اللي ولا خالتهم والصباغة مقشرة .. حالتها حالة وتلات بيها الايام مابقاتش عاطية كي كانت والشعر الزعر طار منو البروشينغ والكلابسات اللي كانت كدير تستر بيهم ديك القزيزيبة اللي فراسها تا هما تشوطو بقوة ما كديرهم وزادو نتفو ليها الراس تقول فيها التونية ..اما رجليها بالقصوحية رجعو بحال الحلفة والدفار طوال قاصحين وغلاض صوفر ..مشات بحالها ودخلات شيماء كتبكي للدار ودخلات معاها الضاوية كتشوف اش واقع ..كتهدنها وفنفس الوقت اللي فيها ماهناها بغات تشوف الدار وتعرف القصة ..لاكن معامن هي ..لقات شيماء طالعة ليها الحياة فالراس ماهضرات مانطقات مشات لدوك الدفاتر كتشوف فيهم وتبكي من حر الصفعة اللي تلقات والغدر بقا فيها كاع الخير اللي دارت فيها وماقرش فيها . جمعات معاها الضاوية داك الزاج وديك الروينة كلها وجلسات معاها كتستفسر وتسول علاش هادشي وشكون هادي . قالت ليها شيماء باللي وحدة ساكنة معاها وصافي وباللي هي كتقرا وجات لسلا باش تقرا وعطات للضاوية صورة زوينة عليها وكانت كتبان عليها بنت نقية ومؤدبة ..وجهها نقي وفمها وسنانها نقيين وزوينة وشعرها نقي وحويجاتها حتى هما..يديها نقيين ودفارها حتى هما قصار ونقيين ورجليها كيشعلو وحتى هضرتها زوينة ومقبولة حتى حاجة مكدل على انها عاهرة كما وصفاتها يسرى .الضاوية ملي شافت هاكاك تيقاتها ديك الساعة وجات من جيهتها وبدات توصيها على الصحابات وتنصحها وخلاتها ورجعات لدارها ووصاتها الى حتاجت شي حاجة دق عليها
انفردات شيماء بنفسها وجلسات كتراجع الاحداث مصدومة ومركنة يدها على خدها ..العشية كلها وهي كتحمد لله على الكارثة اللي خرجات باقل الاضرار ورتاحت منها
رجعات فطوم بالليل دخلات للدار لقات كولشي طافي ومشات نيشان لبيتها طاحت نعسات بالكسوة والمكياج حتى صبح الحال وناضت مضهشرة مشات تغسل وجهها ..لقات اتاي فوق الطبلة فالكوزينة والخبز مغطي عرفات شيماء فاقت الصباح مشات تقرا .مشات غسلات وجهها ودوشات من السهير ديال الليل وجلسات كتفطر ..بانت ليها ميكة كبيرة عامرة زاج وبقات كتشوف باستغراب وناضت طلات عليها مافهات منين جابت داك الزاج
خرجات دايزة من وسط الدار ورجعات خطوة اللور شافت التلفازة اللي عاد شرات معلقة فالحيط مهرسة من الوسط تقول داخلة فيها حجرة
شدات حناكها كتولول ومشات وقفات قدامها مصدومة قاستها بيدها وجلسات كتشوف ماعرفتت باش تبلات.
أنت تقرأ
شرف للبيع
Teen Fictionسلام عليكم الوريدات صفا بخير جيتكم بقصة جديدة و واعرة كتهضر على ظاهرة لي نتااشرات و لي هي الفسادة بطريقة طريفة و الواقع دياز بزاف البنات لي فرضات عليهم الحياة ايخرجو من ضارهم ❤️ هي العذراء لي تباعت من اجل الفلوس 😌💸 وهو الامبراطور لي تلاقاها و...
