ချစ်သော သူစိမ်းဧည့်သည်။ ခွင့်တောင်းခြင်းမရှိဘဲ ပရော်ဖက်ဆာ့အိမ်လေးဆီ ဝင်ရောက်လာ၏ ။ ခွင့်ပြုချက်မရှိပါဘဲ ပရော်ဖက်ဆာ့အိမ်လေးဆီမှ ထွက်ချင်တိုင်း ထွက်မည်ဆို....... မင်းဘာကြောင့်များ ပရော်ဖက်ဆာ့နှလုံးအိမ်ကလေးကို သံယောဇဉ်အနှောင့်အဖွဲ့များနှင့် ရစ်ပတ်ချည်နှောင်ရသနည်း။
ပရော်ဖက်ဆာဆိုတဲ့ကိုယ်ဟာ မင်းချည်နှောင်သော ချည်မျှင်ကြိုးစများကြား တုပ်တုပ်မှုမလှုပ်နိုင်အောင် ရစ်ပတ်ခံလိုက်ရပြီ..... သူစိမ်းဧည့်သည်။
.
.
.
.
" တောင်းပန်ပါတယ် ပရော်ဖက်ဆာ ''
ဆိတ်ငြိမ်နေသော ဧည့်ခန်းမတွင် ပြတင်းပေါက်တံခါးကို ပိတ်မထား၍ အေးစိမ့်စိမ့် ဝှေ့သီနေသည့် ညလေညှင်းနှင့်အတူ
ခပ်တိုးတိုးလေး လွင့်လာသည့် အသံလှိုင်းသည် ဆူဘင်း၏ နောက်ကျောရှိ သူစိမ်းဧည့်သည်လေး၏အသံ။
" ကျွန်တော်....... ပရော်ဖက်ဆာ ကျွန်တော့်ကို နှင်........ထုတ်ချင်နေပြီထင်လို့ပါ ''
ငိုချင်စိတ်ကို ချုပ်တီးထားဟန်ရပါ၏ ။ အသံလှိုင်းလေးက တုန်တုန်ရီရီ။
" ပြောမိလား ယောန်ဂျွန်း ''
" ဘာကိုလဲ ပရော်ဖက်ဆာ ''
" ကိုယ်မင်းကို နှင်ချင်နေပြီလို့ ပြောမိလားလို့''
စကားအဆုံး ပရော်ဖက်ဆာသည် ယောန်ဂျွန်း ဘက်ကို တဖြည်းဖြည်းလှည့်လာ၏ ။ ယောန်ဂျွန်း ကို စူးစူးစိုက်စိုက်ကြည့်နေသည့် ပရော်ဖက်ဆာ့မျက်လုံးတွေသည် မျက်ရည်စတွေ ရစ်သီနေခဲ့ပြီး မျက်ခမ်းစပ်တွေ ရဲနေ၏။
" ပရော်ဖက်ဆာ ပြောခဲ့ပါတယ် ''
" အဲ့ ဒီညကလား ''
".......''
ယောန်ဂျွန်း ခေါင်းအသာလေးငြိမ့်ပြလိုက်၏။ အဲ့ဒီညက ယောန်ဂျွန်း ကို စိမ်းစိမ်းကားကားဆက်ဆံနေသည့် ပရော်ဖက်ဆာ၏ ခက်ထန်သောပုံစံကို ပြန်မြင်ရတိုင်း ယောန်ဂျွန်း ကြောက်စိတ်ကော၊ ဝမ်းနည်းနာကျင်စိတ်ကောသည် တစ်ဆက်တည်းဖြစ်ပေါ်၏ ။
" တောင်းပန်ပါတယ် အဲ့ဒီညက ကိုယ် စိတ်နဲ့လူနဲ့ မကပ်ဖြစ်သွားလို့ ''
YOU ARE READING
Dear.......(ချစ်သော) Complete
Romanceချစ်တယ် ဟူသော မေတ္တာအထပ်ထပ်လှိုင်းခတ်နေသည့် မြတ်နိုးခြင်းအဖြာဖြာပါသောစကားတစ်ခွန်းသည် ချစ်သောအတွက်သာ.......
