Dear.......(ချစ်သော) Complete

ep (20)

နာမည်က ပတ်ခ်ဟျုနင်း။ Black ဆိုသည့်အမည်က ဟိုအယုတ်တမာတွေ ရှာတွေ့လွယ်မှာစိုးလို့ပြောင်းထားတာ။ ဟျူနင်းက ကင်မ်ဟိုဂျောင်းနှင့်အတူ တော်လှန်ရေးလုပ်ခဲ့သည့် ပတ်ခ်ဟွန်းဆော့၏သား။

ပတ်ခ်ဟွန်းဆော့က ဗိုလ်ချုပ်ချွဲ၏ တပ်တွေ၏ သတ်တာကိုခံခဲ့ရပြီး ကင်မ်ဟိုဂျောင်းက ကြိုးပေးခံခဲ့ရ၏။ တကယ်တော့ ကင်မ်ဟိုဂျောင်း နှင့်အစိုးရကြား ခလောက်ဆန်သူတွေကြောင့်သာ ဒီလိုဖြစ်ရပ်ဆိုးတွေနှင့် ကြုံခဲ့ရတာဖြစ်၏။

ကင်မ်ဟိုဂျောင်း သည် အလွန်တန်ဖိုးကြီးသော နီလာကျောက်ကိုတူးဖော်တွေ့ရှိခဲ့၏။ သိန်းသောင်းမကတန်သည်မို့ အရာရာအဆင်ပြေပြီဟူသောအသိဖြင်​့နီလာ​မြေတူးဖော်ရေးလုပ်သားသုံးဆယိကျော်သည် အပျော်ကြီးပျော်နေတော့၏။

အစိုးရမြေမို့ အစိုးရကို တစ်ဝက်ခွဲပေးရမည်ဟူသော အမိန့်ကိုလည်း အကြည်တသာပင်လက်ခံခဲ့၏။ ကင်မ်ဟိုဂျောင်းသည် ထိုမြို့ရှိ တက္ကသိုလ်ကို အဆင့်မီတက္ကသိုလ်ဖြစ်စေချင်၏။

ပညာရေးထူးချွန်ပေမယ့် ငွေကြေးမတတ်နိုင်သည့်မိဘတွေက သည်မြို့ကတက္ကသိုလ်မှာသာ တက်ရောက်ကြရ၏။ ဆရာ၊ဆရာမမစုံမလင်နှင့် ပြည့်ပြည့်စုံစုံတစ်ခုမှမရှိသည့်တက္ကသိုလ်လေးကြောင့် ပညာသင်ကလေးတွေခက်ခဲ၏။

တချို့ငွေကြေးတက်နိုင်သည့်ကလေးတွေကတော့ ဝေးလံလွန်းသော ဆိုးလ်မြို့ကြီးထိ ပညာသွားသင်ရ၏။ ငယ်ငယ်ရွယ်နှင့်မိဘအရိပ်အောက်မှ ထွက်ခွာရသည့်ကလေးတွေကို သနားလည်းသနား၏ ။ ထို့ကြောင့် အနီးနားမှာပညာသင်ခွင့်ရ၊ မိဘတွေနှင့်လည်း နီးနီးကပ်ကပ်၊ နွေးနွေးထွေးထွေးနေခွင့်ရအောင် ၊ ဒါ့အပြင် တိုးတက်အဆင့်မီသည့် ပညာတတ်တွေများသည့် မြို့လေးတစ်မြို့ဖြစ်စေဖို့ရည်ရွယ်ပြီး ဤမြို့ရှိတက္ကသိုလ်လေးကို ပြုပြင်ပေးချင်ခဲ့၏။

ကင်မ်ဟိုဂျောင်းက သူ့အစီအစဥ်နှင့်သူ ကျေနပ်ပီတိဖြစ်နေ၏။ သူ့သားဖြစ်သူဆူဘင်းကို ဒီမြို့ရဲ့တက္ကသိုလ်ဆရာတစ်​​​ယောက်လုပ်ခိုင်းမည်ဟုပါ သူတွေး၏။

သို့ပေမယ့် သူ၏အကြံအစည်တွေသည် လောဘသားနှစ်ယောက်ကြောင့် ပြိုပျက်ခဲ့ရ၏။