ياقطرة من غيث احيتني من بعد مماتي

البارت (18)

-الكهف-

مكان اول مره نزوره او بالاصح مكان خاص ببطلين من ابطالنا
كان موقع هذا المكان السري قريب من المزرعه
كانت عباره عن غرفه مساحتها تكفي خمس اشخاص بالغين تقدرياً حجمها بحجم غرفه نوم متوسطه
كانت هذي الغرفه السريه بوسط جبل من جبال نجد العذيه منحوته من الخالق عز وجل وليسى للبشر يد فيها
وللوصول لها تحتاج بعض التعب والمشقه
دخل وهو مبسوط وكنه رده له روحه فصخ بريتهه وحطها على الطاوله و بدل لبسه
طلع و وقف وهو يناظر شاشه البروجكتر ومجهز الفلم ناظر الجلسه الصغيره اللي فيها جميع مأكولاتهم المفضله
رفع الجوال وناظر الساعه بحماس
جلس على الجلسه الارضيه اللي ماكان في غيرها
كانت الغرفه مرتبه بشكل بسيط يجعلها مكان للراحه والاسترخاء
دخل الغرفه اللي حطو لها باب
صفر بطريقه معينه
ضحك سلمان توجه يحضنه بشوق وحنين: ثلاث شهور ياظالم
شد برجس بحضنه: هيه ياسلوم رحت مكان غير الدنيا
ضحك سلمان ووخر عنه: تعال مضبطلك جلسه يحبها قلبك
ابتسم برجس وجلس قباله
شغل سلمان الفلم وسحبوا عليه وبدوا يسولفون
سلمان وهو متركي على المركه: اسلم،،، عطنا علومك
برجس وهو يشرب الشاهي: ابد ولله جلست بالحرم قسم بالله ابيع عمري كله واعيد ساعه من ذيك الايام
سلمان وهو يناظره: تدري انه البيت بدونك مايسوى
برجس بضحكه: ادري وبدوني تضيعون
ضحك سلمان: ياكريه
برجس وهو ياكل شوكلاته المفضله: ادري اني كريه
عدل سلمان جلسته: ومغرور ونرجسي وشايفن عمرك ومتعلي فوق البشر
قسم برجس من الشوكلاته وحطها بفم سلمان: كل لا والله استفرد فيك
ضحك سلمان وهو ياشر على البدله: شايف ذيك
دق برجس تحيه: نحترم حماة الوطن بس شف ،،، طلع من جيبه بطاقه الشركه ،،، شايف ذي تخليني اخذ حلالك
ضحك سلمان ودق له تحيه: لا لا انا اللي بدق لك تحيه بس تكفى وانا اخوك حافظ على حلالي وخليني اعرس بعدين سو اللي تبي
ضحك برجس: السيف على اول ركزه؟،،اسوي اللي ابي
ضحك سلمان وهو يمسك طرف شنبه: شنبي مب على رجال اذا رفضت
ضحك برجس : ولله ياني مشتاقلك ،،، نلعب مصارعه؟
سلمان بحماس: تم واللي يخسر يسوي الغدا ،، ضحك بسعاده،، امي وطفة وامي صيته لو يحسون اني قابلتك ذبحوني وذبحوك ولا امي صيته بتقطعنا وتفرزنا لرمضان
ضحك برجس: لازم تسوي نفسك متفاجئ اذا شفتني زين؟
سلمان بطقطقه: افا عليك ولا شفتك يلا قم
وقف سلمان ورفع اكمام البلوفر
ورفع برجس ثوبه وربطه
مسك سلمان برجس من يده وطرحه
ضحك سلمان: النجمه ماجت عبث شفت كيف طر،، ماكمل كلامه الا وبرجس طارحه ومثبته
برجس وهو يناظر عيونه: لاتهايط ياورع وقم سوي الغدا
سلمان بقهر: اخو المها،،،،لف برجس وثبته،،،طرحتك وطرحتني وطرحتك قم قم سو الغدا
برجس بضحكه وسلمان مثبته: اوريك ياورع،،، لفه وناظره ضحك برجس،،، قم قم نسوي الغدا
سلمان بضحكه وهو متثبت: تم
توجهوا خارج الكهف وجلسوا يطبخون ويقطعون ويضحكون
سلمان وهو يقطع البصل ويدمع
برجس اللي جالس يقطع الطماط وباقي الخضار: شنوحك تبكي؟
سلمان وهو يمسح طرف دمعته بكم البلوفر: مب ابكي يامغرور البصل خلاني ادمع
برجس وهو يناظر سلمان ،،،نطق بهدوء: انا مغرور؟
سلمان بضحكه: ونرجسي
لف برجس وناظر سلمان: على كل كلامك لي الا اني احبك وراضي باللي تقوله
ضحك سلمان وانسمع صوت صدى ضحكته  الهاديه بين الجبال:اقول قطع وانت ساكت
ابتسم برجس بخفه: ياجعل من لامني فيك يشرب الماء مغلي يروح برجس
سلمان بخبث وهو يصغر عيونه: انا ولا وضحى؟
ضحك برجس: سهم
ضحك سلمان يساله بطقطقه: تحبه؟
هز برجس راسه وهو يقطع الدجاج : احبك انت
سلمان بضحكه: برجوسي
حط برجس السكين من يده ولف ناظره بحده: قل اللي تبي الا برجوسي
ناظره سلمان بتحدي: بر جو سي
ابتسم برجس وهو يعانده ويكمل تقطيع: طيب يا عدسات
ضحك سلمان وحط السكينه: عناد؟؟
لف برجس وهو يبتسم: تقدر تقول مب انا برجوسي؟ انت عدسات
سلمان بقهروهو يفتح عيونه: شوف شو،،، صرخ من حرارة البصل،،،، اهخ اههخ عيوني عيوني راحت
ضحك برجس : ثور انت ،،، مسك المويه وبدا يغسل عيونه،،، كم عمرك انت هاا كم؟ احد يمسك عيونه وهو مقطع بصل
سلمان وهو يفتح : بغيت انعمي ،،بس شف شف ولله عيوني حقيقيه
ضحكوا كلهم
برجس بطقطقه: لا لا عدسات
سلمان بضحك: تذكر يوم.....