ياقطرة من غيث احيتني من بعد مماتي

البارت (16)

| اشرقت الشمس |

~الصاله~
انحط في هذي الصاله اربع اسره للنفاس
الجوري وجنبها سرير سعود
ايلاف وجنبها سريرين مسعود و علي
ربى وجنبها سرير البندري
ميس وجنبها سرير سلطان
انسدحو البنات على فرشهم و حولهم لجل لو احتاجو شي

-6:13 صباحا-

فزت استبرق على صوت صياح علي شالته تهديه وبدت تمشي بالصاله اللي كان نورها خفيف الى ابعد درجة وثواني وصاح مسعود صحت ايلاف وشالته وبدت تمشي فيه
حست البندري وقالت يلا اوريكم وصاحت بقوى فز سعود ولد الجوري من صيحتها وبكى معها سمع سلطان وقرر يبكي صحو كلهم من بكى الصغار
شالت المها مسعود من يد ايلاف: نافس انتي ارتاحي انا بشيله
قرب جويريه تشيل سلطان : ليه يروح خاله الدموع ليه يروحي ؟؟؟
ميس وهي تدمع: يمه ولدي ليه يبكي نروح مستشفى؟
ربى وهي تهدي البندري : خلاص يقلب امك خلاص
قربت مهرونيسا : هاتيها
شالت هند سعود ولد الجوري : خلاص يقلب خالتو انا وه وزين الصعنونين الاشقر
كانت استبرق شايله علاوي وتمشي وجنبها المها شايله مسعود اما قبالهم كانت مهرونيسا شايله البندري وجنبها هند شايله سعود كانو يمشون عكس بعض وهو يحاولون يسكتون الصغار اما جويريه كانت تهز سلطان وهي بمكانها
فلك وهي حاطه المخده على راسها: سكتو غدانكم لا اشق حلقهم
اسيا وهي تتثاوب: ابي انام يامسلمين
غيم وهي تاخذ بطانيتها : بروح انام عند خالو زين
طلعت ووراها الغاليه : بروح عند عمو سلمان
خديجه بخبث : فلوك ماودك تروحين عند عمو البتال
ضحكو البنات
ايلاف وهي تمسك بطنها: اص ياتبن مقدر اضحك
جلست فلك عدلت بطانيتها : ما احبه م ا ا ح ب ه
البنات بصوت واحد : اممممم
عائشه : ياغبصه ماتلاحظون عبود نحف صح؟
لفت عليها فلك: ايوههه ذي اللي تجيكم بالعلم الصحيح ماتقولين لها شين مستقوين علي انا ياليتيمه لي الله
ضحكو البنات
مهرنيسا وهي تسكتهم : نامت نامت الورعه
استبرق وهي تتنهد براحه تتكلم بهمس: واللي عندي نام وانتم
جويريه: اي اي نام
هزو هند والمها راسهم
سكت كلهم ولو عليهم كتمو انفاسهم بعد
فجاة عطست اسيا بقوه
فزت البندري وبكت
بكو الباقي معها
مسكت ايلاف المخده وضربت اسيا
ميس بقهر: بجلدك بجلدك ورب البيت

-المحلق-

دخلت غيم وهي تجر بطانيتها
رفعت بطانية زين ودخلت معه بفراشه
فتح زين عيونه: شجابك يا بابا؟
غيم وهي تحضنه: خالو الصغار بس يبكون ابي انام
ضحك زين وحضنها: يلا نامي
تمغط سلمان: غاليتي وين
دخلت الغاليه : ديت(جيت)
حضنها سلمان: اطلق من دا(يطقطق عليها)
حامد وهو منزعج من صوتهم: نامو ولا حرف
خالد وهو يتقلب: اوامرك على ضباطك مب علينا
ضحك حامد : كلمة اختك
الفيصل بحده: حشم وش اختك قال كلمة المها
ضحكو العيال
اعتدل حامد: الله حسيبك يافلان
لف فهد بضيق : اي ولله يلا نامو قد صلينا يلا خلونا نغط شوي
غمضت عيون الجميع
واولهم مزعجين ال هذال الجدد نامو بسلام