အလုပ်လုပ်နိုင်စွမ်း
ပိုင်လဲ့လဲ့က ရှင်းပြလာခဲ့သည်။
" အဲ့ဒီ Cactus လုံးအသေးလေးကအပင်ကြီးရဲ့အမြစ်ကနေခွဲထွက်လာပြီး အခြားအိုးတစ်အိုးထဲ ပြောင်းစိုက်ထားတာ၊ ပြောရရင် တစ်ပင်တည်းပဲ၊ အဲ့ကြောင့် ဘောစ့်က နှစ်ပင်လုံးကို ဂရုစိုက်နေတာလေ "
ကျန်းစီရိ - " ... "
" ပြီးတော့ နောက်ထပ်ဇာတ်လမ်းတစ်ခုကျန်သေးတယ် "
ပိုင်လဲ့လဲ့က လည်ဆန့်၍ ကုရှောင်း၏ရုံးခန်းအားကြည့်လိုက်ပြီးမှ အသံတိုးတိုးဖြင့်
" လွန်ခဲ့တဲ့ နှစ်လ၊ မေလကုန်ခါနီးလောက်ကပေါ့ အမျိုးသမီးအလုပ်သင်တစ်ယောက် တို့အဖွဲ့ထဲရောက်လာခဲ့တယ်၊ ပြောကြတာတော့ သူက T တက္ကသိုလ်က ဘော့စ်ရဲ့ ဂျူနီယာတဲ့ "
" အိုး? "
ကျန်းစီရိလည်း တစ်ဖက်သူ အနီးသို့ တိုး၍ တောက်ပသည့် မျက်လုံးများနှင့် နားရွက်အစွင့်သားဖြင့် အတင်းအဖျင်းအား နားထောင်ရန် အသင့်ပြင်လိုက်ပေသည်။
ပိုင်လဲ့လဲ့က ကျန်းစီရိစားပွဲအား ညွှန်ပြလိုက်ရင်းပြောလာခဲ့သည်မှာ - " အဲ့မိန်းကလေးကလည်း မင်းနေရာမှာပဲ ထိုင်တာ၊ ပြီးတော့ သူလည်း ဘော့စ်ဆီက အဲ့အပင်ကိုပဲ တောင်းခဲ့တာ "
" ခဏ ခဏ "
ကျန်းစီရိလည်း သူမအား ဖြတ်၍ ပြောလိုက်မိသည် - " ရှင်းအောင်ပြောထားရဦးမယ် အဲ့အပင်ကို ငါတောင်းခဲ့တာ မဟုတ်ဘူးနော် ကုကုန်းကိုယ်တိုင် ရှေ့ကောင်တာက ဧည့်ကြိုမလေးကို ငါ့ကိုပေးဖို့ ပြောလိုက်တာ "
ပိုင်လဲ့လဲ့ - " ... "
ကျန်းစီရိစကားကြောင့် ပိုင်လဲ့လဲ့ကမျက်လုံးလှန်လိုက်ကာ
" ရုံးမှာရှိတဲ့ Cactus နှစ်အိုးလုံးကဘောစ့်ပိုင်တာ၊ အဲ့တာ နင်က သူ့ရှေ့မှာ Cactus ကြိုက်တယ်လို့ပြောတော့ အဲ့အပင်ကိုတောင်းတာနဲ့တူတူပဲပေါ့ "
ကျန်းစီရိ၏နှုတ်ခမ်းထောင့်လေးလည်းတွန့်သွားရတော့သည်။ အပင်ကြီးနှင့်အပင်သေးလေးက တစ်ခုတည်းမှန်း သူမှ မသိခဲ့တာ ... အိုင်းး ဒါကြီးက ဘာလို့ထူးဆန်းနေရတာလဲ!
YOU ARE READING
လက်ထောက်ဗိသုကာပညာရှင်လေး
Lãng mạnThis story is not mine and just a fun translation.I don't own any part of this story and all the credits will go to the original author, publisher and translator.Both Unicode and Zawgyi are available.Enjoy it. :)
