نورا"ايه يابنتي راه ادم خطبك يازينب من باباك حنا من جيهتنا راضيين ادم وليد الدار تربا على يدينا و الباقي عليك نتي خمي مليح ومتقوليليش ادم خويا تربينا كيف كيف مكاش لي هنا خوك من غير احمد لي من دمك سما خمي مليح انا نستناك هاذو اليومين باه نردولهم خبر"
انا شفت في زينب راح نطير من الفرحة وهذيك الستوتة لعبتها حشمت وجه الحشمة
اسيل"متخافيش خالتو تخمم بسيف عليها و نشالله تقبل "
نورا"نشالله اسيل ادم راجل وعليه الكلام نتمنا يكون مكتوب زينب ايا ضك نخليكم "
هي خرجت وحنا درنا عليها
امال"كنت حاسة عندي شحال طيح عيني في ادم يخزر فيك باينة طايح فيك زينب "
نعمة"ايه ايه زينب تعيشي خمي مليح مشي كي خويا راني نقولك بصح صح تتوالمو كيف كيف "
اسيل"نتي بطلي هذي الهدرة انا عمبالي زينب واش تديري صلاة الاستخارة توريلك كلش "
امال"عندك الحق اسيل وريلها لزينب كيفاه تصليها انا ضك نهبط مع هذي اللصقة نوجدو الفطور"
خرجت عمتي مع نعمة وانا حكمت زينب وريتلها كيفاه تستخير مفهمتش كيفاه نسيت عفسة كيما هذي ياربي اي طفلة كي يجو يخطبها واحد تصلي صلاة الاستخارة اذا حست روحها مرتاحة تقبل وربي يسهل معليش .... بعد موريتلها رحت خليتها وحدها انا درت لي عليا والباقي عليها رحت على زهري نوجد الطابلة لقيت بابا وخويا وعمو عبدالله داخلين
اسيل"اييه شكون لي جا خويا العزيز ياوحد الخبيث خطبت زينب"
امير"شفت سفيان صرعنا وهو يقول تزوجو انا نقعد هو التالي ساعا لعب مورانا وراح يدي زينب"
سفيان"كلاولك لسانك ادم منزيدش ندير فيك كونفيونس "
ادم"سافا شوي واحد ميبنيش حياتو "
اسيل"ماما في ميزك ادم عرف يخير ولا واش قالو"
مليكة"خوك من عام عامو ميعرفش يخير بصح الحمدلله كي وصل للعروسة جاب المخيرة تاع النسا"
اسيل"احمممم ماما زينب مخصها والو الله يبارك بصح انا هي المخيرة باينة ونتا عمي قولي رايك في ادم ومتخافش راني معاك "
عبدالله"ههههه علاه نخاف يابنتي ادم راه في معزة احمد وكثر "
زهور "ايا متضليش تكثري في الهدرة روحي عاونيهم في الكوزينة "
اسيل"صحا ماني راني رايحة خلاص"
جاز هذاك النهار هايل صبح من داك سييت مانقدر نوض بكري صبحت على زينب نشوف اذا راهي قابلة باه نبداو نوجدو
اسيل"صباح الخير الزين واش قوليلي كيفاه قابلة "
زينب"باينة هذي قابلة حتى وين جي تسقسي"
عنقتها وبديت نزغرت شديت روحي بالسيف بصح لازم نزغرت طلعو نسا عمومي وماما يجرو
حورية"واش راه صاري هنا "
اسيل"زينب قبلت بخويا خلاص خليونا نوجدو من ضك"
زهور"مبروك يابنتي تستاهلي ربي يفرحكم"
زينب "نشالله ماني "
محمد"غير الخير البنات "
امال"خير يابابا خير كتب ربي تشوف احفادك راح يتزوجو ونشالله تحضر لولادهم ادم و زينب ديسيداو يتزوجو"
محمد"ربي يهنيكم يا بنتي "
هوما يهدرو هكاك وانا عينيا يبرقو زينب حشمت وانا بديت نتخيل عرسهم كيفاه راح يجوز بديت نرسم بزاف صوالح ..... وبدات الخدمة تاع الصح ادم ديسيدا يخطبو منا ل خمسطاش يوم الجاية قلنا يقعد في الدار تاع الجبل مع ماما وبابا وختي حتى عمتي امال راحت باه يتعاونو مشي من شومبرتهم يجو يخطبو ديركت ولا واش قالو المهم انا قعدت معاهم علاه بيسك زينب قالتلهم اسيل ختي لي معنديش هيا لي تحضر معايا وانا قبلت باينة بصح كتافي طارو مع القاطو و النيتواياج تاع الدار ايه حقا جات رحمة وسيليا بنات عمي مصطفى من العرس جبت وقتي معاهم مع الحكاية توحشتهم محسيناش كيفاه جازو اليامات عمتي سمية قالت تجي قبل الخطبة بنهار مزال ينقو الحالة مع العرس وعجوزتها واعرة كون جي لعندنا متخليلها والو .....ثلث يام بقاو على الخطبة و ستراس زاد باينة مشي علينا على زينب هذاك النهار راسي كسرتهولي كنا في شمبرتها انا ورحمة وسيليا
سيليا"زينب احكمي بلاصتك راسي راه يدور"
رحمة"الطالو هذاك رشا من الصبح رايحة جاية بيه"
زينب"معلابالكمش نتوما والو كون نهار الخطبة نكون نمشي هكاك قدامهم ونطيح لالا المصيبة كون نطيح القهوة فوق ادم يفسخ كلش "
رحت عندها حكمتها من كتافها
اسيل"احكمي بلاصتك ميصرا والو رانا هنا انا وسيليا نحكموك ياك "
سيليا"ايه ايه باينة ومتخافيش كون سيا ادم يهرب نوريلو يحطلك الخاتم بعين زرقة"
اسيل"ياخلايا سيليا علاه خويا مسكين"
سيليا"انا نديرها منديرهاش مرتو دبر راسها خاطيني "
اسيل"راكي تحليلها العين هاك ههههه معليش صحا راني رايحة نغسل الحوايج هذاك واش بقا خدمة باه اليومين هاذو نقعدو "
زينب"وي عندك الحق بلا بيك نضيع اسيل نشقيك اليوم احمد خويا راح يجي اذا شفتيه ولا عيطيلي توحشتو"
اسيل"احمد!!...."
زينب اونفا راح تتزوج من ادم
راهم دخلو شخصيات جدد ومزال
واش رايكم احمد شخصية راح تكون سلبية ولا اجابية زعما🤔
كي العادة نتلاقاو الفصل الجاي👋🤧
