الحلقة 13🫀✨
ايه وين حبسنا
زينب"ياحي كون تسمعي الحكاية شوفي كان كاين وحد الجان يديرونجي في صحوة زعما وهي انا كان عمبالي عجبها الحال وكانت ناوية تولي تمشي معاه وصح مشات معاه شهور حتى وين ولا هذا بدا يطلب منها دراهم امبعد كي ولات متمدلوش ولا يهدد فيها يجي لدارهم يبهدلها ووحدة من صحاباتها كان عمبالها بهذي الحكاية خافت عليها سما واش دارت خبرت احمد ومنعرف من وين جاتها الفكرة خلات غاع الناس وراحت عند خويا تقولو كاين واحد يديرونجي في صحوة ويطلب دراهم منها احمد كي سمع راح لعند صحوة قاللها متخافيش انا ضك نوريلو كيفاه يلعب ببناتنا وهو معلابالوش ميمبا بلي هي جابتها لروحها مشات في الطريق الغالطة و صحوة هذاك النهار منعرف كيفاه بانلها احمد جا زعما سوبرمان انقذها ومن هذاك النهار ولا احمد هو يجيبها للدار و يديها حتي وين ولا يقرا في الخارج من هذاك النهار وهي هابلة عليه"
اسيل"ووووو عجز اللسان عن الكلام "
زينب"عمبالي عمبالي مام انا معرفتش واش نزيد نقلك"
اسيل"بصح زعما علاه تخلط فيا "
زينب"اسيل مكنتيش فايقة صحوة من عام عامها تغير منك وزيد طلعك جدي تقراي في الخارج زادت كلبت ومام سيليا مديريش فيها لامان ختها رحمة بلاك بيسك هي العاقلة في وسط لفعات"
اسيل"بالعكس مكانوش يبانولي صحوة تقدري تقولي كانت ختي لي مولدتهاش يما مدرتش في بالي تكون تغير مني"
زينب"مديريش ثقة عمياء فيهم اسيل نتي نية وهوما راهم يديرو رايهم"
اسيل "اممم خلاص من اليوم و رايح نبعد عليهم سواسوا مام احمد قالي على صحوة و مام انا كنت حابة نبعد عليها بيسك ديجا عقليتها معجبتنيش بصح على جال العشرة قلت وقيل انا غالطة بصح مور هاذ الهدرة خلاص نندب عليها"
كملت انا غطيت هذيك العجينة حتى نطقت زينب
زينب"....اسيل زعما تخيلي انا ياك راح نتزوج ادم خوك ونتي تدي خويا احمد"
خزرت فيها منوصفش رياكسيو تاعي
اسيل" عمبالك زينب وقيل لازم نبعد عليك نتي ضك من صحوة دورتيها مام نتي من نيتك راني نقلك احمد خويا علاه زعما ضك راكم تسيو تبدلو النظرة تاعي ليه ضك تزيد تسمع صحوة تدير مسلسل في راسها"
زينب"بصح علاه لالا مراهش خوك احمد خويا انا مشي نتي حتى ادم كان كيما خويا وحد الوقت بصح ضك نشالله راه راجلي "
اسيل"منقدرش زينب طفولتي ديتها مع ادم واحمد كانو خاوتي نتعاملو كي الخاوة من بكري مخممتش انا وهو في علاقة وخداخرة من غير الاخوة"
زينب"كون جي عندك زعما ماما ولا منعرف يقولولك تخمي في احمد يولي راجلك واش تقوليلهم"
اسيل"باينة لالا "
