الحلقة 🎬🎭
مطولش احمد جا وجاب معاه الخير كوزينة مسحها مسيح مخلا والو فاكية حلقوم كلش
اسيل"زعما راح ناكل كامل هذا"
احمد"اه معلاباليش واش تحبي وزعما شاتحبي تاكلي ضك سما جبت كلش "
اسيل"هه لي تجيبها مليحة راني صح جيعانة مبورطاليش واش تكون الماكلة"
احمد"مليح ايا ابداي ولا حشمتي مني ضك نروح معليش"
اسيل"هههه بوه عليك انا حشمت منك لالا ضك خليني ناكل "
بديت ناكل من كلش منعرف تفتحتلي لابيتي وانا ناكل رفدت راسي لقيت احمد يخزر فيا انا منعرف تلبكت معرفتش واش بيه كامل لحست صباعتيا وهدرت معاه
اسيل"واش بيك كول اذا راك جيعان متخليهاش في قلبك "
احمد"واش ناكل يا طفلة ونتي كلش مسحتيه دقيقة مفاتش وانا لي غضتيني سعا نتي هي الكفلة لي تاكلي وميبانش فيك "
انا رحت نهدر امبعد حبست في هدرتو تاع ميبانش فيك علاه هذا وين يعرفني كيفته دايرة الحجاب ميخطينيش كامل انا حشمت نسقسيه نقولو واش راك تمعني بهدرتك هبطت راسي غلقت فمي
احمد"... متفهميش بالنقص... كنت نهدر على بكري يامات قبل متروحي لسويسرا"
ياحوجي على التبهدايل عرف واش راني نخمم اواه ياربي خليني نرفد روحي قبل منعرف وقيل ندفن وجهي في الارض ديجا من دقيقة لي شافني نبكي منكذبش تخلطولي الهرمونات وراكم تعرفو البنات المشاعر يتخلطو و يتعجنو لازم نهرب قبل ميديروها هرموناتي
اسيل"احممم مام انا مقلت والو اسمحلي راني رايحة نرقد غدوا نشالله بونوي "
احمد"ايه باينة بونوي وغدوا قولي لنعمة جي للبيرو تاعي انا عمبالي واش ندير "
اسيل"احمد متهدر معاها والو تعيش هي راهي نادمة "
احمد"شكون قالك راح نهدر انا خدمتي نفريلكم البروبلام والهدرة عليك نتي نتي متخافيش ياك دايرة فيا كونفيونس"
هبطت راسي "منعرف احمد بصح عمبالي كون جا كاين بنادم من غير ادم خويا يخاف على نعمة باينة يكون نتا .... ضك راني برك تاكلة على ربي و عليك "
احمد"روحي ترقدي ومتخافيش راهي عندي"
درتلو براسي ايه ورحت نرقد وانا نخمم في غدوا كيفاه راح تصرا زعما يقدر .... رقدت هذيك ليلة نستنا يطلع الفجر صليت وبقيت نايضة ندعي ربي من قلبي ختي متتبهدلش قدام لي يسوا ولي ميسواش متستاهلش مكاش لي يوريلها غلطت هذي الخطرة و نشالله تكون التالية انا لي مراحش نخلي ختي تضيع ....
جا الصبح رحت لشركة وبعثت ميساج لنعمة جي جازت ساعة باه شفتها دخلت عندي انا نضت لعندها عنقتها امبعد شفت فيها
