الحلقة🎬💃
نهار العرس لحق كامل يجاراو كنت انا مع زينب مقلقة بزاف حكمتها واش يسموه حمة العرايس
زينب"اسيل راني خايفة كون تصرا كاش حاجة و العرس ميصراش"
اسيل"زينو راني هنا معاك مراح يصرا والو لتاي ضك مع روحك اليوم نهارك"
زينب"اسيل ختي تعيشي متخلينيش اقعدي معايا"
نورا"الطفلة نهار عرسها تحوس على يماها وانا بنتي تحوس على اسيل "
اسيل"هههه طاطا متزعفيش حكمها ستراس"
نورا"مزعفتش وزيد كثر خيرك كون موقفتيش على الخدمة و عاونتي هنا منعرف كيفاه نسلكها"
اسيل"حشمتيني بلا مزيتي عاونت فلي نقدر"
نورا"ان شاء الله قريب نفرحو بيك "
زينب"ايه ماما خممت فيها هي واحمد يتوالمو"
شفت في زينب خزرة تقتل همستلها
اسيل" اسكتي .."
نورا"منلقاش وحدة كيما اسيل بصح كامل راح يوقفو في وجهم خوك يدبر راسو ... اذا خمم في اسيل معنديش مشكل نخطبهالو ... بصح لازم يوقف في وجهم "
جات ماما لعندي
مليكة"واش قلتو لبنتي كي ولات طوماطيشة"
زينب"والو خالتي غير قلت لماما كون نخطبو اسيل لاحمد"
مليكة"بوه عليا بنتي مزالها صغيرة "
نورا"راهي زينب قد اسيل وتزوجت مطولش بنتك ويدوها وزيد كون يديها وليدي والله غير نحطها في عينيا"
مليكة"نورا عمبالي بنتي كيما بنتك معنديش بروبلام ... زعما كون يصرا واش راكي تقولي ... ماما زهور تقبللهم "
نورا"يكتب ربي برك وليدي يكون ناوي على اسيل واحمد من كان صغير اذا حب عفسة يديها "
انا خرجت ديركت من الشومبرة حسيت روحي تغميت قاعدة نمشي حتى دخلت في وليد عمي امير
امير"واش بيك سافا"
اسيل"بعدني تغميت .... الماء نسحق نشرب "
احمد"شدي اشربي"
ديت القرعا لي كانت في يدو نشرب ديركت قلبي كان غير يدق
امير"دقيقة ... هذي قرعة تاع أحمد .. شرب منها"
هنا قلبي حبس جماعة القرعة مزال في فمي وانا طلعت عينيا نشوف فيهم بديت نضحك في وجهم
اسيل"ايه وامبعد قلبي قريب حبس "
أحمد"امم زينب راهي واجدة"
أسيل"نورمالمو راهي مع ماما وماماك "
أحمد"قوليلهم ادم قريب يوصل نديرو كورتاج منا للصالة"
بديت نصفق نحب ليكورتاج
