الحلقة التاسعة🎬
جريت في الدرج نعيطلو
اسيل"سلام احمد استنى دقيقة"
احمد"وعليكم السلام غير الخير اسيل"
كملت هبطت وقفت قداومو
اسيل"هذي الخطرة انا نشقيك قالي جدي خصو فاردوات تاع الماء كون تخرج جيبلي ضك راك درت فيا بليزير"
احمد"ايه خلاص ضك كي نعاود نخرج نجيب"
اسيل"علاه مشي ضكا"
احمد"راسي راه يوجع نشوف نشرب كاس قهوة"
اسيل"خلاص ضك نديرهالك نحطهالك في الحارة ونتا جيبلي الفاردوات نسحقهم ضك نحطهم يبردو والكوزينة راهي تشعل معمرة متلقاش كيفاه تدخل"
شفتو حك راسو مهبطو
اسيل"تعيش احمد "
احمد"خلاص خلاص راني رايح "
هو راح انا رحت نديرلو قهوة وندمت كي قلتلو نديرلك رحت للكوزينة تقول شاعلة النار فيها السخانة والنسا متلمين ثما لي تقطع على عجوزتها ولا راجلها حتى لواساتهم مطلقوهمش رحت درت القهوة وجبدت كاشي تاع راس في طريقي وخرجت نجري غموني حطيت كلش فوق الطابلة ولقيت احمد جا مع الفاردوات
اسيل"صحيت حطهم غير ثم ضك نطلعهم والقهوة واجدة راني جبتلك كاشي تاع الراس اذا مراحش الوجع تاع راسك"
احمد"يعطيك الصحة"
هكاك وجات يماه عمتو نورا
نورا "راكي هنا اسيل وانا قلبت الدنيا عليك "
اسيل"غير الخير طاطا "
نورا"معلاباليش ضك كيفاه نحطولهم القاطو كامل و وين ندخلوهم"
اسيل"متقلقيش راسك كلش راه واجد شوفي النساء بزاف قلت نحطوهم في الصالو الكبير لي يطل على جاردان و الرجال وجدت الحالة في الشومبرة هذيك المفتوحة على السطح درت قعدة مسقمة ومنها بعاد على الرجال و القاطو درت حسابو البايط واجدين في الشومبرة ودرت الزايد "
نورا"تعيشي اسيل مليح جيتي في جيهة العروسة كون تلفتلي كامل"
جات باستني من خدي وراحت
احمد"راكي متهلية في كلش "
اسيل"باينة هذي زينب كي ختي هذا قليل تستاهل كل خير"
احمد"بصح علاه مقعدتيش مع خوك يسحقك"
اسيل"زينب معندهاش ختها ودارتني كي ختها منقدرش نردها اما ادم بالعكس ميسحقنيش وراني خليتو نعمة مراهش وحدو بيبي صغير"
احمد"ايه عندك الحق....... تبدلتي بزاف كي رحتي للخارج"
اسيل".... مام نتا تبدلت "
احمد"عندك الحق نشالله برك للاحسن"
اسيل"هذي الكاستيو نورمالمو ليا انا لي كنت طوايشية "
