بســم اللـه الرحمـــن الرحيـــم
------------
الدهر يومان ذا أمن وذا خطر
والعيش عيشان ذا صفو وذا كدر
أما ترى البحر تعلو فوقه جيف
وتستقر بأقـصى قـاعه الدرر
وفي السماء نجوم لا عداد لها
وليس يكسف الا الشمس والقمر
نعيـب زماننــا والعيب فينـــا
ومــا لــزمـانـنـا عيـب ســوانــا
ونهجو ذا الزمـان بغيـر ذنب
ولو نطــق الزمـان لنــا هجانــا.
-الإمام الشافعي
---------------------------------
إن الحياة كثيرة المفاجآت أليسَ كذلك؟ توجه لك اليوم خبراً صاعقاً وقبل أن تتعافى من صدمتك الأولى توجه لك الآخر حتى تعلمك درساً هامًّا بأنه مهما تلقيت.. فهذا ليس كل شيء.
هكذا علت الدهشة ملامحه مما استمع له لينبس وهو يحاول تكذيب الأمر:
-أتجوز إيه يا عم "رؤوف" صلِّ على النبي.. انتَ متأكد إن دي الوصية بجد ولا ده مقلب من مقالبك؟ ده هما ست شهور و أتم تلاتة وعشرين سنة!
ليهتف شقيقه:
-أنا معنديش شك إنه مقلب، أصل ليه الوصية دي ليك انتَ بالذات يعني
تحدث "رؤوف" مزحزحاً عن نفسه تلك التهم:
-وأنا هعمل فيك مقلب ليه يابني، الورقة اهي تقدر تشوف بنفسك لو مش مصدقني
التقطها منه "يحيى" بفضول واقترب منه شقيقه ليقرآ ما دُوّن بها بخط يد والدهما:
"يحيى يابني، انتَ عارف يابني إن أخوك مسافر برا منعرفش عايش إزاي ويمكن يكون اتجوز من ورانا من أساسه.."
عند تلك النقطة توقف "كريم" عن القراءة وقاطع شقيقه كذلك:
-بيثق فيا أوي
زفر "يحيى" بضيق ونبس:
-ما تصبر يا عم بقى
تبع حديثه بمتابعة قراءة الوصية بصوت شبه مسموع:
"عشان كده أنا بوصيك يا "يحيى" إنك تتجوز...في أقرب وقت، وقبل ما تفتكر إني بتحكم فيك افتكر إن مصنع زي مصنع الشرقاوي ده يا يحيى محدش هيقدر يوقفه على رجله إلا آل الشرقاوي بنفسهم اللي هما ولادك إن شاء الله.. صحيح" نادر" و"إسماعيل" ليهم نصيب منه من بعد ما الحاج" إبراهيم" اتوفى، والحاج "رضا" زي ما انتَ عارف مش حِمل الشغل ده فسايبه لابنه.. لكن الكلمة اللي بتمشي هتكون كلمتك من بعدي، و زي ما انتَ عارف أخوك مش بتاع الشغل ده، ربنا يهديه... خلاصة الموضوع يا يحيى إن المصنع ده من بعدي في إيدك انتَ ولو ضيعته هتبقى ضيعت اسم عيلتنا، وهتبقى ضيعت حاجات كتير أوي.. أكيد انتَ مش فاهم دلوقت بس بعدين هتفهم كل حاجة، واللي أنا واثق ومتأكد منه إنك هتنفذ وصيتي......"عادل نور الدين شرقاوي"
قرأ التوقيع المدون باسم والده أسفل الورقة ثم تبع ذلك بالنظر إلى "رؤوف" وشقيقه بنظرات مبهمة، لم يفهم بالضبط ما يرمي إليه والده في حديثه، ولن يفهم لأن هذا السر قد دُفِن مع والده تحت التراب
أنت تقرأ
هُنا تلاقَينا "قيد الكتابة والتعديل"
Romanceسكنها وملجأها، مُخلِّصها من شقائها، فرّت إليه من ماضيها وحياتها المغلفّة بالظلام. حيث لا قواعد، فقط الشر هو من يقود زمام الأمور، ولكن أذلك الشر أبدي؟ أم أنه هناك شعاع خير آتٍ لينير تلك العتمة؟ على كل حال فإن كان -هو- صاحب ذلك الشعاع فلن ينير تلك...
