#رهائن_الماضي
#الحلقة_8
نورا وعامر عايشين في العسل ومايندروا عن شي ...ونورا معاش قدرت تقاوم عامر ...وهوا شن بيوقفه توا 🤷🏻♀️
بس نورا فطنت وخافت لما عامر نزل بيده لوطى وحاول يفتح السروال امتاعها ...وهنا فعلا كان لازم اتوقفه لانها خافت وحست الامر بيطلع من يدها ..ومعاش تقدر ترجع بعيدن 💔
نفضت يده من عليها بسرعة ....وقمعزت اترتب في دبشها
عامر مال ناحيته وهو مازال تحت تأثير اللحظة : كنك ..شن صار ؟؟
نورا تلبس في وشاحها : خلاص عامر وقت على المدرسة تأخرت
عامر يلمس فيها ..ويتحايل عليها : خليني اشويا بالله عليك ...مازلت نبيك حبيبي
نورا : تأخرت والله العظيم تأخرت ..حي عليا
عامر نفخ وتباعد عنها ...وقعد ايسقم في دبشه : تمام ..تمام ...مازال معاكي وقت ماتخافيش
بعد نظموا كل شي ...عامر ولع السيارة ..ومشوا لعند المدرسة ...بس للأسف كانوا فعلا متأخرين ...ونورا قدرت من بعيد اتشوف سيارة نجم عند المدرسة يستنى فيها 😰
*************(( الكاتبة أم ناصر ))
هديل بعد قرأت المحادثة ...تعصبت وعلى طول قعدت تتصل بصهيب ...وهوا لما كثرت اتصال ...رد عليها : نعم
هديل : مع من تدوي 😤
صهيب : ماندوي مع حد ...كنك والعة ؟
هديل : صهيب ماتكذبش عليا ...شفتك اتهدرز مع بنت توا 😡
صهيب : وطي صوتك ..وأهدي اشويا ..وين شفتيني انهدرز ؟!!
هديل اعيونها دمعوا : على الخاص ...من اللي تحكي أمعاها ...وشن تبي تتعرف عليها 😥
صهيب غمض اعيونه ..وتنهد : أهدي بس حبيبي ...والله مافي شي ..توا انفهمك
هديل : مانبيش نهدأ صهيب ...قولي من البنت هذه ومن وين تعرفها ؟ 😤
صهيب يدوي بصوت واطي : هديل أفهمي ..قاعد في العمل ..لما نتلاقوا بعدين نفهمك كل شي
هديل : اوكي ..اوكي ..ماتبيش تتكلم امعايا ...خليك كمل هدرزة امعاها باهي 😤
صكرت هديل المكالمة في وجه صهيب ...وهيا متنرفزة ...وتبي اتموت وتعرف مع من كان يحكي 😤💔
صهيب هز رأسه ..وتعصب ...خش على أحسابه غير الباسورد امتاعه ...ونهى المحادثة مع هبة ...وبعدين صكر فونه وطلع من العمل 😡
هديل قعدت في نار .. تبي تعرف كل شي بسرعة ... ولانها تسرعت في ردة فعلها ...ماركزتش في اسم البنت ولا اي شي ...ولما هدأت اشويا و تذكرت ..حاولت اتخش لخاص من جديد ...بس صهيب كان مغير الكود ...وهيا زادت تعصبت منه أكثر 😤
