#رهائن_الماضي
#الحلقة_11
نضال فتح الباب لاقى نرجس : 😳😳
نرجس ابتسمت وخشت : باهي اللي مازلت نايض ..نبيك في موضوع ☺
خشت نرجس ...ونضال ايشوفلها بصدمة ..وصكر الباب .
نرجس خشت وعنان اول ماشافتها تبي تهرب قبل اتشوفها نرجس
نرجس يدها في نصها : وين ماشية انتي ؟ ..خليك نبيك حتى انتي ياروووحي 😏
عنان وقفت 😰😰😰
نرجس : نبيكم انتم لاثنين يازوج العصافير 😏
عنان قريب اطيح من لاحراج 😣..ونضال أبتسم وطبس
نرجس : عشان موضوع شهد ...بس مانبيش حد غيركم يعلم بشي
نضال : موضوع شهد ؟!!! شن قصدك ؟؟
نرجس : أنا عارفة أنك برئ من كل الكلام اللي قالته عليك نجلاء
نضال ساكت
نرجس : بس برضوا عارفة ليش نجلاء شكت فيك اول واحد😏 ...لكن هذا مش موضوعنا ..لاني نعرف انك مش أنت سبب اللي صار مع شهد
نضال ملامح وجهه تغيرت ...وارتبك ..بس تماسك قدام عنان
نرجس شافت لعنان : شن قالتك شهد ؟؟
عنان هزت رأسها : ماقالت شي ..حاولت انخليها تحكي بس البنت خايفة
نرجس : يعني ماقالتلك شي بكل ؟؟
عنان : ماقالت شي ..بس ..بس ..اا
نرجس عقدت حواجبها : بس شنو ؟؟
عنان منحرجة ..اتشوف لنضال ...وطبست : لما سألتها على نضال ..هزت راسها لا بمعنى أن اللي صار مش من نضال
نضال شاف لعنان زين ..وهيا خشت في بعضها 😣
نرجس : تمام هذه خطوة كويسة ...المشكلة حتى أنا مابتش تحكيلي شي ...غير تبكي وخلاص الفرخة 😒
عنان : حرام البنت خايفة
نرجس : فاهمة ...وهذا ليش مانبيش نضغط عليها توا ...بس لازم اتساعدوني عشان نعرفوا من دار هكي في شهد
نضال : ماعليش ...بس شن مخليكم اتفكروا ان شهد صار معاها شي من حد ...قصدي ممكن اتكون طاحت من الدروج بروحها
نرجس : مستحيل ..البنت قاعدة واضحة أنها مرت بصدمة ..وخايفة من واحد
عنان : صاح حتى انا حسيت عليها خايفة من حد ...وبصراحة أنا شاكة في حد من عائلة خوالها ..بس مش عارفة من ؟؟
نضال : خوالها ؟!! من فيهم ؟؟
عنان : مانعرفش ..بس لما سألتها عن خوالها البنت جتها حالة غربية وقعدت غير تبكي وترجف ..حسيت انها خايفة من واحد من خوالها ..بس ماقدرتش انزيد عليها اكثر من هكي
