#رهائن_الماضي
#الحلقة_15
وقفت سيارة هيثم ...ومروان طلع ركب امعاهم ..ونضال ايشوف فيه يتعارك امعاهم ويحرك في يديه بعصبية ....طلعت سيارة هيثم من الشارع
نضال نزل قهوته بسرعة : عطيني مفتاح سيارتك
قريبه : ليش ؟؟
نضال : عطيني بسرعة بس
قريبه عطاه المفتاح ...ونضال ركب السيارة ولاحق مروان في سيارة هيثم 🔥
مشوا مشوار ...لعند وقفوا في مكان ...عند مزرعة ...وفيها دار وملحق ...والشباب اللي مع هثيم ومروان في السيارة شكلهم شافوا سيارة نضال وراءهم
بعد وقفت السيارة ...نزلوا منها كلهم ...ومروان وجهه الوان ..ومتحشم من نضال ...ومطبس
نضال وقف السيارة ونزل عليهم : السلام عليكم
هيثم : وعليكم السلام
نضال شاف لمروان : شن ادير أنتا هنا ؟؟
مروان شاف لهيثم وقرب من نضال : وأنتا ليش تلحق فينا ؟؟
نضال : شن يبوا فيك جايبينك هنا ابروحك ...وأنتا ليش ماتعلب مع اعيال من عمرك ليش؟؟
مروان : مانبيش نلعب أنا كبير ومانيش اصغير
نضال قرب من مروان ويحكي بصوت واطي : مادامك كبير وراجل ..معناها بنقول لجدي شن شفت يومتها ...وأنتا خلك راجل وأحكيله من دار فيك هكي
مروان وجهه انصفر وقعد يرتعد : شن دخل جدي توا ..شن دخله 😰
نضال : لاني عارف ماتخافش الا منه ...وأكيد جدي بياخذك لدكتور يكشف عليك
مروان اعيونه دمعوا : شن تبي مني انتا ...شن تبي ..خليني في حالي
نضال : اركب السيارة هيا
مروان سكت 😥
نضال فنص فيه : قتلك أركب 😡
مروان شاف لهيثم والشباب ...ومشى لعند السيارة فتح الباب وركب 😥
نضال شاف لهثيم والشباب اللي معاه بنظرة تقزز ...ومشى ركب السيارة ...لف بيها وطلع من المزرعة
مروان مطبس : تبي اتقول لجدي 😥
نضال يسوق وساكت 😑
مروان : باهي خليني انفهمك قبل
نضال : أسكت توا ....لما نوصلوا للحوش ايصير خير
مروان 😥😥
.
.
.
.
.
عنان خشت للمطبخ ..وهيا ترجف وخايفة : حي عليا ...حي عليا ...هذا شن جابه توا هنا ...ياربي ...ياربي أستر عليا ...حي كان قال لنضال حاجة 😰
عنان تبرم في المطبخ وتبي اتموت ...هيا تعرف حاتم قريب عيت جدها ...بس عمرها ماتخيلت اتشوفه مع نضال ....لاا وهوا شافها 😰 يعني أكيد بيحكي لنضال او يسأله عليها ...وقعدت تأكل في بعضها وتدعي ربي ايعدي اليوم على خير 🤷🏻♀️
.
.
.
.
.
نضال ومروان وصلوا للحوش ونزلوا ..ومروان جاء قرب من نضال : شن تبي ادير 😥
