#رهائن_الماضي
#الحلقة_13
نضال واقف مصدوم من اللي شافه 😰 ...سروال مروان من لاوراء كله دم 💔
لاحقه بسرعة ...بس مروان لاقى مصطفى راد باب الحوش بعد طلعته ...خش على طول وصكر الباب قبل مايوصل فيه نضال
نضال وقف حاير ..مش عارف شن ايدير ...مع رنت فونه ..لاقاه صهيب : الو
صهيب : نضال وينك ؟؟
نضال : في الحوش ..ليش ؟؟
صهيب : تعالى نبيك برا
نضال : قصدك أنتا روحت من خوالك ؟؟
صهيب : اها روحت امبدري اشويا ...تعالى نبيك
نضال : هيا طالع
طلع نضال لاقى صهيب في سيارته ...مشى ركب معاه
*****************(( الكاتبة أم ناصر ))
هديل بعد طلع صهيب صكرت الباب ودمعتها على خدها
أسيل طلعت عليها : شن يبي
هديل دفتها من طريقها : كله منك ..ترا حولي من قدامي 😤😭
أسيل : تي هذه كنها ؟!!
وخشت وراء أخته ...وهديل قمعزت على سريرها تبكي 😭
أسيل واقفة على الباب : عليش تبكي ..شن قالك ؟؟
هديل : صهيب عرف شن درتي ..وجاء ايهزب فيا ..ونهى كل شي 😭
أسيل : قصدك شن درنا ...حتى أنتي كنتي امعايا ماتنسيش .
هديل : أنا في شنو والا شنو ...اقلبي وجهك عليا 😤
أسيل خشت لدار وقمعزت مقابلها : صهيب من وين عرف ؟؟
هديل : منها أكيد ...كان عند خواله
أسيل : منك أنتي تستاهلي ...من اول ماغير الكود امتاعه سكتي ...وكنتي عارفة انه يدوي مع بنت
هديل : أنتي عارفة صهيب اخلوقه ضيقات وبسرعة ما
يعصب ...ماكنتش نبي انزيد عليه ...وهوا حلف ان مافيش بينهم شي
أسيل : ولما مافيش بينهم شي ..ليش زعلت منه وصكرت عليه لما عرفت انه خاطب ؟
هديل : مانعرفش ..مانعرفش 😭
أسيل : اتزعمي الكبد اصلك ...المفروض اااا....
فونها ايرن شافته ..وكان رقم البنات اللي تعرفت عليهم على البحر ..صبت : مازلت ماكملت امعاك ...انشوف المكالمة وانرد عليك
هديل : ترا خاطيني . اللي عليك درتيها وخربتي بينا 😭
.
.
.
.
أسيل طلعت وردت : الو
البنت : اهلين ...شن اخبارك؟
أسيل : تمام والله .. شن اخباركم انتم ؟
البنت : الحمدالله بخير ...شن اخبار العيلة ؟
