#رهائن_الماضي
#الحلقة_16
ماعليش لو في أخطأء املائية ما لاحقتش انعدل
طلع محمد معصب ...وأمال واعيالها وراءه ...وتبكي من غير صوت 😭💔 ركبوا امعاه ...ومشى نزلهم عند هلها
نزلت ومحمد نزل الشنطة حطها عند الباب ...وركب سيارته وعدا من غير اي كلمة 💔
أمال تبكي ودقت على الباب ...فتح صلاح الباب : اهلاااا
أمال مطبسة وخايفة من صلاح : اهلين
وخشت هيا والعيال ...ودخلت الشنطة ...وصلاح اول ماشاف الشنطة ...شاف لوجه أمال ..ولما عرفها تبكي ...تنهد وبرم خش قدامها
أمال عارفة صلاح مش حايعجبه اللي صار ...وانها جاية زعلانة من محمد 😥
خشت على أمها ....واعيالها خشوا مع اعيال صلاح جوا
صلاح خش وقف على الباب : كنك ...شن صاير 😑
أمال اتحول في عبايتها : معاش نبيه 😥
صلاح : نعم ؟!!
أمال قمعزت جنب امها خايفة : زي ماسمعت ...معاش نقدر نتحمل انعيش امعاه ...محمد مايصلحش بيا😭
صلاح : لا اله الا الله ...شن صار وعليش تبكي ...شن خطر عليك اليوم بعد كم سنة ...توا طلع ماينفعش 😡
أمال ترجف من الخوف لانه صلاح عصبي وهيا ديما تخاف منه : أنا ليا زمان متحملة طبع محمد وعصبيته ...بس الموضوع زاد عن حده ...غير أنه خشش الحرام لحوشي 😭
صلاح قرب منها : حرام ؟!! ..شن قصدك ؟ شنو اللي حرام ؟؟
أم امال : ياولدي بالله عليك أهدا اشويا خلي نفهموا من أختك
صلاح : مازلت هادي ونحكي امعاها ...ونبي نفهم محمد كنه ...شن داير ؟؟
أمال : محمد ايخون فيا ...ومخشش الحرام لحوشي 😭
صلاح : وأنتي من وين عرفتي ...شفتيه بعيونك الكلام هذا ؟؟
أمال : لا ماشفت شي ...لكن عندي أحساس ايخون فيا
صلاح : انا مانعرفش احساسي ما احساسي ....شفتيه بعيونك ...او سمعتيه ...او القيت اي شي خلاك اتشكي فيه
أمال : لا 😭 ..لكن محمد معاش يبيني خلاص
صلاح : هوا قالك معاش نبيك ؟؟
أمال : ماقال شي ....لكن ياصلاح المراة اتحس بزوجها لو ايخون فيها او معاش يبيها 😭
صلاح : بالله فكيني من لاقطاف الفاضي ....أحساس ما احساس كلام صبايا مايمشيش امعايا 😑
أم أمال : الله يربحك بالشويا على أختك ...وأكيد مافيش دخان بلا نار
صلاح : أمي الله والنبي ريحيني ....توا نمشي لراجل شن انقوله أنا ...أنتا اتخون في أختي ومعاش تبيها ...لانها اتحس هكي الهانم ...راه والله كلام مايخش العقل 😤
