#رهائن_الماضي
#الحلقة_17
أسفة على التأخير ..ولو في أخطاء أملائية
نورا صبت وقربت من نرجس ترعش وحالتها حاله : نعم 😥😣
نرجس : اتصلي بيه ...وعطيه موعد اتلاقي بيه
نورا فتحت فمها : شنو ؟؟ 😰
نرجس : زي ماسمعتي ...كلميه واتفقي اتلاقي معاه بكرا بعد لامتحان في اي مكان كنتوا تمشوله من قبل 😒
نورا اتشوف لنرجس ومش فاهمة شي 😰😰...🤷🏻♀️🤷🏻♀️
نرجس : بكرا كم عندك فقرة ؟؟
نورا : عندي وحدة بس
نرجس : تمام ...بكرا بعد اتكملي حنقول لنجم أنك مروحة معايا
نورا : شن تبي اديري ؟ 😰
نرجس : مش شورك الكلام هذا ...توا عدي للحوش كملي قرايتك ...وبكرا انفهمك كل شي
نورا : أعميمة الله يخليك راه هلي يسمعوا الموضوع يقتلوني 😥
نرجس : ياريتك خفتي من هلك ودرتي احسابهم قبل ما تتطلعي معاه وتبيعي روحك
نورا : غلطة وحق ربي نادمة عليها موت 😥
نرجس : الندم معاش ينفع توا ....غير إن شالله نقدروا انصلحوا الغلط ونستروك
نورا نزلت رأسها وادموعها نزلوا ...ومشت طلعت ....روحت للحوش ...وحتى لاقرايه ماقدرت اتركز فيها ...الخوف والندم كلوا قلبها 💔
.
.
.
.
.
ثاني يوم الصبح نورا مشت مع نجم للمدرسة ....نرجس الساعة عشرة طلعت من الجامعة ركبت سيارتها ..واتصلت بنجم
نجم في العمل : الو
نرجس : خير ...شن أخبارك ؟؟
نجم : كسسسسسساد
نرجس : أنتا اتكسد أنتا ؟ 😒 والله مانظني
نجم : والله راني طيب ونيات بكل ...غير هوا اللسان فالت مني 😁
نرجس : ههههههه
نجم : شن أخبارك أنتي ...مافيش شي في الطريق 😁
نرجس : شنو اللي في الطريق ياقليل الادب ...غير أنشوفك بس 😤
نجم يتمتم : ااااخ اخسارة هاذك الثلاجة اللي كانت معبية مكسرات وعسل
نرجس : شنو ؟!!🤨
نجم يضحك : هيا قولي شن تبي مني ..راهوا جيعان والخيوط عندي تلامسوا وقعدت غير نخرط ونفترش في الكلام 😂
نرجس : تعرف مش فاضيتلك كان ما هذا نعطيك على رأسك 😒
نجم : لا والله خلاص جديات ..نعم يامرات عمو 😁
نرجس : اسمع مافيش داعي اتجيب نورا من المدرسة اليوم نبي نخطم عليها ناخذها معايا للسوق
