#رهائن_الماضي
#الحلقة_20
نضال ناض ومالاقاش عنان ...وطلع من الحوش ايدور فيها ....بس لما طلع ...سمع صوت سيارة وقفت عند الحوش ..وصوت كلاكس ...طلع للشارع وشاف للسيارة ....ولما نزل صاحبها ...نضال قلبه وقف ...والدم جمد في عروقه ...وخش بسرعة وصكر الباب 😰😰
.
.
.
قعد يصنت ...سمع جارهم والراجل اللي معاه ايخبطوا في الباب ايحاولوا يفتحوه ...والباب لانه من زمان مصكر ...طول مانفتح ...وبعدين انفتح وخشوا للحوش ...غابوا فترة ...ونضال مازال واقف في السور يسمع ... جارهم والراجل طلعوا من الحوش وصكروا الباب ...ويهدرزوا عند السيارة ...وبعدين ركبوا وعدوا ...ونضال فتح الباب وطلع بالشويا شاف للشارع مافيش حد ...تنهد بتوتر ...وخش صكر الباب .
.
.
.
.
بس طبعا قعد خايف ..ويخمم ...هذا شن جابه توا ...شن خطر عليه بعد كل هالسنين ايرد لليبيا ...زعما رجعوا كلهم ...والا غير هوا ...ياوالله حالة يانضال ...أكيد رجعوا كلهم ...شن يبي ايجي بروحه ...ربي يستر ...ربي يستر
.
.
.
.
وهو مازال واقف ويفكر ...سمع صوت اعياط عنان ...وهرجة في حوش عمه أيمن ...مشى بسرعة ايشوف شن في 😰
.
.
.
.
.
عنان ترفع في الحاجة رابحة ...وهيا كأنها ميتة 💔 جسمها ثقل ..وأغمى عليها ...وقعدت تبكي واتعيط
ومحمد منفجع ايحاول ينوضها ...بس من غير فائدة ...ونرجس صبت بتعب وتبكي ...قربت منهم ..بس محمد فنص فيها : خليك بعيد منها 😤😡
نرجس : 😒😒
.
.
نضال خش يجري لاقاهم يرفعوا فيها : كنها .. شن صار ؟
محمد : تعالى يانضال ..تعالى ساعدني نرفعوا أمي للسيارة ..شكله ضغطها ارتفع
نضال قرب بسرعة وخذا مكان عنان اللي كانت تبكي 😭
رفعوها وطلعوا من الحوش ...وعنان ونرجس يمشوا وراءهم ...فتحوا باب السيارة وركبوها
ركب محمد يولع في السيارة ...وعنان خشت تجري تلبس في عبايتها
نضال شاف لنرجس وافقة على الباب وتبكي : كنها حني شن صار امعاها ؟؟
نرجس ماردتش ...هزت رأسها بس وادمعوها ينزلوا 😭
نضال قرب من محمد : استنى اشويا عنان تلبس
محمد حالته غريبة و وجهه أحمر : بسرعة ..أنا طالع بيها وأنتوا الحقوني
وشيط السيارة بسرعة ...ونضال مشى ولع سيارته ..وعنان طلعت من جوا تلبس في عباتها ومازلت في حالة صدمة
طلعت وعينها لما جت في عين نرجس ..برمت وجهها وطلعت برا 😒
نضال مقمعز في سيارته : تعالي هنا ...عمي محمد سبقنا على المستشفى
عنان ركبت وتبكي : بسرعة بالله عليك ...يانعليا ..ياربي 😭
نضال : طلع بالسيارة بسرعة : كنها ...شن صار ...كيف طاحت ؟؟
