البارت الثالث 3
رواية:- حصون آسري. ❤🩹❤🩹❤🩹.
بقلمي/ جميلة اكتوبر. ❤🩹❤🩹❤🩹❤🩹❤🩹❤🩹❤🩹❤🩹❤🩹❤🩹
جه اليوم اللي المفروض ابقي عروسة و ابقي مبسوطة و لا هاممني حاجة خالص بس للأسف اتحول اليوم السعيد الي يوم بتمني اني مش اشوفه بس للأسف لازم أواجه اليوم ده و قررت اني مش اهرب جه الليل و قعدت في اوضتي فوق و لبست فستان فرحي بس للأسف مش حسيت بكدة حسيت اني لابسة بدلة الإعدام و اني زي المحكوم عليه بالاعدام و خايف يوم إعدامه ياجي أنا كنت زي كدة مش كنت لابسة فستان فرحي بالعكس انا حاسة أن انا لابسة فستان نهاية حياتي وانا فوق لوحدي و صوت الزغاريد تحت مالي البيت كله وانا فوق بقاوم دموعي من انها تنزل لاني مش ضعيفة .
سمعت صوت أبويا و هو بيسأل عليا و بعدين لقيت صوت شخص طالع علي السلالم و فتح باب اوضتي و لقيته بابا دخل و قفل الباب علينا بالمفتاح و قالي
محمد :- انتي لازم تهربي دلوقتي حالا سامعة
إليان :- لا يا بابا أنا مش ههرب مستحيل اكون السبب في انك تموت انت و ماما مستحيل .
محمد :- لا اسمعي الكلام و اهربي ارجوكي يا بنتي انا مش عندي استعداد اني اخسرك يلا قومي حالا غيري الفستان ده و البسي اي فستان غيره و اهربي روحي مكان ما عايزة تروحي .
إليان :- لا انا قد كلمتي يا بابا وانا مستحيل اكسر كلمتك و احرجك قدام الناس في البلد اللي مش اعرف اسمها دي .
محمد :- البلد دي اسمها قنا اديكي عرفتي الاسم و بلاش تهتمي بالناس و بالكلام بتاعهم بالله عليكي يا بنتي .
إليان :- أنا مستحيل اكون السبب في اني اشوفك بتتزل لغيري أو غيري يتهمك بحاجات مش كويسة .
أدرك محمد قيمة ابنته و قبل جبينها وقال
محمد :- أنا اسف يا بنتي سامحيني اني كنت السبب في الجوازة دي .
إليان :- لا متقولش كدة أنا طول عمري مسمحاك و هفضل اسامحك .
طبعا مش هتصدقوني لو قلتلكم أن بابا كان بيكلمني وهو بيبكي و أنا أول مرة في حياتي اشوف بابا بيبكي كدة و خايف عليا حقيقي الأهل اكبر نعمة و رزق من ربنا فبلاش نفرط فيهم .
طبعا جه الوقت اللي المفروض انزل عند المأذون علشان نكتب الكتاب و نزلت وياريتني ما نزلت وقتها نزلت و شوفت عيون فرحانة و عيون زعلانة و عيون شمتانة فيا و غيري الحاقد عليا و اللي كارهني حقيقي كانت مشاعري متذبذبة و كنت زي الشخص المتردد اللي مش عارف يعمل ايه دخلت عند المأذون ولقيت جنبه واحد طويل بصراحة أنا مش بصيت عليه كويس لاني اتكسفت جدا و غير كدة مش حابة اشوف شكله .
قعدت جنب المأذون و كتب الكتاب و خلص اللي المفروض اقول عليه فرحي و سمعت صوت رجولي بيقول انتهينا كدة مبروك يا عروسة يلا بينا بقي علي بيتنا يا عروسة قال اخر جملة ليه بسخرية و استهزاء وانا اتضايقت بس مش رضيت ابص عليه و فجأة من غير اي مقدمات مسك ايدي و مشي بيا و خرج بيا برة البيت خالص و ركبني عربيته ومش اداني فرصة حتي اسلم على اهلي اخدني زي الأسيرة عنده اخدني لحصونه و تعذيبه .
بعد مرور ساعة كنت أنا قاعدة جنبه في العربية و هو كان بيسوق و محدش فينا اتكلم خالص حتي قال هو .
ايان :- احم انا اسمي ايان الالفي و اظن انك.عارفة اني زوجك صح.
إليان :- اه زي ما سمعت كدة انك زوجي يعني ممكن اطلب منك طلب .
ايان :- اتفضلي
إليان :- ممكن اول نوصل لا اعرفك ولا تعرفني .
ايان :- ازاي مش فاهم وضحي اكتر .
إليان :- يعني انت عارف ان كل شخص فينا مش بيطيق التاني و مجبور علي الجوازة دي يعني اول ما نوصل أنا ليا اوضتي وحضرتك ليك اوضتك .
ايان :- أنا متفهمك جدا بس يعني مش اتعرفنا علي بعض .
طبعا اتعرفنا علي بعض و اضطريت ارفع وشي و أكلمه و ياريتني ما رفعته ما علينا اسمه ايان الالفي مالك شركات الالفي للفاشون و التصميمات ومن الشركات الناجحة اللي مكسرة الدنيا و هو من ضمن الشركات المنافسة لشركات بابا. ايان بشرته بيضة و عيونه حادة سوداء و شعره اسود غامق عنده غمازات و أنفه مستقيم طويل و عنده جسد رياضي و عضلات و عنده ٢٨ سنة و وسيم جدا و غني كمان و هو مش عايش مع أهله في الصعيد بالعكس هو عايش في القاهرة لأن شغله كله هناك بيرجع الصعيد إجازة و يسافر تاني .
بصراحة أنا ندمانة اني بصيت لانه جامد و حليوة بصراحة وانا وقعت من اول ماشوفته نرجع لموضوعنا.
بعد وقت طويل وصلنا للقاهرة و ركن عربيته قدام قصر كبير و فخم و جميل نزل و فتح ليا الباب و مسك ايدي و دخل بيا قصره و كان اجمل بكتير من جوه و نادي علي الدادة.
ايان :- دادة جميلة يا دادة
دادة جميلة :- نعم يا بيه نعم
ايان :- دي مراتي إليان .
دادة جميلة:- اهلا يا هانم اهلا
ايان :- لو سمحتي يا دادة وريها اوضتها.
دادة جميلة:- حاضر
ايان كان طالع علي السلم بس وقف و أدار نفسه وقالي .
ايان :- إليان لو احتجتي حاجة يبقي تعالي الاوضة ليا عادي .
إليان :- تمام حضرتك .
دادة جميلة:- اتفضلي يا هانم معايا .
إليان :- لو سمحتي يا دادة بلاش هانم دي أصلها بتضايقني قوليلي يا إليان ممكن
دادة جميلة :- لا يا بنتي انا مقدرش انادي عليكي بأسمك ميصحش .
إليان :- خلاص وانا محترمة خصوصيتك ممكن تنادي عليا بأي اسم غير هانم .
دادة جميلة:- حاضر يا بنتي .
دادة جميلة اخدتني لأوضتي لا اوضتي ايه دا قصر مش اوضة يعني ماشاء الله الاوضة كبيرة جدا وفخمة و مش ناقصة حاجة خالص بس انا بصراحة مش حسيت براحة في القصر ده و كمان ده غير اني مستغربة نفسي جدا مش عارفة ليه فرحت لما ايان قال عليا مراته و فرحت اكتر لما ناداني بأسمي و قالي لو احتاجتي اي حاجة تعالي ليا الاوضة فوق لانه هو مش زي الناس التانية اللي تقولك لا اوعي تدخلي اوضتي و مش عارفة ايه بالعكس دا اداني حريتي .
نمت و مش حسيت بالدنيا ولا حسيت اني متزوجة اصلا خلص اليوم وما فيه من مشاكل و صحيت الصبح و غيرت هدومي و نزلت لقيت الفطار جاهز وايان مش قاعد سألت الدادة أن كان مشي قالتلي لا مش نزل لسه بصراحة قعدت مستنياه كتير وهو لسه مش نزل و خفت يكون جراله حاجة أو نزل ومحدش شافه فاضطريت اطلع اوضته و ياريتني ما كنت طلعت .
❤🩹❤🩹❤🩹❤🩹❤🩹❤🩹❤🩹❤🩹
ياتري ايه اللي حصل لايان خلي إليان اتصدمت و ليه هي ندمت لما طلعت ؟
و هل فعلا هيكون ايان ادي الحرية الكاملة ل إليان ولا بس دا وهم إليان عايشة فيه ؟
و هل إليان هتكون حبت ايان و حست معاه بالراحة ولا لأ ؟
و ايان حب إليان ولا هي مش فارقة معاه اصلا ؟
❤🩹❤🩹❤🩹❤🩹❤🩹❤🩹❤🩹❤🩹
هنعرف ده كله في الاجزاء الجاية إن شاء الله و يارب البارت يعجبكم و تفاعل علشان اكمل و ياريت تكتبوا ليا رأيكوا في الكومنتات اكمل ولا.
❤🩹❤🩹❤🩹❤🩹❤🩹❤🩹❤🩹❤🩹
حصون آسري ❤🩹🖤💔
بقلمي/ جميلة اكتوبر . ❤🩹❤🩹❤🩹❤🩹❤🩹❤🩹❤🩹❤🩹❤🩹❤🩹.
YOU ARE READING
حصون آسري 💜💜💜
Romanceكانت حياتها عبارة عن جنة حتي تحولت جنتها الي جحيم عندما علمت أنها سوف تتزوج من رجل لا تعرفه و أنها ستتزوجه من اجل مشاكل عائلية ولكن هل سيكون هذا الرجل عونا و سندا لها أم أنه سيقدم لها الإهانات و يتركها .
