حصون آسري 💜💜💜

البارت الثالث والعشرون 23
رواية:- حصون آسري ❤‍🩹🖤💔.
بقلمي / جميلة اكتوبر "Sona" .
🖤🖤🖤🖤🖤🖤🖤🖤.
طلعت أنا لقيت الدكتورة فوق في الاوضة بس قبل ما ادخل خبطت علي الباب و جاني الرد بالدخول .
الدكتورة :- اتفضل .
إليان :- السلام عليكم.
الدكتورة :- وعليكم السلام انتي بقي المدام إليان الالفي .
إليان :- إليان محمد لو سمحتي .
الدكتورة :- زي ما تحبي اعرفك بنفسي أنا الدكتورة اسماء و اللي هقوم بعلاجك إن شاء الله .
إليان :- تشرفت بحضرتك .
الدكتورة :- اوكي اتفضلي علشان الكشف .
بعد مرور فترة مش كبيرة الدكتورة كانت فحصتني .
الدكتورة :- أنا نفسي افهم مين الغبي اللي عمل كدة دا انتي مفيش فيكي حتة سليمة حتي وشك وارم .
إليان :- معلش بقي حكم و مفروض عليا بتنفيذه ولو مش نفذته فيها موت اغلي الناس عليا .
الدكتورة :- بجد انتي ازاي مستحملة ده .
إليان :- حضرتك الكشف انتهي .
الدكتورة :- اكيد .
إليان :- طيب سلام .
الدكتورة :- إليان استني كنت عايزة أقولك حاجة مهمة قوي .
إليان :- ايه تاني .
الدكتورة بتوتر :- بصي هو يعني ... اه خدي علاجك كويس و براحة شوية علي نفسك .
إليان بشك :- اممم تمام .
خرجت إليان ذاهبة خارج الغرفة و اتصلت الطبيبة علي أحدهم .
الدكتورة :- الو حضرتك .
.....:- ايه قولتيلها .
الدكتورة :- أنا آسفة مش قدرت اتكلم بس اديني الفترة دي و هعمل ليك كل اللي طلبته مني .
..... :- تمام اتمني كلامي يتنفذ .
الدكتورة :- اكيد مع السلامة .
نزلت أنا بقي لتجهيزات علشان المفعوصة اللي اسمها سارة هتتجوز جوزي و حضرت مع يمني كل التجهيزات بس الغريبة أن يمني كانت بتعاملني بحب اللي يشوف ضربها ليا امبارح مش يشوفها هي وبتعاملني بحب النهاردة حقيقي بدأت اشك في العيلة دي أن عندها انفصام في الشخصية .
مرت التجهيزات علي خير و مع كل زينة بتتعلق في القصر قلبي بيتحطم فكرة اني علي ذمة ايان الالفي و اني هحضر فرح جوزي و بجهز و أرتب القصر علشان جوزي ينبسط مع عروسته فكرة دمرتني كليا بس استحملت ماهو برضو ايان من حقه ينبسط و يعيش و يحب ماهو مش متجوزني عن حب لا ايان متجوزني اجباري علشان التار ينتهي علي سبيل حكم كبير عيلة الالفي بس كان حكم ظالم مكانش يعرف أنه لما انا اتجوز مجبرة علي الجواز حياتي تنتهي بالشكل ده بس انا مش هستسلم ولا هيأس ايان فرحه اخر الاسبوع الجاي يعني أنا معايا اسبوع بس أوقع ايان في حبي و اخليه يحبني واكسب جوزي و انتصر علي سارة دي بس هحتاج مساعدة و هدور علي مين يقدر يساعدني و لو مش لقيت هشتغل مع نفسي .
يمني :- ايه روحتي فين بقالي ساعة بنادي عليكي .
إليان :- معلش يا حماتي بس كنت سرحانة .
يمني :- بلاش تقولي حماتي دي تاني .
إليان :- زي ما تحبي .
يمني :- مش هتسأليني ليه .
إليان:- امال اناديكي ايه .
يمني :- طنط حلوة و السبب هتعرفيه قريب اوي .
إليان :- وليه ميبقاش دلوقتي .
يمني :- لو قولت دلوقتي هتضيعي فبلاش .
سبت يمني و مشيت لاني مش فهمت منها حاجة صحيح اني مش خلصت كل التجهيزات بس مش مشكلة أنا تعبانة جدا و جسمي هيموتني .
طلعت اوضتي في جناحي لاني مش حبيت اروح جناح ايان لاني بتخنق لما اكون في الاوضة هناك و خصوصا أنه بيخوفني لما يتكلم عن حقوقه أو لما يقرب مني حقيقي بتخنق لانه بطريقته دي بيحسسني اني مجرد لعبة يلعب بيها ولما يتخنق يرميها دا الاحساس اللي كنت أحسه مع ايان علشان كدة دايما بعافر أن ايان يقرب مني عن حب مش عن  رغبة بس خلاص أنا عرفت هوقع ايان ازاي في شباكي ولو مش عرفت يبقي هي طريقة واحدة مفيش غيرها اللي هتحل مشكلتي وهي اني اهرب من الحصون دي .
قاطع شرودي و تفكيري في خطتي صوت خبط جامد علي الباب و لما فتحت لقيتها...........
🖤🖤🖤🖤🖤🖤🖤🖤.
حصون آسري ❤‍🩹🖤💔.
بقلمي / جميلة اكتوبر "Sona" .
🖤🖤🖤🖤🖤🖤🖤🖤.
يتبع................. .