حصون آسري 💜💜💜

البارت التاسع والعشرون 29
رواية :- حصون آسري ❤‍🩹🖤💔.
بقلمي / جميلة اكتوبر "Sona" .
🖤🖤🖤🖤🖤🖤🖤🖤.
في اللحظة دي دخلت امي و الدكتورة معاها المكتب و اتكلمت امي و قالت اللي صدمني .
شروق :- اخوكي مات بقي مات و ارتاح .
إليان :- كفاية كذب انا شاكة و لحد الان بحاول اجمع كل الخيوط انا حاسة أن اللي جه قبل كدة معانا هنا و حاول يهدي الأمور بيني أنا و ايان اللي اسمه احمد ساعتها كلكم فضلتوا تبصوا لبعض و تبصوا عليا .
شروق بتوتر :- قصدك ايه يعني .
إليان :- قصدي انتي فهماه و اللي هو انكم كذبتوا عليا احمد مش يبقي اخو ايان في الرضاعة بالعكس هو صديقه المقرب ماشي بس مش اخوه هو احمد يبقي اخويا أنا .
محمد بصدمة :- وانتي عرفتي .
إليان :- بتحليل DNA قدرت أثبت أن احمد يبقي اخويا من ام تانية و كمان اللي زاد شكوكي لن كان بيعاملني بحب و ايان طبيعته بيغير علي اي حاجة تكون ملكه ليه مش غار لما أحمد مسكني من دراعي .
محمد :- وانتي عملتي العينة دي ازاي .
إليان :- سهلة روحت النهاردة الشركة و قابلت احمد في الشركة لانه نزل إجازة من شغله يومين تلاتة كدة و ماشي تاني فروحت اتكلمت معاه و لقيت شعرة من رأسه علي كتفه اخدتها من غير ما يلاحظ و طلعت علي المستشفي بعد الشركة و في طريقي أنا و جاية وصيتهم أن التحليل خلال وقت قليل جدا الاقيه طلع ة بالفعل اتصلوا عليا أنا و جاية في الطريق و عرفت كل حاجة. 
محمد :- بحييكي علي ذكائك فعلا بس ممكن بلاش تهور تاني .
إليان :- طيب دلوقتي احمد عايش و سارة حاولت تقتله هنثبت ازاي. 
شروق :- سهلة نخلي سارة تعترف بكل حاجة. 
إليان :- أيوة ازاي يعني .
محمد :- تعصبيها فتقوم تعترف بكل حاجة و تاخدي فيديو و ريكورد هي و بتعترف.
إليان :- طب ازاي .
محمد :- سيبي دي عليا و خلال وقت قريب اوي هنكون انتهينا من سارة دي. 
الدكتورة :- بس مش بالسهولة دي .
إليان :- ليه .
الدكتورة :- تفتكري هتعرفي تنجي بنفسك من حصون ايان و مامته .
إليان :- و ليه منحاولش و بعدين ايان قالي و اعترف بنفسه أن هو في صفي لما عرف أن بابا مظلوم و أن اللي قتل أبوه مش أبويا و عرف حقيقة سارة يبقي ليه لأ ليه مش يساعدني .
إليان :- طب أنا لازم امشي و إلا ايان هيقلق .
محمد :- ربنا معاكي .
إليان :- بخصوص المنافسة اللي بين حضرتك و بين ايان .
محمد :- خير .
إليان :- أنا هبدل الحسابات بتاعة ايان و اخليه هو يخسر و حضرتك تفوز .
محمد :- لا اوعي تعملي كدة .
إليان :- ليه .
محمد :- لا يا بنتي ابعدي انتي عن الحاجات دي كفاية مشاكل و انتي قد غضب ايان أنا حذرتك .
شروق :- اسمعي كلام ابوكي يا إليان .
إليان :- حاضر ..... يلا بينا يا دكتورة.... السلام عليكم .
مشيت أنا و الدكتورة رجعت قصر الالفي و دخلت لقيت ايان رجع و بيتكلم في الفون و معاه احمد قاعد جنبه .
الدكتورة طلعت علي اوضتها وانا اتجهت تلقائيا ناحية احمد اسلم عليه و اتكلم معاه لحد ما ايان يخلص الفون .
إليان :- ازيك يا استاذ احمد .
احمد :- اهلا مدام إليان .
إليان :- ممكن اسألك سؤال .
احمد :- اتفضلي .
إليان :- عندك أهل و اخوات .
احمد :- احم من ناحية اخوات لا مش عندي اخوات ومن ناحية الأهل فعندي أبويا بسمع عنه بس مش اعرف شكله .
إليان :- طب انت كنت متجوز قبل كدة .
احمد :- نعم حضرتك يعني في حاجة لكمية الأسئلة دي كلها .
إليان :- لا ابدا بس كنت حابة نتعارف .
خلصت جملتي و لقيت سارة داخلة واول ما شافت احمد وشها جاب الوان و طلعت بسرعة تجري علي اوضتها من غير ولا كلمة .
إليان :- طيب بالإذن .
احمد :- اذنك معاكي .
طلعت علي اوضة سارة وانا طالعة ببص علي ايان لقيته بيبص ليا بنظرة شر نتيجة غيرة معرفش من أمتي ايان بيغير عليا بس يلا خليني أخلص عيلتي من مشاكلها و بعدين اشوف حب ايان أن كان بيحبني ولا لأ .
طلعت علي اوضة سارة و لقيتها بتتكلم في الفون في البلكونة مش حست بيا لما دخلت لاني مش خبطت علي الباب اصلا بس سمعت اللي صدمني منها في الفون .
سارة :- بقولك انا مليت اوي ده طلع عايش مش مات و خايفة يقدم فيا قضية شروع بالقتل .
....:-.......
سارة :- لا بص أنا هحاول اخلي ايان يتجوزني بسرعة و يكتب ليا ثروته و اهاجر و اخلص زي ما نصبت علي احمد .
طبعا فرصة اعترافها جات ليا علي طبق من ذهب سجلت كل اللي قالته سارة و حفظت التسجيلات و طلعت بسرعة من الاوضة قبل ما تلاحظني .
جيت ماشية للجناح بتاعي لقيت ايد قوية بتسحبني و تزقتي في الاوضة .
اتخضيت و كنت هصرخ بس سكت لما ايد ايان كتمت صوتي و اتطمنت أن ايان اللي ساحبني و دخلني اوضة و خلاص بس كانت اوضة حلوة برضو .
ايان بغيرة :- ممكن افهم ايه اللي كنتي بتهببيه تحت ده .
ايان شال ايد من علي بوقي علي اعرف اتكلم .
إليان :- هببت ايه .
ايان :- ليه كنتي بتحاولي تتكلمي كدة مع احمد و ايه نتعارف دي .
إليان :- ممكن نبطل غيرة علي الفاضي لأن أنا عارفة كل حاجة ومش محتاجاك تمثل المسلسل الحمضان ده عليا .
ايان :- قصدك؟ .
إليان :- قصدي اني عارفة كويس أن احمد مش اخوك في الرضاعة احمد يبقي اخويا و اللي حاولت قتله سارة اه و بالمناسبة حبيبت القلب بتاعتك كانت عايزة تنصب عليك و للعلم برضو انا مكنتش واثقة فيك لما قولتلي أنا في صفك لأن تصرفاتك كلها مع سارة أثبتت ليا كدة .
شعر ايان بوخز في قلبه عندما قالت له تلك الحمقاء بعدم ثقتها به و لكن أظهر ايان علامات الثبات علي وجهه قائلا:-
ايان :- عندك دليل يثبت أن سارة مجرمة .
إليان :- اه .
ايان ببرود :- وريني .
سمعت ايان كل الريكوردات اللي سجلتها بس رده كان صادم ليا ووووووووووو...............................  
🖤🖤🖤🖤🖤🖤🖤🖤.
حصون آسري ❤‍🩹🖤💔. 
بقلمي / جميلة أكتوبر "Sona" .
🖤🖤🖤🖤🖤🖤🖤🖤.
يتبع ...................