حصون آسري 💜💜💜

البارت العاشر 10
رواية:- حصون آسري ❤‍🩹🖤💔 .
بقلمي/ جميلة اكتوبر "Sona"
(Sondos Morgan). 💕💕💕💕💕💕💕💕💕💕.
دخلت الحمام و فضلت ابكي بقهر علي حالي و علي اللي بشوفه من ايان يفضل يزعقلي و يناديني بأسم حبيبته و يقارني بسارة طول الوقت و يزلني بالتار اللي بابا السبب فيه و اللي محدش راضي يقولي عليه و كمان نفسي اشوف اهلي بس ايان مش راضي فضلت ربع ساعة في الحمام ببكي لحد ما عنيا ورمت من البكاء و فجأة سمعت صوت زعيق تاني بس غريبة المرة دي ايان كان بيزعق جامد جدا و طلعت اجري اشوف في ايه .
ايان بزعيق :- ممكن افهم هي راحت فين .
منة :- يافندم حضرتك معرفش أنا سبتها هنا تقوم بشغلها و روحت انا لشغلي .
ايان :- اه سيبتيها بقي و الهانم مشيت و سابت الشغل ماشي يا سارة .
إليان :- بس انا مش مشيت أنا كنت في الحمام.
ايان بحدة :- لا والله كنتي في الحمام و اخدتي ربع ساعة في الحمام  ما هو طبعا نفسك اهم من الشغل صح .
إليان :- لارد
ايان :- مش بتردي ليه ممكن افهم .
إليان :- حضرتك أنا أنا
ايان :- بس ولا كلمة علي شغلك بقي و مش عايز اسمع نفس و تراعي شغلك كويس و لو لمحتك مشيتي من مكانك انسي اللي هيحصلك بعدها يا حلوة و اظن انتي فهماني.
هزيت راسي بالايجاب علشان ده مجنون و يعمل اي حاجة علشان ياخد بيها حقه مني .
ايان دخل علي مكتبه و حسيت براحة شوية يا ساتر هم و انزاح أخيرا دخل المكتب ايان ده يعصب الواحد و يخلي الواحد يفرقع بسببه .
لقيت منة جاية عليا و بتقولي
منة :- انتي مجنونة انتي ازاي تمشي و تسيبي الشغل .
إليان :- اولا يا حلوة أنا مش مجنونة المجنون ده انتي ثانيا أنا مش مشيت و سيبت الشغل أنا دخلت الحمام و لأسباب خاصة بيا ثالثا لميها شوية علشان عارفة أن انتي اللي سخنتي ايان عليا علشان تخليه يزعقلي و يطردني و انتي تعرفي ترجعي السكرتيرة بتاعته تاني .
منة بتوتر :- ايه اللي انتي بتقوليه ده أنا مش عملت حاجة .
إليان :- اه انتي مش بتعملي حاجة انتي بريئة خالص و مش بتعملي حاجة خالص بقولك يا منة و قمت  خابطة ايدي علي المكتب جامد قدامي لدرجة المكتب عمل صوت و كل الموظفين انتبهوا لينا بس انا مش اديت اي اهتمام و كملت إليان:- بقولك يا منة لميها بدل ما والله اجيبك من شعرك تاني في قلب الشركة و انزل عليكي باللي في رجلي انتي واللي يشهدك عليكي أو يدافع عنك مفهوووم يلا غورييييي من قدامي جاتك غارة .
منة مشيت من قدامي و أنا بدأت في الشغل اللي عليا و خلصته و بعد ما خلصته لقيت ايان طلبني اروح ليه في مكتبه
إليان :- السلام عليكم
ايان :- و عليكم السلام بقولك يا لولو خلصتي الشغل .
إليان :- ايه لولو دي ما تحترم نفسك .
ايان بصلي بحدة و كأنه هيقوم يقتلني بس فجأة لقيت ملامحه اتحولت للبرود و بيقول .
ايان :- تعالي يا إليان عايزك
إليان :- خلاص والله آسفة مش هعمل حاجة تاني بس سبني في حالي بقي .
ايان :- لا مش كدة احنا هنضعف ولا ايه أنا عايزك اقوي من كدة لأن اللي جاي دمار يا لولو .
إليان :- تقصد ايه
ايان :- هتفهمي بعدين تعالي .
قربت علي ايان و فجأة سحبني ليه بغمضة عين و أنا مش حسيت بنفسي غير وانا علي رجليه و هو بيتكلم جنب ودني و بيقولي .
ايان :- لسانك ده هقطعه عن قريب يا قطتي و ضوافرك هقصها لأنها بقت بتعور مش بتخربش و بس .
إليان بخوف :- حاضر .
ايان بنبرة هادئة و كلها حنية :- متخافيش اهدي بس
حقيقي الكلمات دي كان ليها اثر عليا اني بطلت رعشة جسمي نتيجة الخوف ده و الخوف انزاح مني بس للاسف بتكملة ايان الجملة خلاني اترعب مش اخاف وبس .
ايان :- لسه الجاي كتير و هيطلع عليكي و كل اللي هببتيه النهاردة عقابه في البيت لما نرجع .
كل ده وانا قاعدة علي رجل ايان و فجأة أدار وشي ليه و بص في عيوني جامد و قالي .
ايان :- تعرفي عيونك حلوة بس البكاء مبينها وحشة مش كان في داعي للبكاء ده كله يا قطتي .
ايان كان بيقول كل ده و هو تايه في عيوني و عيونه مركزة علي شفايفي و كان هيقرب مني و أنا كنت تائهة في عالم تاني بس اللي قطع اللحظة دي و حمدت ربنا وقتها لما باب المكتب خبط و كنت لسه هقوم من علي رجل ايان بس ايان منعني و قالي خليكي بلاش تقومي .
إليان :- بس انا
ايان :- اتفضل
و كالعادة ايان قطع كلامي علشان مش اعترض علي كلامه و دخلت منة و انصدمت من منظري وانا علي رجل ايان وانا مش استحملت نظراتها ليا و تلقائيا خبيت وشي في حضن ايان .
أيان بأبتسامة علي ما فعلته اميرته:- خير يا منة .
منة :- مفيش يا فندم بس جاني اتصال لحضرتك من سليم بيه علشان الصفقة حضرتك.
ايان :- قوليله الصفقة موضوعها منتهي و أنا مش هقبل بيه في الصفقة دي ..
منة :- تمام حضرتك .
منة وقفت متنحة في منظرنا و مش مشيت .
ايان :- خير يا منة متنحة ليه أظن أنك خلصتي سؤالك مش كدة
منة بإحراج :- اه يافندم آسفة عن إذن حضرتك .
البنت الملزقة دي خرجت و أنا لسه راسي في حضن ايان و مش عايزة أخرج من كتر الاحراج و الكسوف بصراحة.
ايان طلعني برا حضنه و حاوط وشي كله بإيديه الاتنين و قالي
ايان:- ممكن اعرف مال اميرتي بتبكي ليه.
إليان :- ..........
💛💛💛💛💛💛💛💛
حصون آسري ❤‍🩹🖤💔.
بقلمي/ (Sondos Morgan).
💛💛💛💛💛💛💛💛.
يتبع ..........