حصون آسري 💜💜💜

البارت الواحد و العشرون 21
رواية :- حصون آسري ❤‍🩹🖤💔.
بقلمي / جميلة اكتوبر "Sona" .
🖤🖤🖤🖤🖤🖤🖤🖤.
خلصت كلام مع ايان من هنا و سمعت صوت زعيق تحت من هنا بس غريبة الصوت ده أنا اعرفه كويس و مش غريب عليا نسيت نفسي و رحت قمت بسرعة كنت هنزل تحت اشوف في ايه حتي ايان مسكني من ايدي و وقفني.
ايان بغضب مكتوم :- تسمحي تقوليلي رايحة فين .
إليان :- رايحة اشوف فيه ايه تحت .
ايان :- اه و ياتري مش شايفة نفسك لابسة ايه .
إليان :- أيوة ايه يعني ماله لبسي  بصيت للبسي و كملت علشان أتجنب غضب ايان .
إليان :- ماله لبسي ماهو اكيد مينفعش انزل بيه شوفت دايما ظالمني علشان لو كنت استنيت لحظة
ايان مقاطعا إياها :- لو كنت استنيت لحظة كنت هتلاقي أمة لا اله الا الله متنحة فيكي وفي جمالك جاتك البلا زائد انك كنتي هتبقي مفضوحة يا لولو .
إليان :- حقيقي أنا مش سمعت ولا كلمة من بعد جمالي ممكن تقول كنت بتقول بعد كدة .
ايان :- غوري من وشي و روحي غيري احسنلك .
إليان بدلع و حاوطت يداها برقبة ايان مما تفقدت سيطرة ايان بقولها :- بتغير عليا يا اياني .
ايان :- عارفة يا لولو لو مش مشيتي من قدامي دلوقتي ممكن اعمل فيكي ايه .
إليان بمياعة :- ايه يا اياني .
ايان بوقاحة  :- ممكن بلمح البصر اخد البرنوس بتاعي اللي لابساه ده و البرنوس يقع من عليكي عادي .
كلام ايان احرجني جدا و كسفني بس هو مش ادي اي اهتمام للي حصل و دخل اوضة الملابس يغير هدوم الحمام دي .
ايان مش كمل دقيقتين علي بعض و لقيته خرج و لابس تيشيرت بيتي ابيض و بنطلون اسود و خرج سرح شعره و رش برفانه اللي ريحته ملت الاوضة و جننتني معاها حقيقي الواد كان صاروووخ يعني وهو قرب مني و أنا ده كله متنحة فيه و عمال يفوقني وانا ولا هنا بس فوقت علي صوته لما قال .
ايان:- ايه مش كنت اعرف اني حلو كدة و بعدين مش وقته تناحة و فوقي كدة ولا تحبي افوقك بطريقتي
ايان قال اخر جملة بوقاحة و غمزة .
إليان :- طيب الصوت اللي بينادي و يزعق تحت ده غير اني أنا عارفة الصوت ده كويس و عايزة انزل بس مش معايا هدوم تقدر تقولي بقي أنا هلبس ايه .
ايان بتفكير :- امممم عندك حق ادخلي اوضة الملابس هتلاقي تيشيرت بتاعي لسه جديد لونه اسود بكم و واسع و معاه بنطلون بوي فريند اسود جديد برضو روحي البسيهم و انزلي .
إليان :- طب وشعري لأن هدومي في الغسيل كلها حتي الطرحة .
ايان :- يوووه يا إليان هتلاقي كل حاجة في الاوضة جوه جديدة بتاعتي البسيها و انزلي و التشيرت في طاقية البسيها و اوعي شعرة واحدة تبان أو حتي رقبتك بدل ما أولع فيكي .
إليان في سرها :- خايف عليا قوي امال مين اللي من شوية كان نازل فيا ضرب ربنا يهديك .
ايان خرج وانا روحت اوضة الملابس و بالفعل لقيت كل اللي ايان قالي عليه موجود لبست بسرعة و نشفت شعري و سرحته و لبست طاقية التشيرت و الحمدلله كانت الطاقية كبيرة و دارت شعري كله و رقبتي أما عن البنطلون مش اقولكم كان شكلي كان عامل زي الشحاتين و العيال الهفأ البنطلون كان واسع جدا و بينزل و طويل في نفس الوقت بس علي مين في خلال دقيقة كنت جبت حزام من بتوع ايان و ثبت بيه البنطلون و كفيت رجلين البنطلون و رفعته و عرفت اخليه مظبوط و مناسب عليا في اقل وقت و صاروخ نزلت علي السلم بسرعة لقيت الدنيا مقلوبة تحت و صوت الشخص اللي كان بيزعق من الاول كان صوت بابا .
ايان :- اهي نزلت .
محمد :- إليان روحي البسي اي حاجة و تعالي لانك هترجعي معايا .
إليان :- ببب .... ب.... بس يا بابا
محمد :- بس ايه
إليان :- هو يعني .
محمد :- تعالي قربي عايزك .
بصيت لأيان بنظرة خوف و مش قربت جامد من بابا لأن وقتها ايان كان خايف لبابا يشوف الكدمات اللي في وشي و ايديا و رجليا و جسمي كله نتيجة الضرب و أنا كنت عاملة حسابي وقتها و لابسة شراب طويل تحت الشبشب و مدخلة ايديا في جيوب التشيرت أو السويت شيرت زي ما بيقولوا و خافية وشي بالطاقية و حمدت ربنا اني واقفة بعيد شوية عن بابا لانه لو شافني مش هيرحم ايان .
إليان :- نعم يا بابا .
محمد :- اكيد هو اللي هددك و جابك علي هنا غصب عنك مش كدة .
إليان :- لا يا بابا أنا جيت هنا بنفسي و.
قاطع كلام دخول مامت ايان اللي كنت فاكرة اسمها دادة جميلة و هي طلعت أمه و اسمها يمني .
يمني :- وايه كمان يامرات ابني .
محمد بصدمة :- ي.... يمني... انتي لسه عايشة معقول .
يمني :- اه عايشة عشت بعد ما هربت من شرك عشت بعد سم شربته و عذاب دوقته وقتها عشت كل حياتي وانا هربانة من بيت عيلة الالفي و مستخبية علشان التار مش يأذي حملي ولا يأذي ابني .
محمد :- يعني ايان يبقي ابنك طب وليه تهربي .
يمني :- لانك انت و مراتك و بنتك السبب و حاولت بأقصي الحدود ابعد و ابعد ابني عنكم كلكم بس ابني كبر و بقي راجل و عرفته كل الحقيقة و أصر يرجع و يعرف أهله بنفسه و وقتها كبير عيلة الالفي حكم إن ابني يتجوز بنتك علشان تنتهي التار بس انا اهو بقولك يا محمد يا علي تارك انتهي مع عيلة الالفي بس مش انتهي معايا .
يمني خلصت كلام لقيت البشمهندسة نازلة بكل تناكة علي السلم كأنه سلم ابوها و بتقول .
سارة :- بالظبط كدة يا مرات عمي .
محمد :- سارة انتي برضو عايشة ازاي .
سارة :- اه سارة اللي حاولت تقتلها و برضو سارة اللي دمرتها و دمرت فرحتها يوم زفافها .
إليان :- بابا سيبك من كل ده أنا هسأل حضرتك سؤال واحد وعايزاك تجاوبني بكل صراحة .
محمد :- قولي .
إليان :- انت و ماما ليكم يد في التار ده و في كل المشاكل دي و ليه .
رد بابا كان صادم ليا ووووووووووو.
🖤🖤🖤🖤🖤🖤🖤🖤.
حصون آسري ❤‍🩹🖤💔.
بقلمي/ (Sondos Morgan).
🖤🖤🖤🖤🖤🖤🖤🖤.
يتبع................................. .