حصون آسري 💜💜💜

البارت الثالث و الثلاثون 33. 
رواية :- حصون آسري ❤‍🩹🖤💔.
بقلمي / جميلة اكتوبر "Sona". 
🖤🖤🖤🖤🖤🖤🖤🖤.
إليان :- لاني أنا اللي اصريت عليه أنه مش يقول حاجة .
ايان :- ليه .
إليان :- لاني كنت بعاني يا ايان كنت بعاني كنت طفلة صغيرة نفسي اتصاحب و اصاحب و يكون عندي أصحاب بس للأسف مش كان فيه لأن الكل كان بيصاحبني بس بهدف اني غنية و اني بس صحبة مصلحة يصاحبوني ياخدوا مصلحتهم و يمشوا ومش كانت أول مرة لا حصلت كتير و واجهتهم و اعترفوا و أنا اتدمرت و لحد الان بعاني و مش عندي أصحاب فلما كبرت و دخلت الجامعة مش صاحبت حد ولما اتخرجت و روحت الشركة مع بابا الكل كان فاكرني بنته و كانوا بيتقربوا مني بس علشان الفلوس حتي الشباب اللي هناك لحد ما اتخنقت و قولت للكل اني مجرد موظفة عادي و أن استاذ محمد يبقي بس معرفة قديمة و كدة و بياجي يوصلني معاه و كان الكل فاهم عني حاجة وحشة لحد ما بقيت اشتغل في البيت و اونلاين و ارسل التصميمات لابويا و هو يصممها بطريقته بس انا اللي بدي ليه الفكرة و تصميم ورا التاني و الناس فاكرة ابويا هو السبب و حصل علي لقب الكينج و ده كله أنا اللي يساعده بعد ربنا بس انا مش زعلانة بالعكس فرحانة لأن شركات بابا بتكبر و قرب يبقي بدل الشركة مقر و تصميماتي عجبت الناس و مش فيها عيب و اقتحمت السوق كله و أنا فرحت بس الاحلي اني مش بعاني واني بعيدة عن الكل فيعني معلش لو كنت برخم عليكم أو ضايقتكم أنا عارفة اني وحشة و أن مش ليا حق اني اعاملكم بكل عفوية كدة و اني احيانا بكون بجحة بس أنا مليش حد غير أبويا و امي و اخويا اللي من كام يوم بس عرفت اني عندي اخ بيكرهني و زوجي اللي ناوي يتجوز عليا و محسسني اني رخيصة و مش بيحبني أنا آسفة لأن قولت كدة بس الكلام جاب بعضه لاني فعلا أنا شخص متحبش و أنا كدة خلصت كلامي و عرفتوا حياتي و ايه السبب اللي خلاني ادي لبابا كل تصميماتي و ليه اللي في الشركة مش يعرفوا اني بنته علشان الكل طماع الكل بيتقرب مني علشان الفلوس و اللي كانوا قبلك يا ايان و اتقدموا كان اجمل بس رفضت لاني شايفة في عينيهم نظرة طمع شايفة حقد ليا شايفة كتير بس محدش شايف .
خلصت كلام و ببص حواليا لقيت احمد وشه احمر و الدموع متجمعة في عينيه و ايان اللي فقد اخر ذرة تماسك و جمود فيه و أنا عيوني كانت مدمعة .
إليان :- أنا آسفة اني نكدت عليكم يومكم بس انا لازم اروح اشوف شغلي .
احمد :- استني .
إليان :- نعم .
احمد حضني و بكي بندم في حضني و ايان اللي انسحب بهدوء من مكتب احمد بس هو كمان باين عليه الندم .
إليان بدموع :- ممكن اعرف انت بتبكي ليه دلوقتي .
احمد :- أنا آسف يا حبيبتي سامحيني مش كنت اعرف انك بتعاني كدة لوحدك أنا كمان بعاني صدقيني و بعدين سامحيني لاني كنت عارف من الاول انك اختي و مش قولت ليكي .
إليان :- انتوا بتبكوا ليه و ندمان علي ايه ده مشكلة ولا حاجة .
احمد :- الكلام ولا حاجة بس الفعل اهم حاجة و بعدين أنا من النوع اللي مش بحب اشوف اختي بتبكي ولا الدمعة تعرف طريق عينها غير دموع الفرح .
إليان :- يعني أنا افرق معاك .
احمد :- كتير و بصراحة كدة .
إليان :- ايه .
احمد :- انتي غبية .
إليان :- ليه .
احمد :- تفتكري ليه .
إليان :- أيوة استني انت ازاي بابا كان كاتب ليك ورثه و كنت بتشتغل .
احمد :- اولا أنا كنت بكره ابوكي ومش كنت ارضي اصرف من فلوسه علشان كدة نزلت اشتغل و جدي اقنعني بالعافية اني اقبل ثروته لحد ما اشتغلت أنا و امتلكت ثروتي الخاصة بيا .
إليان :- اه طب وانا ليه غبية .
احمد :- علشان سيبتي ناس زي كدة تأثر عليكي و تدمرك و علشان سيبتي زوجك و قارنتيه بالشباب اللي كانوا بيتقدموا ليكي اسمعيني يا إليان يا حبيبتي ايان ده مش هتلاقي زيه و أنا مش بكرهك و ايان بيحبك صدقيني ده مش بيحبك بس ده بيعشقك بس هو مش راضي يعترف و مستني بس كل حاجة تكمل و يعترف و روحي راضيه لانه زعل جدا من كلامك .
إليان :- حاضر .
سمعت كلام احمد و روحت مكتب ايان و دخلت بدون إذن لقيته بيبكي معقول ايان الالفي يبكي مش مصدقة عيني بس ده مش بكي زعل لا ده بكي ندم .
إليان :- اول مرة في حياتي اشوفك بتبكي يا ايان يا الفي .
ايان :- لا رد .
إليان :- رد عليا ايه السبب .
ايان وقف بكي و اتحول لغضب و قالي .
ايان بغضب :- بقي أنا محسسك انك رخيصة يا إليان و انتي تقارني بيني و بين الشباب اللي اتقدموا ليكي .
إليان :- وليه لا .
ايان :- يعني انتي شايفة كدة .
إليان :- اه يا ايان شايفة كدة لانك وقت ما تشوفني تقرب مني بس مش بحب لا بيكون رغبة و يوم ما سألتك هنا في المكتب بتحبني مش جاوبت عليا و أنا بقي مغفلة بسكت ليك ومش بتكلم تعرف ليه لاني بحبك لا انا بعشقك وانت دمرتني يا ايان بأفعالك دي معايا و انت عملت ايه مش مهتم بيا مهتم بالهانم التانية و بقارن بينك و بين الشباب دي علشان اعرفك بس اني أنا دلوقتي غير و اني مش بقيت اهم حد ولا حد يهمني .
ايان :- يعني أنا مش اهمك يا إليان .
إليان :- بالظبط .
سبت ايان و طلعت أنا علي مكتبي اشوف الموديل بتاعي و طلباته وصلت ولا لأ بس لقيت حاجة تانية علي مكتبي .
لقيت صندوق اسود صغير علي المكتب فتحته و لقيت فيه فلاشة لونها اسود صغيرة مسكتها احطها في الاب توب لقيت طلبات الموديل وصلت فرميت الفلاشة بعشوائية جنب اللاب و روحت اشتغل. 
فضلت ساعات طويلة وانا اشتغل و احاول أخلص في التصميم لأن خلاص العرض يعتبر باقي مر من الاسبوع نصه مر الوقت و كل اللي في الشركة مشيوا و ايان اضطر يمشي لانه جاله تليفون مهم و مش بقي غيري في الشركة كلها و الساعة بقت  ١١ و الوقت اتأخر جدا و تعبت و فرهدت و سيبت بقيت التصميم اكمله بكرة و روحت اجيب شنطتي لقيت الفلاشة اخدتها و جيت طالعة سمعت خبط في مكتب احمد لاني كنت ماشية من قدامه ففكرت أنه ممكن يكون احمد عادي في مكتبه لأن قبل ما ايان يمشي بلغني أن احمد هيوصلني و دخلت مكتب احمد و اتصدمت من اللي شوفته .
(بعد مرور ساعة ) .
(في فيلا عائلة الالفي) .
كان ايان عاد مبكرا جدا الي قصره و لم ينم بعد فهو في انتظار زوجته حتي تأتي و لكن كيف فالوقت قد تأخر جدا .
ايان :- اتأخرتي ليه يا إليان ياتري فينك و احمد فين .
حاول ايان الاتصال برقم احمد فكان الخط مشغول ولم يجيب علي اتصالاته فحاول الاتصال علي إليان ولكن كان هاتفها مغلق .
فجاء ايان لكي يخرج من القصر بحثا عنهم فوجد إليان تدلف الي القصر .
ايان بغضب :- حضرتك عارفة الساعة كام دلوقتي الساعة دلوقتي ١٢ و....
قطع كلامه صدمته عندما اقترب اكثر ناحية إليان و عيونه تتسع من هول الصدمة فقد كانت إليان تقف أمامه كالجثة الهامدة و ثيابها ملطخة بالدماء و وجهها يظهر عليه علامات الصدمة و الخوف .
ايان بصدمة :- إليان ايه الدم ده ومن فين .
إليان :- لا رد .
ايان بصراخ و جنون :- اخلصييييي قولي الدم ده من فين و فين احمد فين اخوكي اللي وصيته عليكي .
صرخت به إليان استيقظ علي آثره كل من في القصر سواء الخدم أو أمه أو سارة .
إليان بصراخ و بكاء :- أنا ضعت يا ايان ضعت كل حاجة انتهت خلاص .
ايان وهو علي وشك الموت من الصدمة فحقا صدمة عمره أنه ائتمن صديق عمره علي زوجته التي لم يمسها و هاهي الآن تأتي إليه في منتصف الليل و ملابسها ملطخة بالدماء و طرحتها و ملابسها يظهر عليهم بعض التمزق مثل الاعتداء و وجهها الذي يظهر عليه علامات الخوف و الرعب و عدم الاطمئنان .
ايان بنبرة علي وشك الموت من الخوف و القلق عليها :- ضعتي ازاي يعني و فين احمد و ايه اللي حصل بس قبل ده كله انتي لازم تاجي معايا عند اي دكتورة .
قاطعته يمني أمه قائلة صدمت إليان بقولها .
يمني :- ............. .
🖤🖤🖤🖤🖤🖤🖤🖤.
حصون آسري ❤‍🩹🖤💔.
بقلمي / جميلة اكتوبر "Sona" .
🖤🖤🖤🖤🖤🖤🖤🖤.
يتبع...................

(توقعاتكم ايه هيكون حصل في إليان و احمد و ايان ؟! ) .