حصون آسري 💜💜💜

البارت الثامن والثلاثون 38 و الأخير . 
رواية :- حصون آسري ❤‍🩹🖤💔.
بقلمي / جميلة اكتوبر "Sona" .
🖤🖤🖤🖤🖤🖤🖤🖤.
نظرات بابا ليا كانت غريبة بعد ما خلصت تصميماتي و يوم العرض عرضنا تصميمات بابا و ايان و اعجبت الكل بس تصميماتي اقتحمت السوق و الصحافة سألوا بابا .
شخص من الصحافة :- حضرتك كل التصميمات بتاعت حضرتك اعجبت الكل بس التصميم اللي شوفناه اخر اصدار اقتحم السوق و كان من شركات ايان هل ده يعني أن حضرتك و ايان لسه بتنافسوا بعض و الخلافات لسه موجودة بينكم .
محمد :- لا مين قال كدة .
الشخص :- محدش قال بس اللي بيحصل بيأكد لينا كدة .
كان اللي بيحصل قدام عيني بس انا تدخلت وقتها و قلت .
إليان :- اللي بيحصل عادي و بابا أبدع في تصميماته و كمان ايان فيعني ده مش ليك حق أنك تعمل كدة .
الشخص:- ده يعني أن الكينج ابوكي .
إليان :- لا .
محمد :- اه بنتي و الكينج مش أنا .
صدمة كانت علي الكل بس انا مش كنت مصدومة و عرفت اللي بيدور في راس بابا .
إليان :- بابا بلاش .
محمد :- لا لازم الكل يعرف .
محمد :- الكينج تبقي هي و التصميمات اللي شفتوها من طريقة كلامكم قصدكم أن تصميمات الكينج كانت من شركة ايان بس الحقيقية ولا انا ولا ايان اللي صممناها هي اللي صممتها بنتي إليان زوجة ايان الالفي .
الصحفي :- ايان متجوز و مش قال ليه و حضرتك ازاي سكتي و قبلتي علي نفسك كدة أن ابوكي ياخد لقب الكينج و انتي لا .
إليان :- أظن كفاية اوي اللي عرفتوه و اسألتكم خلصت تسمح تخلينا نمشي بقي .
طبعا الكل هيسأل ايان فين في ده كله هو وأحمد ايان مش كان موجود كان في شغل مهم مع شركة خارج مصر في مؤتمر راحه هو وأحمد بعد الاجتماع
روحت القصر بتاع ايان و دخلت اوضتي و ارتميت علي السرير لاني في حالة الصدمة أن بابا كشف المخفي بس يلا ما باليد حيلة .
مرت الايام و الكل اتأكد فعلا أن انا الكينج مش بابا  و بقيت مشهورة بالكينج مش بإليان و الكل حب يعمل معايا اجتماعات ايان اعترض في الاول بس بعدين وافق و بقيت اعمل مقابلات و اصمم تصميمات خاصة للشخص اللي يطلب .
و موقف ايان من ده كله أن أتعامل مع الوضع عادي يعني مش حس بغيرة لأننا واحد خسارتي خسارته و فوزي فوزه و هو و  بابا و احمد بقوا فخورين بيا و دعموني جدا و ايان بقي ليه مكانته هو و بابا و احمد في السوق و بقوا ينافسوا كل السوق و بدل ما كانت شركة بتاعت ايان بقت مقر اتحاد و الروؤساء أنا و بابا و احمد و ايان و خلينا المقر بتاعنا يكبر و مرت الايام و جه يوم فرحي أنا و ايان و احمد و اسماء .
إليان :- ايان هي الساعة كام معاك .
ايان :- انتي عندك عفريت بس يشوفني يقولي الساعة كام .
إليان :- اعمل ايه يعني ما انت بمزاج تاخد فوني و تدهوني بمزاجك .
ايان :- لاني زوجك .
ايان كأنه كان منتظر مني رد اني مراته علي ورق .
إليان :- مراتك أيوة بس لسه الفرح و غير كدة عايزة اعرف الساعة كام بطل رخامة وهات الفون .
ايان :- لا .
إليان :- يا ايان بقي .
ايان :- أنا قولت كلمتي .
إليان :- يعني الفون هياكلني مثلا .
ايان :- لا بس بحبك تفضلي معايا مش في الفون بتاعك و بعدين اصلا أنا اخدته لاني هجبلك واحد جديد يعني كنت بنقل كل المعلومات علي الفون الجديد بتاعك و خايف اوي يا إليان خايف لاصحي في يوم الاقيكي هربتي .
إليان :- بطل كذب انت مراقب الفون بتاعي اساسا و بعدين أنا  عمري ما اقدر اهرب يا ايان أنا مش جبانة علشان اهرب و بعدين لو كنت عايزة اهرب كنت عملت كدة بدري ما انت بتمشي تروح الشركة و تسيبني لوحدي في القصر .
ايان :- لاني كنت مراقبك يا قطتي .
إليان :- يادي الحصون دي .
ايان :- حصون آسرك لحبي .
إليان :- مش مهم موافقة ابقي أسيرة ليك و لحبك يا ايان و بعدين تسمح الفون بقي اشوف الفستان اتأخر ليه .
ايان :- فصيلة انتي غوري و الفستان وصل بدري اصلا و معاه الميكب ارتيست و كلهم في الجناح بتاعك .
إليان :- بتاعي أنا قصدك في اوضتي .
ايان :- أيوة .
إليان :- نهار ابيض امال أنا هنا بعمل ايه .
ايان :- لا يا اميرتي فوقي كدة و اصحي ده النهاردة مش اي يوم .
إليان :- عندك حق النهاردة مش اي اليوم حتي النهاردة الخميس يعني يوم حلو كدة أننا خلاص اخر الاسبوع .
ايان :- وايه المميز في كدة .
إليان :- اني بعرف انام براحتي و مش بيكون ورايا شغل .
ايان :- خمس دقايق تكوني عند الميكب ارتيست ده اسماء وصلت بدري و دخلت قبلك في اوضتها .
إليان :- طب الفووون بقي .
ايان :- امسكي و اول ما اخلص هبعتلك رسالة اشوفك خلصتي ولا لأ لأن محضر ليكي مفاجأة .
اخدت الفون و روحت اوضتي وانا متحمسة للمفاجأة اللي ايان محضرها ليا .
دخلت اوضتي لقيت الميكب ارتيست في انتظاري و بدأت تجهزني و بعد تلات ساعات كنت خلصت خالص و بصيت علي نفسي في المراية كنت زي الاميرات لا بل كنت زي الملكات كنت حاطة ميكب جميل و من النوع الفخم و لابسة فستان ابيض منفوش و بيلمع كدة كان جميل و رقيق من تصميم ايان و لفة الطرحة كانت تجنن و حطيت زي نقاب شفاف كدة غطي وشي كله فكان نص وشي بس اللي باين علشان ايان بيغير عليا جدا خلصت و لقيت رسالة من ايان بيقولي فيها .
ايان في الشات:- خلصتي يا اميرتي .
إليان :- أيوة يا اياني.
ايان :- طب انزلي انتي و اسماء مع بعض و السواق هياخدكم في عربيتي و تيجوا علي القاعة. 
إليان :- وليه مش تكون انت .
ايان :- اسمعي الكلام سلام .
ايان قفل معايا وانا زعلت حتي في يوم زي ده ايان مش هيوصلني بجد ايان ده غريب .
طلعت وانا متدايقة منه جدا هو وأحمد و خبطت علي باب اوضة اسماء مش رضيت تفتح طب دي اعملها ايه دي وانا متدايقة روحت داخلة من غير إذن بعد ما هي مش رضيت ترد .
دخلت لقيت اسماء مكسوفة و مدياني ضهرها .
إليان :- لا مش وقته كسوف لفي ياختي لفي و اديني وشك أنا إليان مش احمد يا سمسم .
أسماء :- امال احمد فين .
إليان :- أنا عارفة راح هو و الباشا معرفش فين في يوم زي ده و قال ايه ننزل أنا وانتي علشان ناخد عربيته و نروح القاعة .
أسماء :- تمام .
إليان :- هو انتي كنتي عارفة .
أسماء :- أيوة .
إليان :- ومش قولتي ليا ليه يا حيوانة .
أسماء :- هم الاتنين والله يا لمبي اللي حلفوني ما اقولك .
إليان :- شكلك مدوقتيش الشبشب بتاعي طعمه عامل ازاي. 
أسماء:-خلاص والله و بعدين انتي لابسة كعب عالي يعني مش شبشب .
إليان :- ممكن بشبشبك المرمي علي الارض ده عادي .
أسماء :- لا بس عدي اليوم و بعدين موتيني براحتك .
إليان :- بس ايه الحلاوة دي يابت .
أسماء :- دا من جمالك بجد انتي جميلة حتي من غير ما ترفعي الطرحة اللي علي وشك دي .
إليان :- قلبي يا سمسم .
أسماء كانت جميلة جدا كانت لابسة فستان من تصميم اشهر المصممين العالميين كان فستان ابيض ضيق من الصدر و واسع من الاسفل كانت جميلة جدا فيه و لفت الطرحة كانت جميلة جدا كمان و كانت لابسة الطرحة الشفافة دي علي وشها علشان تخبي وشها بسبب غيرة احمد و رفعنا الطرح دي من علي وشنا و شوفنا بعض حقيقي كنا روعة و فوق الخيال و اتصدمنا أننا حلوين بالشكل ده ماشاءالله علينا .
مسكنا أنا وهي ايدين بعضينا و نزلنا من القصر كله لقينا السواق في وشنا و اصريت أنا اللي اسوق و قولت للسواق اني أنا هسوق بعد تصميم كبير مني وهو يفضل و طمنته أن ايان مش هيكلمه .
أسماء :- دلوقتي يا فالحة انتي خليتي السواق في القصر و انتي مش تعرفي مكان القاعة .
إليان :- مش عليا .
أسماء :- قصدك .
إليان :- اسماء متحوريش عليا انتي لسه معترفة أن ايان و احمد قالوا ليكي كل حاجة يعني انطقي كدة بالهداوة فين مكان  القاعة ياروحي .
أسماء :- في******* .
إليان :- أيوة كدة احبك وانتي مطيعة و بتسمعي الكلام يا سمسم .
سوقت أنا الطريق كلها منكرش أن القاعة كانت بعيدة فاضطريت اوقف اجيب عصير .
أسماء :- وقفتي ليه .
إليان :- هنزل اجيب عصير .
أسماء :- إليان بطلي هبل و اركبي مش ناقصين مشاكل .
إليان :- أنا بتكلم جد و مشاكل فين ده .
أسماء :- انتي اتجننتي يا إليان يعني تنزلي و الفستان اللي انتي لابساه ده .
إليان بسخرية :- هقولهم كان فرح ابتسام بنت خالتي و كنت لابسة فستانها علي اساس اني العروسة . 
أسماء :- لا والله وهما يعرفوكي بطلي هبل و من اللي هتقوليه ده و اركبي . 
إليان :- أسماء مش عايزة صداع محدش ليه دعوة بينا و بعدين هكون جبت العصير هتلاقي أحمد و ايان جايين دلوقتي علينا .
أسماء :- يعني ايه خدي هنا أنا بكلمك إليان .
سبتها و نزلت اشتريت عصير تحت نظرات استغراب الناس ليا و لسه هشرب لقيت ايان و احمد وصلوا .
ايان بغضب :- انتي بتستهبلي يا إليان .
إليان ببرود :- انا مش عملت حاجة .
ايان :- لا والله اركبي مش عايز اتعصب عليكي .
احمد بحدة :- انتي عارفة انتي هببتي ايه .
إليان :- ايه .
احمد :- انتي كدة هتخلي الصحافة تعرف كل حاجة و نتفضح .
إليان :- لا من الناحية دي اتطمن يا زميل و الطرح اللي كاتمين بيها علي نفسنا دي بسبب غيرتكم مش مخلية حد يشوفنا اساسا .
احمد :- أسماء انزلي أنا من ناقص جلطة منها .
احمد اخد اسماء و ركبوا عربيتهم و أنا وايان ركبنا عربية ايان.
ايان :- اول واخر مرة سامعة .
إليان وهي بتشرب العصير  :- اوكي .
ايان شغل اغنية أنا بحبها و فضلت اغني معاها و اتمايل مع انغامها و ايان سرح في صوتي وفيا.
ايان وهو ممسك نفسه كي لا يفعل شئ:- اثبتي .
إليان برقة كادت تفقد ايان سيطرته :- حاضر .
وصلنا القاعة و كانت قاعة كبيرة و فخمة وراقية جدا و جميلة فوق الخيال و دخلنا و أنا كنت في قمة السعادة .
قعدت أنا وايان و احمد و اسماء قعدوا لأن حيلنا كان مهدود من السواقة و الخناقة اللي حصلت بينا بسببي بصراحة كنت قاصدة اعمل كدة زي ما قالوا لاسماء كل حاجة ومش قالوا ليا و استفزوني حبيت اعاندهم و اعمل فيهم زي اللي عملوا فيا  و بعدها بتلت ساعه قومنا فضلنا نرقص و أنا واسماء و مسكنا الميكرفون و غنينا سوا و بعدين جه وقت الرقص مع ايان و نزلت ارقص أنا وأيان سلو ( بنات اللي هو الرقص الرومانسي ده بس انا مش عارفة اقول اسمه او اكتبه ازاي افهموا انتوا بقي 😂) .
سرحت في عالمي مع ايان وانا برقص و كذلك احمد و اسماء و فجأة مش حسيت بنفسي غير و ايان شايلني و بيلف بيا وفي ضباب في القاعة و شماريخ و الكوشة ارتفعت بينا و اشتعل من حواليها نار و فضل يلف بيا و نزلني ايان و رقصنا و كان نفس اللي بيحصل معايا حصل مع اسماء .
كان يوم جميل جدا بجد و الصحافة كانت مغطية الفرح و نشرت اخبار الفرح واني أنا مرات ايان رسميا و اعترف بيا ايان و الفرح اتصور و كان تحفة بجد  و بعدها خلصنا الفرح و ركبت مع ايان و مشينا بس الغريبة مش روحنا علي القصر لا ايان مشي بيا من طريق تاني و لقيت احمد بعربيته ورانا و فجأة ايان وقف العربية و بصلي بجمود وقالي .
ايان :- ارفعي الطرحة دي من علي وشك .
إليان بخوف :- ليه .
ايان بحدة :- اسمعي .
إليان بدموع :- حاضر والله حاضر .
رفعت الطرحة من علي وشي و ايان انبهر من جمالي و لما شاف دموعي حضني و قالي. 
ايان :- انتي واثقة فيا شاكة اني ممكن ائذيكي يا اميرتي .
إليان :- لا .
ايان :- أنا آسف بس حبيت اشوف وش اميرتي .
بعدها ايان مشي بعربيته و وصلنا قدام أقل ما يقال عليها فيلا كانت جميلة و كبيرة جدا و مميزة كدة بطريقة خيالية و احمد وصل و نزل هو و اسماء و اسماء اتفاجئت زي .
إليان :- لمين دي .
احمد و ايان في صوت واحد :- دي لاميراتنا هنعيش فيها و هنقضي فيها شهر العسل .
إليان :- بس .
احمد :- امال كنتي عايزة ايه تاني .
إليان :- يعني خليك كريم و نعيش فيها علي طول .
ايان :- زي ما اميرتي تحب.
إليان :- واثقة أنها هتكون مكان جديد لحصون جديدة يا آسري .
ايان :- انتي هتفضلي في حصوني ومش هتخرجي منها ابدا يا اميرتي .
إليان :- احلي حصون .
دخلنا كلنا الفيلا و كانت اجمل بكتير اوي من جوة و أنا وايان روحنا لجناح الخاص بينا و اسماء  وأحمد راحوا للجناح الخاص بيهم .
( عند أحمد و أسماء ) .
احمد :- منورة .
أسماء :- بنورك .
احمد :- ادخلي الحمام هتلاقي هدوم البسيها و البسي الاسدال علشان نصلي .
أسماء :- حاضر .
دخلت اسماء الي الحمام و صدمت مما رأت وجدت ملابس أقل ما يقال عليها انها ملابس فهي تكشف أكثر ما تستر و لكن ما باليد الحيلة ارتدتها و لبست الاسدال و خرجت الي الركن الصلاة و ادت فرضها و بعدها سحبها احمد الي عالمهم الخاص بهم حتي أصبحت زوجته شرعا و قانونا .
( عند ايان و إليان ) .
ايان شالني لحد ما وصل بيا الاوضة و نزلني علي السرير و قالي .
ايان :- ادخلي هتلاقي هدوم في الحمام و إسدال الصلاة البسيهم و تعالي.
إليان :- حاضر .
دخلت و اتصدمت من اللي شوفته بقي دي هدوم يا ايان ماشي .
طلعت علشان اخد هدوم عدلة لقيت ايان في وشي .
ايان :- كنت واثق انك هتطلعي يا اميرتي فعلشان كدة وقفت ليكي ادخلي يا بت الناس أنا مش ناقص .
دخلت بسكوت و لبست القرف اللي ايان حاطه ده و لبست الاسدال و خلصنا صلاة و لقيت ايان بيبص ليا بخبث .
ايان :- ايه ما تقلعي .
إليان :- ليه هو انا مش محترمة يلا يا بابا من هنا .
ايان :- اوكي تعالي بقي اوريكي قد ايه أنا محترم .
إليان :- وريني .
ايان ساحبني للعالم بتاعه وهنا تسكت شهرزاد عن الكلام الغير مباح حتي أصبحت تلك العنيدة ملكا لآسيرها امام الله. 
صحيت الصبح لقيت ايان نايم وانا في حضنه مش عرفت اقوم بس لقيت ايان صحي و قالي .
ايان :- صباح الخير علي اميرتي .
غطيت وشي بكسوف منه لقيته بيسحب من عليا الغطاء و بيقولي .
ايان :- قومي يا اميرتي خدي شاور .
إليان :- حاضر .
ايان :- انتي صدقتي تعالي .
و ذهبا معا الي عالمهم حيث وجود عاشق و معشوقته .
( عند أحمد و أسماء) .
احمد :- ملاكي .
أسماء برقة :- نعم .
احمد :- انتي اتكلمتي نيلتيها .
أسماء :- ازاي .
احمد :- تعالي اقولك ازاي .
و ذهبا الي عالم عشقهم و حبهم سويا. 
خرجنا بعد فترة و حضنت اسماء و ايان حضن احمد و باركنا لبعض و نزلنا تحت و أنا و اسماء حضرنا الاكل و ايان و احمد كانوا بيتكلموا في الشغل. 
كنت بعمل الاكل و سرحانة بس قطع سرحاني اسماء لما قالتلي .
أسماء :- انتي ازاي عرفتي امبارح لما كنا في العربية أن ايان و احمد جايين .
إليان :- لأن ببساطة اكيد ايان اتصل علي السواق لانه كل شوية يتطمن عليا حتي وانا بلبس الفستان كانت بيتصل عليا يتطمن و بعدين ايان مراقبني في كل حتة انتي فكراني هبلة كانت في عربية بتمشي ورانا اصلا تبع ايان يتطمن بيها علينا حراسة تبع ايان ده غير أنه شرط عليا البس الخاتم اللي جابه ليا لانه في جهاز ترقب ده غير فوني اللي كل شوية معاه و مراقبه يا روحي نظرا أنه بيخاف عليا و بيغير عليا عمري ماشوفت بني آدم زي كدة في حياتي انا لدرجة اني شكيت أنه عنده انفصام شخصية ده غير معاملة مامته اللي مش كانت طايقاني دلوقتي بقت تعشقني .
أسماء :- كمان يابنتي أنا وانتي مش كنا باينين من طقم الماس و الدهب اللي كنا لابسينهم .
إليان :- صدقيني احمد مراقبك دلوقتي .
أسماء :- باين عليكي خبرة .
إليان :- عيب عليكي يا زميلي. 
ضحكت أنا و اسماء علي كلامي .
( عند أحمد و ايان ) .
ايان :- تعرف أن اختك دماغها ذكية و غريبة .
احمد :- غريبة ازاي يعني.
ايان :- يعني مفيش ست قدرت تعرف اللي في دماغي غيرها .
احمد :- انت بتتكلم علي حد عادي دي إليان الكينج ههههه .
ايان :- عندك حق هههههه. 
فضلت أنا و اسماء نهزر و نضحك و نتكلم و نحضر في الاكل لحد ما سمعنا صوت ايان و احمد بينادوا علينا .
إليان و اسماء :- نعم .
احمد :- فكرنا في الموضوع ده كتير بس قولنا انكم تستحقوا .
ايان :- بالفعل اتفضلوا.
لقيت ايان بيمد ليا بمفتاح .
إليان :- مفتاح ايه ده .
ايان :- مفتاح شركة اميرتي دي هتكون شركتك خاصة بيكي يا اميرتي شركة الكينج .
احمد مد أيده لاسماء بمفتاح كمان .
أسماء :- مفتاح ايه دا .
احمد :- دا مفتاح للمستشفي بتاعة ملاكي و المستشفي مكتوبة بأسمك و خاصة بيكي لاني ملاكي احسن دكتورة شوفتها .
احمد :- كمان اتفضلوا دول .
أسماء :- مفاتيح ايه دي كمان .
احمد :- دي مفاتيح سياراتكم الجديدة .
مش قدرت استحمل و بكيت من الفرحة و اسماء كمان و أنا حضنت ايان و اسماء حضنت احمد .
اعترف اني كنت بحاول بكافة الطرق اهرب من الحصون دي بس فشلت لأنها من الاول كانت حصون عشقي و حبي الوحيد مش حصون آسري و دلوقتي أنا استسلمت لآسري و بقيت أسيرة عشقه للأبد.
🖤🖤🖤🖤🖤🖤🖤🖤.
عارفة البارت طويل بس حبيت اخلصها و احط النهاية .
🖤🖤🖤🖤🖤🖤🖤🖤.
حصون آسري ❤‍🩹🖤💔.
بقلمي / جميلة اكتوبر "Sona" .
🖤🖤🖤🖤🖤🖤🖤🖤.
*"تمت بحمد الله و فضله."*
🫶🏻🫶🏻🫶🏻🫶🏻🫶🏻🫶🏻🫶🏻🫶🏻.
رأيكوا يهمني في الرواية حلوة أو وحشة ممكن احط ليها جزء تاني لو تحبوا .