حصون آسري 💜💜💜

البارت الخامس و العشرون 25
رواية:- حصون آسري ❤‍🩹🖤💔.
بقلمي / جميلة اكتوبر "Sona" .
🖤🖤🖤🖤🖤🖤🖤🖤.
إليان :- بس مامتك ازاي قالت إنك اول ما رجعت كبير عيلة الالفي حكم إن أنت تتجوزني و انت بتقول انك اتجوزت سارة أو كنت هتتجوزها .
ايان :- امي هربت علشان جدي كبير عيلة الالفي كان عايز يجوزها من عمي بعد موت بس هي رفضت فهو هددها أنها لو مش اتجوزت عمي هياخدني منها فاضطرت تهرب .
إليان :- بس ايه ذنب أبويا في الموضوع.
ايان :- ابوكي لو مش كان قتل أبويا كانت أمي عايشة مرتاحة دلوقتي .
إليان :- طيب وسارة و مين اخويا ده .
ايان :- سارة أنا اتعرفت عليها أيوة بعد ما رجعت و اعجبت بيها بس هي حبتني و طلبت من جدي أننا نتجوز بس الغبية كانت عايزة تتجوزني بعد ما كان مر علي موت اخوكي شهر و لما ابوكي عرف كان بيخطط أنه يقتلها و يوم جوازنا ابوكي حاول يقتلها فعلا بس صوت صراخها كان عالي و أنا احسن حظها كنت بتمشي قدام باب اوضتها فسمعتها و جدي في اليوم ده فرض فرض عليا جوازك وانا قعدت فترة كبيرة مش حسبت عددها كان كام وانا افكر و بعدين قولت اني لازم اخد حق ابويا و اتجوزتك و سارة نفسيتها اتدمرت و سافرت برا و يوم ما رجعت جات ليا علي الشركة في أول يوم انا اخدتك فيه هناك .
إليان :- وانت لحد دلوقتي معجب بيها .
ايان :- إليان نامي و هتعرفي كل حاجة قريبا .
إليان :- انام انت متخيل اني ده كتير عليا و ان دي كلها صدمة أنا اخدتها منك دلوقتي و اني أنا حاسة الاوضة بتلف بيا من كتر و كمان .
مش لحقت افوق من الصدمات اللي ايان قالها ليا دي و جسمي اللي بعافر علشان يخف بسرعة فلقيت ايان ساحبني لحضنه حقيقي حسيت اد ايه حضنه في دفئ و امان و راحة غريبة و نمت من غير ما احس بنفسي .
صحيت الصبح و سمعت صوت خبط علي الباب بس مش خبط عادي لا ده خبط جامد استغربت مين اللي هياجي لأيان الجناح بتاعه مفيش حد اتجرأ ياجي خالص غير بإذن ايان .
ايان قام بإزعاج من الصوت و قالي .
ايان :- قومي بسرعة ادخلي الحمام .
إليان :- ليه .
ايان :- و الهباب اللي انتي لابساه ده قومي أخلصي .
إليان :- ماشي .
دخلت الحمام و ايان قام فتح الباب و قال بزعيق .
ايان بزعيق :- ايه خير في ايه .
الخادمة :- ايان بيه أنا آسفة بس المدام سارة وقعت و تقريبا دراعها اتكسر .
ايان بغضب :- يعني ايه وقعت بطلقة مثلا خليها مرزوعة تحت لحد ما أنزل .
ايان قفل الباب في وش الخدامة و أنا في الحمام فاتحة الباب فتحة بسيطة و شايفة كل اللي بيحصل و فطسانة ضحك علي كلام ايان عن سارة .
ايان :- إليان .
إليان بضحك :- نعم .
ايان :- بتضحكي علي ايه .
إليان :- احم لا مافيش متاخدش في بالك دي هرمونات .
ايان :- طيب انزلي تحت هنشوف الهانم اللي وقعت دي .
إليان :- حاضر .
ايان اخد هدوم و دخل الحمام يلبس و أنا طبعا دخلت اوضة الملابس ماهو ايان كان موصي الخدم أنهم يجيبوا ليا هدوم في اوضته و دخلت أنا لبست بلوزة بيضة و جيبة بليسية سودة و شوز ابيض و طرحة سكارف ابيض بأسود و طبعا رشيت البرفيوم المفضل بتاعي و طلعت لقيت ايان مستنيني في الاوضة برة و لابس تيشيرت ابيض و بنطلون اسود و كان وسيم جدا و رش برفانه اللي بتخليني ادوب من ريحته و مسك ايدي و نزلنا و اول ما نزلنا حصل اللي مش كنت أتوقعه .
🖤🖤🖤🖤🖤🖤🖤🖤.
حصون آسري❤‍🩹🖤💔 .
بقلمي / جميلة أكتوبر "Sona" .
🖤🖤🖤🖤🖤🖤🖤🖤.
يتبع ................ .