حصون آسري 💜💜💜

البارت الرابع عشر 14
رواية :- حصون آسري ❤‍🩹🖤💔 .
بقلمي/ جميلة اكتوبر "Sona" .
🖤🖤🖤🖤🖤🖤🖤🖤.
مر شوية وقت ياجي حوالي نص ساعة و أنا قاعدة في العربية و مقفول عليا و أيان خلص كلام مع ماما و ماما وقفت تبصلي و كمان احمد اللي كل شوية يبص عليا و بعدين يكلم ايان حسيت أن في أمر مريب بينهم و محدش راضي يقولي.
حاولت انزل من العربية بس معرفتش و فجأة لقيت ايان بيقرب علي العربية و بيفتحها و يقولي .
ايان :- انزلي أخلصي و اسبوع بالظبط و اجي اخدك بس اسبوع انتي فاهمة .
هزيت راسي بالايجاب بكل بلاهة وانا مش عارفة هو بيتكلم عن ايه بس كنت فرحانة اني خلصت من السجن اللي كنت عايشة فيه ده لمدة أسبوع .
ايان نزلني من العربية و قال كلامه و اخد احمد و في لمح البصر كان مشي و بقيت أنا و ماما بصراحة روحت جريت علي ماما حضنتها و فضلنا نبكي احنا الاتنين لاني كملت شهرين تقريبا وانا بعيدة عن ماما و مش شوفتها خالص ولا حتي بسمع صوتها نهائيا .
شروق :- سامحيني يا بنتي بس ايان كان
إليان :- من غير ما تكملي أنا عارفة ايان و دماغه فخلاص سيبك منه ياكش يولع مكانه بس مش مهم المهم ايه عاملة انتي حقيقي وحشتيني اوي اوي اوي يا امي و كمان بابا فين مش شايفاه .
شروق :- ابوكي في الشركة دلوقتي و زمانه علي وصول تعالي ندخل أنا وانتي سوا جوة و نحضر الاكل و كمان في شوية مواعين في الحوض لميهم .
إليان :- لا بقولك ايه ايان لسه مش مشي والله ارن عليه و أقوله تعالي خدني .
شروق :- أخص عليكي يا لولو
إليان :- يعني بنتك جاية تشوفك و زيارة تقومي تقوليها المواعين في الحوض. 
شروق :- ومش اقولها ليه .
إليان :- اي ام انتي و اي تعذيب هذا و اي مواعين هذه. 
شروق :- أنا للأسف الشديد امك و ده تعذيب و عقاب لأنك بقالك شهرين لا بتدوري علينا ولا بتسألي فينا يا جزمة و المواعين دي و حياتك ما بتخلص خالص .
إليان :- عندك حق يا شيرو بصراحة و والله ايان كان ساحب مني تليفوني و مش راضي يخليني اطلع خالص و كاتمها عليا في البيت كمان فسامحيني يا امي .
شروق :- مسامحاكي يا روح امك مسمحاكي .
إليان :- ايه روح امك دي يا شيرو ما تحترمي نفسك شوية ياعم الله .
شروق :- و النعمة بقرة
إليان :- ليييه .
شروق :- لاني يا غبية بقولك روح امك يعني روحي يا بت .
إليان :- تسلمي يا ست الكل معلش بقي بنتك بقرة شوية و مش بتفهم .
شروق :- و النعمة البقرة يمكن اذكي منك مقارنتك بالبقرة فيها إهانة للبقرة ده البقرة كدة هتزعل .
إليان :- استلميني انتي ها استلميني اصدق ما اخلص من تهزيق ايان اجي لتهزيقك انتي .
ماما كانت بتضحك عليا بس اختفت ضحكتها بعد ما مسكت وشي و قالتلي . 
شروق :- ايه يا بت الكف اللي مخلي وشك احمر ده و ورام .
إليان :- كف مين مفيش كف ولا حاجة دا بس كان
ماما قاطعت كلامي و هي بتبكي بشدة و تشهق و بتقول .
شروق :- سامحيني يا بنتي انا السبب أنا و ابوكي السبب اللي اجبرناكي علي الجوازة دي و عارفة أن ايان اللي ضربك بس والله ما كان بإيدينا يا بنتي .
كنت لسه هسأل ماما عن سبب التار ده و ايه اللي حصل بس قاطعنا دخول بابا و هو بينادي بصوت عالي على ماما و هو داخل اتصدم من وجودي و مش مصدق وجودي في البيت و فجأة .
🖤🖤🖤🖤🖤🖤🖤🖤.
حصون آسري ❤‍🩹🖤💔.
بقلمي/ (Sondos Morgan).
🖤🖤🖤🖤🖤🖤🖤🖤. 
يتبع..............................