حصون آسري 💜💜💜

حصون آسري 💜💜💜 (يكفي تعذيبا ).

البارت الثامن ٨
رواية:- حصون آسري ❤‍🩹🖤💔 .
بقلمي/ جميلة اكتوبر "Sona" .
ل (Sondos Morgan) . ❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹
(ملحوظة يا جماعة ايان سبق وقال ل إليان أنها هتبات في اوضته بس إليان رفضت و ايان قدرها فعلا و صلح أوضتها . )

إليان:- بس انا عايزة اشوف اهلي ومن حقي اسلم عليهم و اشوفهم.
ايان :- اممم تقدري تكلميهم في التليفون .
إليان :- بس انا
ايان مقاطعا كلامها :- مفييييشش بس يا إليان كلمتي تتسمع و احمدي ربك اني لسه موافق انك تشتغلي بدل ما كنت عيشتك طول عمرك هنا وفي مكانك ده .
ايان سابني و مشي من غير ما يستني ردي .
جه الليل و دادة جميلة حضرت العشاء و جات اوضتي علشان تنادي عليا اتعشي .
دادة جميلة خبطت علي الباب .
إليان :- ادخلي يا دادة .
دادة جميلة:- انتي ازاي عرفتي أنه أنا.
إليان :- لأن بكل بساطة حفظت خبطتك و دخولك اوضتي بكل احترام و استأذان لكن ايان ده اول ما ياجي يخبط علي الباب كأنه هيكسر الباب .
دادة جميلة :- ههههههههه معلش يا بنتي بس والله ايان غلبان و طيب و قلبه ابيض بس هو مبيحبش اللي يدايقه و اللي مش يسمع كلامه .
إليان :- ربنا يهديه .
ايان :- ليه شايفاني مجنون ولا ايه .
إليان :- انت أمتي جيت اصلا .
ايان :- قومي يلا علشان تأكلي علشان بكرة رايحين الشركة .
إليان :- ماشي .
طبعا اتعشيت و طلعت علي اوضتي نمت و الصبح جه و ايان جه خبط علي باب اوضتي بعد ما سبت اوضته بعد إصرار كبير مني ايان خلاني ارجع و صلح ليا اوضتي أخيرا ما علينا ايان خبط علي الباب. 
إليان :- اممم مين علي الباب
ايان :- أخلصي يا إليان علشان تنزلي تفطري.
إليان :- اه حاضر .
ايان :- وكمان متنسيش الشركة .
إليان :- ماشي .
نزلت روحت فطرت و نسيت ما البس لاني كنت بكلم ايان أنا ونايمة يعني نزلت بعباية بيتي .
ايان :- ليه مش لبستي علشان تروحي الشركة .
إليان :- اسمع يا ايان أنا مش عايزة اروح أن كنت عايزني اروح علشان أنا اللي طلبت منك كدة لكن أنا دلوقتي برفض القرار ومش عايزة اروح اشتغل .
ايان بغضب  :- أنا مش باخد رأيك في حاجة أنا بس بقولك علي اللي هتعمليه وإلا انتي عارفة ايه اللي ممكن يحصلك معاكي خمس دقايق بالظبط الاقيكي قدامي مفهوم . 
إليان بخوف بسبب تحوله المفاجئ الي الغضب :- ح.. حاضر
ايان:- شاطرة .
ايان قام و أنا طلعت بسرعة غيرت هدومي و لبست فستان كحلي منقط ابيض و واسع و طويل و في حزام من نفس لون الفستان في الوسط و لبست عليه طرحة ستان بيضة و سلسلة علي شكل نبض فضية و انسيال فضي علي شكل نبض و شوز ابيض كلاسيكي بكعب عالي طبعا علشان ابقي طويلة و اخدت شنطة كروس بيضة  حطيت ملمع شفاه و حطيت مسكره و نزلت علشان أفطر مع ايان و نمشي .
نزلت و ايان اتصدم من شكلي و انبهر بيا بس محبش يبين .
إليان :- ايه مالك
ايان :- مليش ايه اللي انتي حطاه ده .
إليان:- مالي أنا مش حاطة حاجة ما انا عادية جدا اهو .
ايان :- روحي شيلي الميكب ده و اللي حطاه في رموشك ده يلا .
إليان :- لا .
ايان :- قولتي ايه
إليان :- قولت لا مش هشيله .
ايان :- إليان كفاية عبط و قومي شيليه علشان مش ازعلك .
إليان :- انت ليه مهتم اصلا .
ايان :- لأن سارة مش كان ليها في الحاجات دي .
إليان:- دي سارة بقي مش أنا أنا غير سارة و أنا إليان مش سارة افهم بقي و استوعب .
ايان:- إليان ده اخر تحذير ليكي .
إليان :- مبخافش
ايان :- اممم لما نشوف بعد الشغل لأننا اتأخرنا .
إليان :- برضو مش هتقدر تمنعني اني اشيله .
ايان قرب مني و جه جنب ودني و قالي :- ايان :- بصي يا حلوة متحاوليش تعاندي معايا علشان مزعلكيش و كمان متنسيش انك مراتي و ليا حقوق عليكي و انتي فهماني كويس .
ايان بعد عني و أنا وشي جاب الوان من كلامه عن حقوقه دي .
ايان :- شايف انك سرحتي يعني لا مش عايزك تسرحي يا حلوة فوقي كدة ويلا بينا علي الشغل .
روحت مع ايان الشركة و اول ما نزلت من العربية مسك ايدي و مشي بيا و ركبنا الاسانسير و احنا في المصعد ايان مسكني زقني في الحيطة و حاصرني بايديه الاتنين و قرب مني من ناحية وشي و قالي ايان مش أنا ايان الالفي اللي تلعبي معاه و تستفزيه يا حلوة و حقي منك هاخده و كمان لما ندخل ملكيش دعوة بحد و متكلميش حد و اللي يسألك اسمك ايه مترديش عليه سيبيه و امشي مفهوم .
إليان:- م ... مفهوم .
ايان :- كل اللي قلت عليه يتنفذ و ده تحذير ليكي يا إليان ولو خالفتيه هتشوفي غضبي فعلا .
إليان :- ح...ح... حاضر .
ايان :- اهدي مفيش داعي للتوتر .
بجد أنا بستغرب ايان ده جدا لسه كان بيهددني و يحذرني و دلوقتي بيحاول يهديني و يخليني مش اخاف منه .
طبعا الاسانسير وقف و دخلنا أنا و هو الطابق اللي فيه المكتب بتاعه و نادي علي واحدة اسمها منة بنت كدة ملزقة و مش مظبوطة و عينها من ايان و كمان لبسها فاضح اكتر ما هو ساتر و المفاجأة الأكبر انها طلعت سكرتيرة ايان .
ايان :- منة يا منة انتي يا نيلة .
منة :- نعم يا بيه ايان .
ايان :- خدي سارة و علميها شغلك علشان هتستلم مكانك النهاردة في الشغل هتبقي هي السكرتيرة بتاعتي .
منة :- بس يافندم انا
ايان :- اللي قولته يتنفذ بالحرف الواحد .
منة :- امرك يا فندم تعالي معايا يا هانم .
ايان :- سارة روحي معاها .
طبعا مش اكدب عليكم و اقولكم اني مصدومة فعلا أن مفيش غيرنا احنا التلاتة و بينادي علي واحدة رابعة تاجي بس الغريب أنها مش جات و الاغرب بقي أنه كان قصده عليا أنا و أنا حواليا بتلفت يمين و شمال ادور علي البنت دي .
ايان :- سارة روحتي فين ..
إليان :- بقولك يا منة روحي نادي علي سارة دي .
منة :- حضرتك هو قصده عليكي انتي .
إليان :- اه طبعا اكيد سكت لحظة استوعب اللي قالته و قلت بزعيق نعمممممم هي مين دي اللي اسمها سارة أنا مش
من غير ما اكمل كلامي كان ايان بكفه كلها و سد ليا فمي علشان مش اتكلم و قال :- اهدي يا سارسورتي مالك فيكي ايه هو انتي تعبتي تاني ولا ايه .
منة :- حضرتك تعرفها .
ايان :- ملكيش فيه و روحي دلوقتي و بعد  تلت ساعة كدة تعالي .
منة بدلع :- حاضر .
ايان بزعيق :- غوريييي .
منة جريت و ده كله بيحصل وانا نفسي اتكتم تحت ايد ايان .
ايان :- أنا قولتلك ايه احنا و جايين انتي كدة حسابك تقل اوي معايا .
قال اخر جملة و شال أيده علشان اقدر اخد نفسي و مسكني من ايدي دخلتي مكتبه و فجأة .
STOP❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹.
ياتري ايه اللي هيحصل في إليان و هل هتوافق علي كونها سارة ولا لأ .
❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹
هنعرف ده كله في الاجزاء الجاية إن شاء الله و ياريت تكتبوا ليا رأيكوا في الكومنتات اكمل ولا لأ.
❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹.
حصون آسري❤‍🩹🖤💔.
بقلمي/ (Sondos Morgan). ❤‍🩹❤‍🩹❤‍🩹❤‍🩹❤‍🩹❤‍🩹❤‍🩹❤‍🩹.
يتبع ........