حصون آسري 💜💜💜

حصون آسري (طعنات قلبي) 💜💜💜

البارت السابع ٧
رواية:- حصون آسري ❤‍🩹🖤💔.
بقلمي/ جميلة اكتوبر " Sona" .  🖤🖤🖤🖤🖤🖤🖤🖤🖤🖤
جماعة بجد والله أنا بفرح اوي لما بلاقي حتي لو شخص واحد بيدعمني و كلكوا ماشاءالله و الله اكبر بتقروا بس مفيش حد قال رأيه بس مش مشكلة بإذن الله تعجبكم لاني اول مرة اكتب بصراحة و معلش بقالي فترة مش بنزل علشان ورايا امتحانات ادعولي .
نرجع لقصتنا :-
🖤🖤🖤🖤🖤🖤🖤🖤.
ايان حس بالندم وقتها لما شافني منهارة و في اسوء حالاتي و فجأة اخدني في حضنه و قالي :- أنا آسف حقك عليا سامحيني بجد مش كنت اقصد.
إليان :- إذا قولي مين سارة دي و ليه بتوهمني بحبك ليا ارحمني .
ايان :- هحكيلك :-
فلاش باك :-
في بيت كبير في الصعيد و في طبل و زمر و فرح حوالين البيت و الناس كلها كانت فرحانة لانه ايان ابن أكبر عائلة في الصعيد وهي عائلة الالفي كان هيتجوز من فتاة أحلامه حتي اللي حصل
في غرفة العروسة :-
صديقة العروسة و تدعي منة :- والله شكله قمر بجد ايان هينبهر بيكي يا حبيبتي.
سارة العروسة :- عم تتحدتي جد ولا بتهزري ما انا خابرة و عارفة هزارك الماسخ ده .
منة :- لا والله بتكلم جد قمر ماشاء الله عليكي ده ايان لو شافك هيقولك يلا بينا بلا فرح بلا غيره .
سارة :- وه ما تحترمي نفسك يا منة عاد .
منة :- خلاص خلاص يا ستي انا رايحة الحمام و جاية هتلاقي البنات طالعين ليكي دلوقتي .
سارة :- ماشي .
غادرت منة من غرفة سارة و بقيت سارة وحدها في الغرفة حتي سمعت صوت أحد قادم الغرفة من ناحية الشباك ف ارتعبت سارة كثيرا و قالت .
سارة :- مين مين اهنه.
أتاها صوت رجولي خشن فهي تعرف صاحب هذا الصوت كثيرا فاستدارت و لكن كانت الصدمة عندما علمت أنه هو .
سارة :- انت عايز ايه
الشخص :- عايز روحك يا سارة .
سارة :- هملني و ابعد عني دلوقتي بدل لو ايان جه مش هيرحمك .
الشخص :- أنا مش بخاف من حد سبق و قلتلك يا سارة بلاش انا بس انتي اللي جبتيه لنفسك .
سارة :- هتعمل ايه يعني .
ولكن قبل أن تكمل كلامها كان هذا الشخص قد حاول خنقها و قتلها حتي استطاعت سارة الهرب بضربها لرأسه عن طريق كوب ماء ضربته و حاولت الهرب ولكن ذلك الشخص لم يمت بل امسكها و سحبها و حاول قتلها .
باك :- ايان :- بس وقتها
إليان :- ايه اللي حصل بعد ما حاول قتلها و مين الشخص ده
ايان وقد شعر بالاختناق لتذكره القصة :- بعدين كح كح كح هاتي مياه بسرعة .
إليان :- حاضر .
روحت بسرعة اجيب مياه لأيان و أنا عندي فضول اعرف كل حاجة حصلت لسارة و هل هي عايشة ولا ميتة و مين الشخص اللي حاول يقتلها و هي تقرب ايه لأيان اصلا و ايه علاقة بابا بالتار ده و هل القصة دي ليها علاقة بأبويا ولا لأ حقيقي كل دي كانت مجرد خيوط و مفاتيح للألغاز و الاسئلة اللي كانت في بالي و مش عارفة اوصلها بسبب أن ايان تعب لما افتكر .
جبت المياه لايان و شرب و اخد نفسه و هدي شوية و قلتله .
إليان :- ايان فيك تحكي ولا لأ
ايان بتنهيدة :- اه يا إليان بجد مش قادر اكمل بس مش عايز تفهمي عني اني خاين أو غيره و الاسئلة دي تروح من بالك .
ايان خلص كلام من هنا وانا اتفاجأت أنه عارف بفكر في ايه بجد هو شخص غريب بيقول أنه بيحبني بس في النهاية طلعت مش أنا و مرة يقولي حقك عليا أنا آسف و مرة يقولي انتي مش هتخرجي من هنا ابدا بدل ما اكسر رجلك و يكون قاسي جدا معايا و مرة يكون طيب اوي و يحبني بس تعرفوا ايان ده كدة خلطة غريبة و مزيج غريب جدا من الحب و الخوف و القسوة حاجة كدة في منتهي الجمال .
ايان ارتاح شوية و بعدين سألته .
إليان :- ايان ممكن تقولي انت عرفت ازاي اني كنت بفكر التفكير ده .
ايان :- لأن ببساطة حفظتك لأنك زيها .
إليان :- زي مين .
ايان :- زي سارة فيكي شبه كبير منها و في تصرفاتها و تفكيرها و أسلوبها و أسألتها .
إليان :- بجد ؟! .
ايان :- أيوة يعني متزعليش مني لما انادي عليكي بسارة .
إليان :- بس انا مش بحب حد ينادي عليا بأسم مش اسمي .
ايان :- في دي انتي عندك حق بس ما باليد حيلة لانك شبها بالمللي كأنك توأمها .
إليان :- لو سمحت كفاية صدمات كدة لحد اليوم ده بعدين نكمل صدمة .
ايان :- ما علينا بكرة انتي هتنزلي الشغل في الشركة بتاعتي و اللي يسألك انتي ايه علاقتك بيا هتقولي انك متعرفنيش مفهووم و لو سمعتك يا إليان بتقولي مراته هقطع ليكي لسانك .
إليان :- وانا مالي مش كنت اتجوزتني أما انت شايف أن التار مأثر قوي علي علاقتنا .
ايان :- لان احنا الاتنين كنا مجبورين علي الجوازة دي .
إليان :- عندك حق هي كلها كام شهر و نتطلق .
ايان بعصبية :- إليااان سبق و قلتلك سيرة الطلاق مش اسمعها تاني علي لسانك الحلو ده مفهوم .
إليان :- لا يا ايان أنا تعبت منك بجد فوق يا بني من الوهم اللي انت عايش فيه ده و معايشني معاه ها فوووق بقي أنا مش هيا و دلوقتي عرفت و تأكدت انك لما كنت بتقولي بحبك و تفضلي جنبي مش كان الكلام ده ليا ده كله كان ليها بما انك بتقول أننا شبه بعض في كل حاجة افهم من كلامك أنك أنت بتشوفي هي و الحب ده كله ليها هي م ليا أنا .
ايان :- مش فارق معايا برضو هتفضلي و خروج من هنا مش هيحصل ولو خرجتي هيكون علي قبرك علي إن شاء الله .
إليان :- بس انا عايزة اشوف اهلي ومن حقي اسلم عليهم و اشوفهم .
ايان :- .......
ستوووب 🖤🖤🖤🖤🖤🖤🖤🖤🖤🖤🖤🖤🖤.
  ايه هي قصة سارة و مين اللي كان عايز يقتلها و ايه السبب ؟ .
و هل إليان لسه هتكون بتحب ايان بعد الطعنات المتتالية اللي اخدتها من ايان و من حبه ؟
و ليه ايان مش معترف أن إليان بتكون مراته و ليه معاملته اتغيرت معاها قوي كدة ؟
وهل ايان هيسمح إن إليان تروح تشوف أهلها و تسلم عليهم ولا لأ ؟ . 🖤🖤🖤🖤🖤🖤🖤🖤🖤🖤🖤🖤🖤🖤.
هنعرف ده كله في الاجزاء الجاية إن شاء الله و تابعوني و قولوا ليا رأيكم في البارت و الرواية . 🖤🖤🖤🖤🖤🖤🖤🖤🖤🖤🖤🖤🖤🖤.
رواية / حصون آسري ❤‍🩹🖤💔.
بقلمي / جميلة اكتوبر "Sona" .
ل (Sondos Morgan).🖤🖤🖤🖤🖤🖤🖤🖤🖤. 
يتبع ..........