حصون آسري 💜💜💜

البارت السادس و العشرون 26 .
رواية :- حصون آسري ❤‍🩹🖤💔.
بقلمي / جميلة اكتوبر "Sona" .
🖤🖤🖤🖤🖤🖤🖤🖤.
نزلت أنا وايان و اول ما نزلنا حصل اللي مش كنت أتوقعه نزلت لقيت سارة في الصالون و بتصرخ و تبكي و أنا ده كله هموت من الضحك علي منظرها بس يلا ملناش دعوة بحد لان التنمر حرام ايان اتخض عليها و جري بسرعة عليها و قالها بكل لهفة .
ايان :- مالك ايه جرا ليكي يا عمري .
لا استنوا كدة يولع اهتمامه بيها و تولع لهفته عليها بس ايه عمري دي هو ازاي يقولها عادي كدة ماشي يا ايان أما ولعت فيك ميبقاش اسمي إليان محمد .
سارة :- وقعت من علي السلم تقريبا حد حيوان رمي قشرة الموز علي السلم امبارح بعد العشا عند الكلمة دي و انفجرت أنا في الضحك لدرجة الكل بص عليا و شك فيا .
إليان :- لا مش أنا علي فكرة أنا بس بضحك علشان هرموناتي طافحة شوية .
ايان ساب سارة و مسك ايدي و دخلني اوضة المكتب بتاعه .
ايان :- ايه حكايتك بالظبط ليه بتضحكي كدة .
إليان :- عادي يعني .
ايان :- لا مش عادي ممكن اعرف في ايه .
إليان :- اوكي هقولك بس انا مش خايفة من اللي عملته ده ابدا .
ايان :- قولي .
إليان :- قشرة الموز اللي كانت علي السلم دي امبارح أنا بعد العشا كنت مغلولة جدا فنفسي جات للموز فروحت اكلت موزة و أنا و طالعة القشرة وقعت مني علي السلم مش عرفت راحت فين لأنها كانت تحت السلم فعلشان كدة مش شوفتها و بس ده اللي حصل و هي وقعت و اخدت جزائها .
ايان :-  ربنا يهديكي .
إليان :- ليه شايفاني مجنونة.
ايان :- بقي كدة طب روحي ربنا يهدك. 
إليان :- بعد الشر .
ايان :- روحي للدكتورة و مش عايز اشوف وشك قدامي النهاردة خالص. 
إليان :- بقي كدة .
ايان :- اه .
خرجت إليان من مكتب ايان و اجري ايان مكالمة هاتفية مع شخص مجهول .
ايان :- كل حاجة تمام .
المجهول :- بنحاول اهو يا فندم .
ايان :- ربنا معاكم اول ما تخلص رن عليا عايز اسمع الخبر عن قريب عايز احس اني باعت وحوش مش رجالة .
المجهول :- بإذن الله يافندم مع السلامة .
عند إليان :-
طلعت أنا من اوضة ايان و جيت طالعة فوق رايحة للدكتورة علشان اعالج جسمي اللي هيموتني من ضرب ايان ده وقفتني الحيوانة اللي اسمها سارة دي .
سارة :- استني انتي رايحة فين .
إليان :- وانتي مالك .
سارة :- لا ليا لاني قريب هبقي أنا ست البيت و الملكة بتاعته .
إليان :- ست بيت ايه دي ماشاءالله فيلا و بعدين ايان عمره ما كان هيطلقني ياروحي و بعدين يلا ابعدي عن طريقي لاني بصراحة مش فاضية لكلامك اللي ملهوش اي ستين لازمة ده .
سارة :- الايام بينا .
إليان :- روحي الاول عند الدكتور لأن بصراحة الكرسي المتحرك و الجبس اللي في دراعك دول مش لاقيين ابدا مع واحدة فرحها الاسبوع الجاي يا خسارة .
سارة :- وانتي مالك أنا فرحي هيتم الاسبوع الجاي يعني الاسبوع الجاي .
ايان طلع من المكتب و سمع كلام سارة و قاطعنا بقوله .
ايان :- ومين قال إن الفرح الاسبوع الجاي الفرح هيبقي بعد اسبوعين تكون رجلك و دراعك خفوا شوية .
سارة :- لا يا ايان أنا قادرة صدقني قادرة اتحرك و كل حاجة .
إليان :- اه واضح اوي انك قادرة بأمارة انك قاعدة علي الكرسي زي شوال البلح .
ايان :- لولو اطلعي انتي للدكتورة .
إليان :- قلب لولو يا اياني و عيوني يا قلبي طالعة .
سارة :- شوف البت و بعدين انت هتتجوزني الاسبوع الجاي يعني هتتجوزني .
ايان :- يعني واحدة دراعها و رجلها مكسورين و كمان علي كرسي بعجل أنا ادخل عليها ازاي دي .
سارة :- معرفش .
إليان :- زي الناس هههههيييي
ايان :- انتي لسه واقفة روحي أخلصي .
إليان :- معلش كنت بشوف اخرة الفيلم الهندي ده ايه .
سارة :- ايان
ايان :- نعم .
سارة :- ممكن يا قلبي اقولك كلمة صغننة بس في اوضة المكتب .
إليان :- يا محنه هي ناقصة هم أنا طالعة و كمان يا اياني ياريت مش تتأخر معاها في المكتب يا حبيبي علشان مش اكمل ليها علي الرجل و الدراع الباقيين منها .
ايان بضحك :- ههههه حاضر
ايان ضحك و غمزاته بانت يالهوي يا ولاد الواد مز في جميع حالاته بصراحة الواد فورتيكة يعني و أنا مش هسيب لحد يتهني بأياني غير أنا و بس لأن ايان ملكي أنا و بحبه و سبت سارة تغلي علي غاليانها بعد ما حسيت اني جبت هدف في صالحي لما اتكسرت و ايان أجل الفرح سبوعين حسيت أن ربنا واقف جنبي هو دائما واقف جنبي و مش سابني بس المرة دي غير اي مرة المرة دي أنا لقيت حب حياتي و لازم احافظ عليه مش اضيعه من ايدي و طلعت أنا للدكتورة دخلت و نسيت ما اخبط علي الباب و لقيتها بتتكلم في التليفون و سمعت اللي صدمني .
🖤🖤🖤🖤🖤🖤🖤🖤.
حصون آسري ❤‍🩹🖤💔.
بقلمي / جميلة اكتوبر "Sona" .
🖤🖤🖤🖤🖤🖤🖤🖤.
يتبع..................... .