حصون آسري 💜💜💜

البارت التاسع 9
رواية:- حصون آسري ❤‍🩹🖤💔.
بقلمي / (Sondos Morgan).
💕💕💕💕💕💕💕💕.
ايان مسكني من ايدي دخلني مكتبه و فجأة زقني علي كرسي المكتب و قرب مني جامد و اتكلم قدام شفايفي و قالي .
ايان:- سبق و اديتك الانذار و قلتلك بلاش تلعبي في النار و انتي مش سمعتي الكلام و ده هيكون عقابك .
ايان مش اداني فرصة اتكلم أو استوعب هو كان بيقول ايه لا اداني الصدمة كلها بالمرة شكله كان ناوي يخلص عليا فعلا ايان حاول يبوسني و أنا طبعا مش ساهلة خالص قبل ما يعمل اي حاجة روحت ضرباه بكعب الشوز العالي اللي أنا لابساه  في رجله و هو وقع علي الارض وانا اتجمدت مكاني من الخوف و الصدمة و الاحراج بسبب ايان
ايان بوجع :- يابت المجنونة انتي لابسه شوز ولا لابسة مدفعة حديد .
إليان :- هههه لا خفة اوي يا ايان بصراحة .
ايان :- أنا هوريكي دلوقتي الخفة هيعمل فيكي ايه .
إليان بصراخ :- لا ونبيي يا ايان بلاش ارحمني .
ايان :- امال بتضربي ليه لما انتي مش قد اللي هيحصل يا قطة.
إليان :- لانك انت قليل الادب و مش متربي .
ايان :- بقي أنا كل ده
إليان:- تحب اقول اكتر
ايان :- تقولي اكتر لمين بقي أنا ايان الالفي اللي كل البنات تستني بصة بطرف عيني تاجي انتي بقي و ترفضي .
إليان:-  بس انا مش من البنات دي .
ايان :- فعلا انتي مش من البنات دي انتي سارة حبيبتي .
كل ما ايان يقول يقول انها حبيبته و يناديني بأسمها ببقي عايزة اصرخ في وشه و أقوله ياغبي أنا إليان مش سارة و انا حبيبتك مش هي بس ايان مصر أنه يناديني بأسمها و يقول انها حبيبته قدامي و أنا مع كل كلمة بيقولها جزء من قلبي بينهار و عقلي بيصرخ مش مستوعب كمية الصدمات دي كلها حقيقي اقوي الحروب هي حرب ما بين عقلك و قلبك 💔
إليان :- بس انا مش سارة افهم بقي .
ايان :- انا قولت اللي عندي انتي سارة حبيبتي و لو معترضة و عايزة تبقي إليان عادي بس اللي كنت هعمله فيكي دلوقتي هيطور و انتي فاهماني .
إليان :- لا يا أيان أنا مستحيل اسلم نفسي لواحد بيناديني بأسم حبيبته و خصوصا انها ماتت .
ايان :- بس سارة مش ماتت سارة عايشة .
إليان :- اييييه ..
ايان :- زي ما سمعتي سارة عايشة و في حمايتي.
ايان :- مش وقته صدمة يلا علي شغلك ولينا حساب تاني في البيت .
إليان :- بس انا عايزة اروح عند اهلي .
ايان :- لا و مش هيحصل .
إليان :- ممكن بقي تنادي علي منة توريني شغلي .
ايان :- هو ده الصح .
ايان نادي علي البنت الملزقة دي اللي اسمها منة و اللي حقيقي أنا مش بالعاها ولا حتي طايقاها فعلا .
منة جات و اخدتني معاها و ورتني شغلي و اللي هو سكرتيره مستر ايان في كل حاجة .
منة بغل :- صحيح انتي اسمك ايه .
إليان :- اسمي سارة .
منة بحقد:- حقيقي أنا مش عارفة مستر ايان يخلي واحدة زيك سكرتيرة ليه لييه.
إليان :- لاني احسن منك ومن اللي خلفوكي .
منة بغضب :- احسن من مين يا عنيا .
إليان :- البعيدة طرشة مش بتسمع ولا ايه سوري حبيبتي أنا مش بعيد كلامي مرتين .
منة :- وانتي احسن مني في ايه إن شاء الله .
إليان :- لاني اول حاجة مش ملزقة زيك ولا حقودة علي حد و علي بدلع و بحاول اتقرب من مديري بطريقة حرام و تغضب ربنا ولا لبسي مكشوف زيك عرفتي بقي يا حلوة أنا احسن منك في ايه .
منة :- انتي مش متربية و مش محترمة و أنا هقول لمستر ايان علي اللي حصل .
إليان :- هي مين دي يابت اللي مش محترمة ولا حتي متربية ما تلمي نفسك احسنلك ولا تحبي اوريكي مكانتك ازاي و فين .
منة :- أنا هخاف منك انتي يا بتاعة انتي .
إليان :- وانا بقي هرويكي البتاعة دي هتعمل فيكي ايه .
بصراحة منة دي دايقتني جامد روحت جايباها من شعرها و نزلت فيها ضرب علي الارض وسط الشركة كلها بس صوت صراخها كان عالي لدرجة ايان طلع و أنصدم من المنظر ايان حاول يشيلني من عليها و يلحق شعرها اللي طلع معظمه في ايدي و أنا بقي مش عايزة اسيبها بس قوة منعتني عنها و قومني من عليها بالعافية .
ايان بزعيق و غضب :- ايه في ايييييه و ايه صوت الصراخ اللي سمعته ده و ايه اللي حصللل .
منة ببكاء :- مستر ايان البتاعة دي ضربتني بدون سبب .
إليان :- اهي البتاعة دي بقي هتربيكي لو مش اتعدلتي و بعدتي عنه دلوقتي .
ايان :- سارة في ايه .
إليان :- الهانم قعدت تبجح و تقل في ادبها عليا و فكراني هسكتلها .
ايان :- و ايه يعني اللي حصل دلوقتي مش عايزة يتكرر تاني والا قسما بعز و جلالة الله اطردكم و مفيش شركة أو أي شغل تاني هيرضي يقبلكم مفهووووم .
منة :- مفهوم مستر ايان .
أنا بصراحة كنت مخنوقة خالص مش زعيقه ليا و أنا مش ليا ذنب فمسكت دموعي بالعافية و لقيت ايان بصلي بحدة و قالي .
ايان :- مش سامع صوتك يعني مفهوم اللي قلته يا سارة .
إليان :- مفهوم يا ايان
الكل بص ليا و لأيان بصدمة اني قلت لايان بأسمه  فلقيت ايان بصلي بحدة و قالي قلتي ايه .
إليان :- بيه
ايان :- مش سامع علي الصوت
إليان :- مفهوم يا ايان بيه
ايان :- اممم متتكررش تاني
إليان :- حضرتك لو كنت صبرت عليا كنت سمعت بيه بس انا وقتها كنت باخد نفسي .
ايان :- ماشي .
و سابني و دخل لمكتبه و منة راحت علي شغلها و أنا جريت علي الحمام .
فضلت ابكي بقهر علي حالي و علي اللي بشوفه من ايان يفضل يزعقلي و يناديني بأسم حبيبته و يقارني بسارة طول الوقت و يزلني بالتار اللي بابا السبب فيه و اللي محدش راضي يقولي عليه و كمان نفسي اشوف اهلي بس ايان مش راضي فضلت ربع ساعة وانا في الحمام ببكي لحد ما عنيا ورمت من البكاء و فجأة
STOOOOOOOOOP 💛💛💛💛💛💛💛💛💛💛.
ياتري ايه حكاية سارة و هل ابو إليان ليه يد في اللي حصل للتار و هل سارة عايشة فعلا زي ما قال ايان ولا لأ ؟ .
💛💛💛💛💛💛💛💛.
هنعرف ده كله في الاجزاء الجاية إن شاء الله و يارب البارت يعجبكم و ياريت تكتبوا ليا رأيكوا في الكومنتات اكمل ولا لأ.
💛💛💛💛💛💛💛💛
حصون آسري ❤‍🩹🖤💔.
بقلمي/ جميلة اكتوبر "Sona"
(Sondos Morgan) . 💛💛💛💛💛💛💛💛💛💛
يتبع........