Unicode
Pxidoဆိုတဲ့နိုင်ငံတကာအဆင့်မှီထိပ်တန်း private university ရှေ့တွင်ယနေ့လူအများစည်ကားလှသည်။ ကျောင်းဝန်းအတွင်းဝင်ထွက်နေတဲ့အဆင့်မြင့်ကားတွေဆိုတာဟာလည်းလိုက်မမှီအောင်ပင်။ နိုင်ငံ့ထိပ်တန်းကျောင်းဆိုသည့်အတိုင်းထိုကျောင်းမှာတက်ရောက်မယ့်ကျောင်းသူကျောင်းသားတွေဟာလည်းအဆင့်မြင့်လူချမ်းသာဒိတ်ဒိတ်ကြဲမိသားစုများမှကလေးများပင်ဖြစ်သည်။
ဒီလိုပြောရင်Pxidoမှာပိုက်ဆံရှိရင်တက်လို့ရပြီလို့ထင်ရင်သိပ်မှားသွားမှာပေါ့။ Pxidoမှာတက်ခွင့်ရတဲ့ကျောင်းသားတွေဟာCSATမှာအမှတ်ပြည့်ရတဲ့ကျောင်းသားများသာဖြစ်ရမည်။ အနည်းဆုံးIQ100နှင့်အထက်ရှိသူ၊အဆင့်ဆင့်စားမေးပွဲတွေဖြေဆိုပြီးမှသာထိုကျောင်းမှာတက်ခွင့်ရသည်။ မိဘရဲ့backgroundဘယ်လောက်ပဲရှိနေပါစေကိုယ်တိုင်ဟာလည်းထူးချွန်သူတစ်ဦးဖြစ်မှသာရမည်။
ထိုကျောင်းမှာလာတက်တဲ့ကျောင်းသားအများစုဟာထိပ်တန်းစီးပွားရေးလုပ်ငန်းရှင်တွေရဲ့သားသမီးတွေ၊တော်ဝင်မိသားစုမှဆင်းသက်လာတဲ့သားသမီးတွေ၊ ဝန်ကြီးသား၊သမ္မတသားအစရှိတဲ့ဒိတ်ဒိတ်ကြဲမိသားစုတွေမှပေါက်ဖွားလာတဲ့ကလေးများဖြစ်သည်။ ဒါ့ကြောင့်ထိုကလေးတွေဟာလည်းထင်တိုင်းကြဲတက်ကြသည်။ သို့သော်ထိုကလေးတွေရဲ့နောက်မှာအမြဲကြိုးဆွဲနေတတ်တဲ့မိဘတွေဟာလဲရှိပါသေးသည်။
ထိုစဥ်ကျောင်းဝန်းထဲကိုဝင်လာတဲ့တောက်ပြောင်နေတဲ့Demon black GTR R35 တစ်စီး၊ထိုကားရဲ့နောက်မှာနောက်ထပ်အနက်ရောင်ကားများဟာလည်းအတန်းလိုက်ကပ်ပါလာသည်။ ကျောင်းသားအားလုံးရဲ့အာရုံဟာထိုအနက်ရောင်GTR R35 တွင်သာစုပြုံကျရောက်နေလေသည်။ ကျောင်းသားအများစုရဲ့တီးတိုးပြောသံတွေဟာလည်းပနံသင့်စွာထွက်ပေါ်လာသည်။
"ငါသတင်းကြားတာတော်ဝင်စော်ဘွားမျိုးနွယ်ရဲ့ဆက်ခံသူကဒီကျောင်းမှာလာတက်မှာတဲ့"
"ဟုတ်တယ် ငါလဲအိမ်မှာပြောသံကြားတယ် လုံးဝဒိတ်ဒိတ်ကြဲပဲတဲ့နော်"
"ဟုတ်လား တော်ဝင်စော်ဘွားမျိုးနွယ်ရဲ့ဆက်ခံသူကိုနောက်ဆုံးတော့မြင်ခွင့်ရတော့မှာပေါ့"
