Unicode
ထို့နေ့ညတော်ဝင်စံအိမ်တော်၌ကျင်းပသောအခမ်းအနားဟာအထက်တန်းကျကျနဲ့သိပ်ကိုခမ်းနားလှသည်။ သို့သော်သခင်လေးတော်ဝင်လင်္ကျာမှာတော့မျက်နှာမကြည်သာ။လူကသာပါတီမှာနေနေရတာစိတ်ကအီတလီကနွေ့ဆီမှာသာ။ စိတ်ပျက်ပျက်နဲ့မကြာသေးခင်ကမှလာချပေးသွားတဲ့စားပွဲပေါ်က ဝိုင်ခွက်ကိုယူကာတော်ဝင်တစ်ခွက်လုံးကုန်အောင်သောက်လိုက်မိသည်။
"တော်ဝင်!မင်းဒီမှာဘာထိုင်လုပ်နေတာလဲ ဟိုဘက်မှာသမီး ကြွေရုပ်လွှာတို့ကိုသွားနှုတ်ဆက်လိုက်ဦးလေ”
"စောနကနှုတ်ဆက်ပြီးပြီမလား တော်လောက်ပြီ”
"မင်းကတော့!ငါ့ကိုမျက်နှာပျက်အောင်မလုပ်နဲ့”
"ဒယ်ဒီကလည်းဘာဖြစ်ချင်နေမှန်းကိုမသိဘူး!!!အစကတည်းကကျွန်တော်လူများရင်မကြိုက်ဘူး၊မနေတတ်ဘူးဆိုတာသိရဲ့သားနဲ့၊ သူကျွန်တော့်ကိုလိုက်ကပ်နေတာလဲဒယ်ဒီမြင်တယ်မလားကျွန်တော်မကြိုက်ဘူးရှုတ်ရှုတ်ရှပ်ရှပ်တွေ!”
"မင်းကပဲနာအံ့ရှိသေး၊ ဟိုကမိန်းကလေးရှင်ပါ”
"ဟ!ကျွန်တော်ကအိမ်ထောင်ရှိယောကျာ်းတစ်ယောက်၊ ကျွန်တော့်မိန်းမသိရင်လဲဒါကိုကြိုက်မှာမဟုတ်ဘူး၊”
"ဟားး ကျွန်တော့်မိန်းမတောင်ဆိုပဲ ၊ နေစမ်းပါဦး မင်းနွေသုန္ဒရီကိုတကယ်ချစ်သွားတာလား”
"ဒယ်ဒီဘယ်လိုပြောလိုက်တာလဲ…ချစ်တာပေါ့ချစ်လွန်းလို့၊ပိုင်ဆိုင်ချင်လွန်းလို့ကိုသူ့အဖိုးရှေ့မှာကိုကျွန်တော်တရားဝင်သွားတောင်းထားတာ…ဘာလဲဒယ်ဒီက ကျွန်တော်နွေ့ကိုလက်ထပ်တာနီလာစံအိမ်တော်ကြောင့်လို့ထင်နေတာလား?”
"မင်းမေ့နေတာလား တော်ဝင်လင်္ကျာ ”
"……”
"ဟက်!မင်းကတော်ဝင်အဂ္ဂနေရာကိုလုထားတာနော်၊ နွေသုန္ဒရီ နဲ့ငယ်ငယ်ကတည်းကနှစ်ဖက်မိသားစုသဘောတူထားတာတော်ဝင်အဂ္ဂနဲ့ မင်းနဲ့မဟုတ်ဘူး! ”
"ဒယ်ဒီ!!!”
"ငါကတော့အရင်ကရောအခုရောငါ့ရည်ရွယ်ချက်ကတစ်ခုတည်းပဲ မဟာအနွယ်ဝင်နီလာမျိုးနွယ်နဲ့ငါတို့တော်ဝင်မျိုးနွယ်ပေါင်းစည်းဖို့ ၊ သေချာနားလည်အောင်လုပ်စမ်းပါတော်ဝင်လင်္ကျာ!အဲ့လိုသာဆိုငါတို့တော်ဝင်မျိုးနွယ်ကပိုပြီးအာဏာရလာမယ်၊ အုပ်ချုပ်ရေး၊နိုင်ငံရေး၊စီးပွားရေး၊ အားလုံးကွာငါတို့လက်ထဲကိုရောက်လာမှာ ၊ မင်းဘဝကြီးကလည်းအေးအေးဆေးဆေးဖြစ်သွားပြီ…မျိုးနွယ်စုနှစ်ခုလုံးရဲ့ဆက်ခံသူကမင်းဖြစ်သွားမှာအဲ့ဒီ့အချိန်ငါတို့နွေသုန္ဒရီကို စွန့်လွှတ်လိုက်ရုံပဲ”
