Unicode
မင်္ဂလာဆောင်ပြီးတစ်ပတ်အကြာ...
"မမလေး"
နွေမနက်စာစားရန်အောက်ထပ်ဆင်းအလာအိမ်အကူကောင်မလေး၏ခေါ်သံကြောင့်ခြေလှမ်းများရပ်သွားသည်။
"ဘာပြောစရာရှိလို့လဲ "
"ဒီမှာပါ"
အိမ်အကူကောင်မလေးဟာသူ့လက်ထဲကစာအိတ်အားနွေ့ကိုကမ်းပေးလာသည်။
"ဒါက?"
"အဲ့ဒါကမမလေးတို့မင်္ဂလာဆောင်တဲ့နေ့မနက်ပိုင်းလောက်က လူတစ်ယောက်လာပို့သွားတာမင်္ဂလာလက်ဖွဲ့လို့ပြောတယ် ၊ မမလေးလဲအိမ်တော်ကိုပြန်မလာတာနဲ့ကျွန်မပေးဖို့မေ့နေတာ ..."
"ကောင်းပြီ နွေယူသွားလိုက်မယ်"
နွေထမင်းစားစားပွဲမှာထိုင်ရင်းစာအိတ်ကိုသေချာကြည့်လိုက်မိသည်။ ပို့ဆောင်သူအမည်မပါသလို၊ စာအိတ်မှာဘာမှမရေးထားဘဲဒီအတိုင်းပြောင်ချောကြီးသာ။ နွေစာအိတ်ကိုဖွင့်မယ်အလုပ်...။
"Morning "
မျက်နှာမြင်ဖြတ်ရိုက်ချင်ပါစေ။ အသံကြားအော့အန်ချင်ပါစေဆိုတဲ့ဆုတွေနဲ့ပြည့်နေတဲ့ မကြာသေးခင်ကမှလက်ထပ်ယူထားတဲ့ခင်ပွန်းတော်ဝင်လင်္ကျာ။
"ဘာကြီးလဲ အဲ့ဒါ"
ကော်ဖီအားသောက်ရင်းနွေ့လက်ထဲကစာအိတ်ကိုမျက်စပစ်ကာမေးလာသူ။ နွေစာအိတ်ကိုတစ်ဖက်ကိုချလိုက်ရင်း။
"နင်သိစရာမလိုဘူး"
"ကုမ္ပဏီ လိုက်မလား"
"ငါက...နင့်ကုမ္ပဏီကိုဘာလုပ်ဖို့လိုက်ရမှာလဲ ၊ ပြီးတော့ဒီနေ့ကငါ့ရဲ့နားရက် အိမ်မှာပဲနေဖို့စဥ်းစားထားတယ်"
"ပြီးတာပဲ ဒါပေမယ့်ညကျရင်တော့ ထရီလီယံကလပ်partyတက်မှာမလား "
"သေချာပေါက်တက်ရမှာပေါ့..."
"ဒီနေ့ညအထူးဧည့်သည်ရှိတယ်တဲ့ သိထားလား"
"မသိဘူး ဘယ်သူလဲ?"
"အီတလီက ၊ လူစီဖာမိသားစုရဲ့သားအငယ်ဆုံး Cassano! ၊ လူစီဖာမိသားစုကိုတော့သိမှာပါ"
"အင်း မာဖီးယားမိသားစုလို့တောင်ခေါ်ကြသေးတယ်မလား ၊ ဘာလဲ...မာဖီးယား၊ ပြည်သူ၊ ရဲ၊ မာဖီးယားထဲကမာဖီးယားလား အဓိပ္ပါယ်ကိုမရှိဘူး"
