Unicode
မြို့စွန်ဘက်တစ်နေရာမှာတော့တစ်အိမ်လုံးကိုအနက်ရောင်တွေသာအသုံးပြုထားတဲ့နက်ဆွေးနေတဲ့အိမ်ကြီးတစ်လုံးရှိလေသည်။ ထိုအိမ်ရဲ့ခြံဝန်းထဲမှာစနစ်တကျစိုက်ပျိုးထားတဲ့ပန်းတွေကအစနှင်းဆီပန်းအနက်ရောင်တွေသာဖြစ်သည်။ ထိုခြံဝန်းထဲမှာရှိနေတဲ့လူတွေအားလုံးဟာလည်း All black ကိုသာဝတ်ဆင်ထားကြသည်။ မကြာမီထိုလူများကြားထဲကခေါင်းဆောင်လို့ထင်ရတဲ့သူဆီကစကားသံအချို့ထွက်လာသည်။
"အားလုံးအိမ်တော်ရဲ့ဧည့်ခန်းထဲမှာစောင့်နေကြပါ Bossရောက်တော့မယ်"
စက္ကန့်ပိုင်းလောက်အကြာမှာတော့ခြံဝန်းထဲကို အနက်ရောင်ကားတွေအတန်းလိုက်ဝင်ရောက်လာလေသည်။ ထိုခေါင်းဆောင်ဟုထင်ရသောသူမှာအနက်ရောင်ကားများစွာထဲကမှရှေ့ဆုံးကား၏အနားကိုလျှောက်သွားလေသည်။ ထိုနောက်ကားတစ်ခါးကိုတရိုတသေဖွင့်ပေးလိုက်တာနဲ့ကားပေါ်ကဆင်းလာတဲ့လူတစ်ယောက်။
All black suitကိုဝတ်ဆင်ထားပြီးအနက်ရောင်လက်အိတ်တွေကိုစွပ်ထားတဲ့ထိုလူ။ ထိုလူဟာသေချာပေါက် Phoenix မှောင်ခိုလုပ်ငန်းစုရဲ့ဘုရင်တစ်ဆူNix။ ထိုလူရဲ့ခြေလှမ်းတွေဟာPhoenix စံအိမ်တော်ကြီးရဲ့ဧည့်ခန်းမကြီးဆီကိုဦးတည်ကာလျှောက်သွားလေသည်။ ဧည့်ခန်းမှာစောင့်နေတဲ့လူတွေအားလုံးဟာ Nixကိုမြင်တာနဲ့တစ်ပြိုင်နက်တည်းတစ်ညီတစ်ညွတ်နှုတ်ဆက်ကြသည်။
"မာန်ဟိန်းကလွဲရင်အားလုံးထွက်သွားလို့ရပြီ"
မာန်ဟိန်းဆိုတာကတော့ စောနကခေါင်းဆောင်လို့ထင်ရတဲ့တစ်ယောက်ပေါ့။ ထိုဧည့်ခန်းမကြီးထဲမှာတော့ Nixနဲ့အတူသူ့ရဲ့အယုံကြည်ရဆုံးညာလက်ရုံးမာန်ဟိန်းနဲ့နှစ်ယောက်သာကျန်ခဲ့သည်။
"Boss စုံစမ်းခိုင်းထားတာတွေပါ"
မာန်ဟိန်းဟာfileတွေအထပ်လိုက်ကို Nixရှေ့ကစားပွဲပေါ်ကိုတင်ကာပြောလိုက်ခြင်းပင်။
"ထွက်သွားလို့ရပြီ"
မာန်ဟိန်းထွက်သွားတာသေချာမှNixဟာစားပွဲပေါ်ကfileတွေကိုအထက်အောင်စုံအောင်ကြည့်အောင်ကြည့်နေလေသည်။ မျက်နှာ၌အပြုံးတစ်ခုဟာအထင်းသား။ Nix ...Nix ဆိုတာဘယ်သူများလဲ။ NixဆိုတာPhoenixမှောင်ခိုဂိုဏ်းရဲ့ဘုရင်၊ Boss ၊ အားလုံးရဲ့အကြောက်တရား။
