Unicode
ဖြောင်း!
အ!
ပြင်းထန်တဲ့Nixရဲ့ရိုက်ချက်ကြောင့်ထိုမိန်းကလေးဟာကြမ်းပြင်ပေါ်ကိုတောင်ပစ်လဲကျသွားသည်။
"ဘယ်လိုဖြစ်တာလဲ မင်းကိုငါအဲ့အိမ်ကိုလွှတ်လိုက်တာ တော်ဝင်လင်္ကျာ ကိုဖြားယောင်းဖို့လေ၊ နွေသုန္ဒရီ နဲ့ပြဿနာတွေဖြစ်အောင်ဖန်တီးပေးဖို့ငါကလွှတ်လိုက်တာ။ အခုတော့ဘာတွေဖြစ်ကုန်တာလဲ မနက်ဖြန်ဆိုရင်ပဲသူတို့နှစ်ယောက်လက်ထပ်တော့မယ် မင်းဘာလုပ်နေတာလဲ ရှေးရေစက်!!”
"ကျွန်မလဲ Royalနဲ့နီးစပ်ဖို့အမျိုးမျိုးကြိုးစားကြည့်ပါသေးတယ်၊ ဒါပေမယ့်ဘာမမှမထူးလာတာ…Royalကပါးစပ်ကသာပြောနေတာသူကနွေသုန္ဒရီကိုသိပ်ချစ်တာ၊ သိပ်ဂရုစိုက်တာ၊ သိပ်အလေးပေးတာ”
"မင်းကိုငါကအဲ့ဒါတွေသွားကြည့်ဖို့အဲ့ဒီ့ကိုလွှတ်လိုက်တာမဟုတ်ဘူး၊ လေးလ …အချိန်လေးလကြာသွားတယ်ငါမျှော်လင့်ထားတာတွေဘာမှဖြစ်မလာဘူး!!!”
"ကျွန်မမသိလို့တစ်ခုလောက်မေးပါရစေ၊ ရှင်ဘာဖြစ်လို့Royalကိုအဲ့လောက်တောင်မုန်းနေရတာလဲ ၊ ရှင်…ရှင်နွေသုန္ဒရီကိုကြိုက်နေတာလား”
Nixခနတော့ငြိမ်သွားသည်။ မျက်နှာဖုံးတပ်ထားသည့်အတွက်Nixရဲ့မျက်နှာအနေအထားဟာဘယ်လိုရှိတယ်ဆိုတာကိုမမြင်နိုင်ပေမယ့်တိတ်ဆိတ်ခြင်းဟာဝန်ခံခြင်းပဲမလား။
"မင်းအဲ့ဒီ့ကိုပြန်သွားမှာလား ရှေးရေစက်၊ ထပ်ပြီးအောင်မြင်အောင်ကြိုးစားကြည့်ချင်သလား”
"ဟင့်အင်း …ကျွန်မပြန်မသွားဘူး၊ ကျွန်မတော်ဝင့်ကိုနွေသုန္ဒရီနဲ့အဆင်ပြေစေချင်တယ်။ အကြောင်းအရင်းမရှိဘဲခုလိုတွေလိုက်ဒုက္ခပေးနေရတာကျွန်မမလုပ်ချင်တော့ဘူး”
"ဒါဆို…သေလိုက်တော့”
"ဘာ!”
"ငါ့အတွက်မင်းကအသုံးမဝင်တော့ဘူး။ အဲ့တော့မလိုအပ်တဲ့အမှိုက်တွေကိုငါကစုမထားတတ်ဘူး၊ သေလိုက်တော့”
ချက်ချင်းပင်အခန်းထဲကို All blackဝတ်ထားတဲ့အမျိုးသား၃ဦးဟာပြေးဝင်လာသည်။ သူတို့လက်ထဲမှာလဲသေနတ်ကိုယ်စီဖြင့်။ ထိုလူ၃ယောက်ဟာရှေးရေစက်ကိုသေနတ်ဖြင့်ချိန်ထားလိုက်ကြသည်။ Nixသာအချက်ပေးလိုက်လျှင်ချက်ချင်းပစ်သတ်တော့မည့်အနေအထားပင်။
